ព័ត៌មានអន្ដរជាតិ
ប្រតិភូរាប់សិបនាក់ នាំគ្នាងើបដើរចេញ ពេលរុស្ស៊ីថ្លែងសុន្ទរកថានៅអង្គការសហប្រជាជាតិ
ប្រតិភូរាប់សិបនាក់ បានដើរចេញពីសុន្ទរកថារបស់រុស្ស៊ីទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិនៅទីក្រុងហ្សឺណែវ កាលពីថ្ងៃពុធទី២៦ខែកុម្ភៈ ដែលត្រូវគេមើលឃើញថាជាសកម្មភាពបង្ហាញការគាំទ្រដល់អ៊ុយក្រែន។
គណៈប្រតិភូ រួមមានទាំងឯកអគ្គរដ្ឋទូតបារាំង អាល្លឺម៉ង់ និងអង់គ្លេស បានងើបចេញពីអង្គប្រជុំ ហើយប្រមូលផ្តុំគ្នានៅខាងក្រៅបន្ទប់ដែលសម័យប្រជុំកំពុងប្រព្រឹត្តទៅ ដើម្បីប្រារព្ធខួបរយៈពេលបីឆ្នាំ ចាប់តាំងពីការឈ្លានពានពេញលេញរបស់រុស្ស៊ីលើអ៊ុយក្រែន។
លោក Simon Manley ឯកអគ្គរដ្ឋទូតចក្រភពអង់គ្លេសប្រចាំនៅអង្គការសហប្រជាជាតិ និងអង្គការពាណិជ្ជកម្មពិភពលោក បាននិយាយថា៖ «ការគាំទ្ររបស់យើងចំពោះអ៊ុយក្រែន ប្រៀបដូចជាដែកថែប។ យើងចង់ឃើញសន្តិភាពដ៏ត្រឹមត្រូវ និងយូរអង្វែង ស្របតាមធម្មនុញ្ញអង្គការសហប្រជាជាតិ។ អ៊ុយក្រែនត្រូវតែនៅតុចរចា»។
ចំណែកឯកអគ្គរដ្ឋទូតបារាំង លោក Jerome Bonnafont បានប្រាប់ថា៖ «បើយើងមិនបញ្ចេញប្រតិកម្មលើរឿងដែលកើតឡើងចំពោះអ៊ុយក្រែន យើងនឹងឈានទៅរកការបែកបាក់នៃគោលការណ៍គ្រឹះដែលអង្គការសហប្រជាជាតិត្រូវបានបង្កើតឡើង»។
នៅក្នុងសុន្ទរកថាទៅកាន់ក្រុមប្រឹក្សា អនុរដ្ឋមន្ត្រីការបរទេសរុស្ស៊ីលោក Sergey Vershinin បានចោទប្រកាន់អ៊ុយក្រែនពី«ការរំលោភសិទ្ធិមនុស្សជាមូលដ្ឋាន» និងគោលការណ៍ «Russophobia» សំដៅលើគោលនយោបាយរើសអើងនិងស្អប់ខ្ពើមរុស្ស៊ី។
ដោយឡែកតំណាងរបស់អ៊ុយក្រែន បានរិះគន់រុស្ស៊ីថាបានផ្គើននឹងច្បាប់អន្តរជាតិ។
អនុរដ្ឋមន្ត្រីការបរទេសអ៊ុយក្រែន លោកស្រី Mariana Betsa បានប្រាប់ក្រុមប្រឹក្សាថា៖ «អ្នកឈ្លានពានគួរតែត្រូវបានដាក់ទណ្ឌកម្ម ការឈ្លានពានមិនគួរត្រូវបានលើកទឹកចិត្តទេ»។
បន្ទាប់ពីសុន្ទរកថា លោកស្រីបានប្រាប់ទីភ្នាក់ងារព័ត៌មានរ៉យទ័រថា មិនគួរមានការចរចាទ្វេភាគីជាមួយរុស្ស៊ីទេ។
លោកស្រីបាននិយាយទៀតថា៖ «សហភាពអឺរ៉ុបគួរតែមានវត្តមាន ហើយសហរដ្ឋអាមេរិកគ្មានអ្វីត្រូវធ្វើអំពីអ៊ុយក្រែន ដោយគ្មានវត្តមានអ៊ុយក្រែនឡើយ» ដោយបន្ថែមថា អ៊ុយក្រែនត្រូវការការធានាសន្តិសុខដ៏ច្បាស់លាស់មួយ៕
ដោយ៖ ឈាង
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ