ព័ត៌មានអន្ដរជាតិ
មេណាតូ ជំរុញឲ្យ ហ្សេលេនស្គី ផ្សះផ្សាទំនាក់ទំនងជាមួយលោក ត្រាំ
អគ្គលេខាធិការអង្គការណាតូលោក Mark Rutte បានជំរុញឲ្យប្រធានាធិបតីអ៊ុយក្រែនលោក វ៉ុលឡូឌីមៀរ ហ្សេលេនស្គី ស្ដារឡើងវិញនូវទំនាក់ទំនងរបស់គាត់ជាមួយប្រធានាធិបតីអាមេរិកលោក ដូណាល់ ត្រាំ បន្ទាប់ពីមានជម្លោះពាក្យសម្ដីកាលពីថ្ងៃសុក្រទី២៨កុម្ភៈនៅឯកិច្ចប្រជុំសេតវិមានលើយុទ្ធសាស្ត្រដើម្បីបញ្ចប់ការឈ្លានពានរបស់រុស្ស៊ីលើអ៊ុយក្រែន។
ថ្លែងទៅកាន់ BBC កាលពីថ្ងៃសៅរ៍ លោក Rutte បាននិយាយថា៖ «វាជារឿងសំខាន់ដែលប្រធានាធិបតី ហ្សេលេនស្គី ត្រូវស្វែងរកវិធីដើម្បីស្តារទំនាក់ទំនងរបស់គាត់ជាមួយប្រធានាធិបតីអាមេរិក និងជាមួយក្រុមអ្នកដឹកនាំជាន់ខ្ពស់អាមេរិក»។
លោក Rutte បានហៅជម្លោះពាក្យសម្ដីរវាងលោក ហ្សេលេនស្គី និងលោក ត្រាំ ថាជារឿង «អកុសល»។ អគ្គលេខាធិការរូបនេះបានបន្ថែមថា៖ «យើងពិតជាត្រូវតែផ្តល់កិត្តិយសដល់លោក ត្រាំ» សម្រាប់ការផ្តល់អាវុធដល់អ៊ុយក្រែនក្នុងអំឡុងពេលអាណត្តិដំបូងរបស់គាត់។ លោក Rutte បានសង្កត់ធ្ងន់ថា អាមេរិកគឺចង់បាន «ការគោរព» សម្រាប់ការគាំទ្ររបស់ពួកគេ។
លោក Rutte បានលើកឡើងពីតួនាទីដ៏សំខាន់របស់អាមេរិកចំពោះការការពារជាតិរបស់អ៊ុយក្រែន ដោយគូសបញ្ជាក់ពីការផ្តល់អាវុធប្រឆាំងរថក្រោះ Javelin របស់លោក ត្រាំ ក្នុងឆ្នាំ២០១៩ ថាជាការរួមចំណែកយ៉ាងសំខាន់។ លោក Rutte ក៏បាននិយាយដែរអំពីភាពចាំបាច់សម្រាប់អាមេរិក អ៊ុយក្រែន និងប្រជាជាតិអឺរ៉ុបក្នុងការសហការគ្នាយ៉ាងជិតស្និទ្ធដើម្បីសម្រេចបានសន្តិភាពយូរអង្វែង។
សូមបញ្ជាក់ថា ក្រោយជម្លោះបែកផ្សែងជាមួយលោក ត្រាំ និងអនុប្រធានាធិបតីអាមេរិកលោក JD Vance, លោក ហ្សេលេនស្គី បានផ្ដល់បទសម្ភាសន៍ជាមួយ Fox News ក្នុងគោលបំណងព្យាយាមជួសជុលទំនាក់ទំនងដែលប្រេះស្រាំ។
មេដឹកនាំអ៊ុយក្រែន បានប្រាប់ Fox News ថា៖ “យើងជាដៃគូជិតស្និទ្ធខ្លាំងណាស់។ ខ្ញុំគិតថា ការឈ្លោះគ្នាបែបនេះមិនល្អសម្រាប់ភាគីទាំងសងខាងទេ»។ យ៉ាងណា លោក ហ្សេលេនស្គី បានប្រាប់ថា លោកមិនមានអារម្មណ៍ថាត្រូវសុំទោសលោក ត្រាំ នោះទេបន្ទាប់ពីការទំនាស់ពាក្យសម្ដីដ៏ក្តៅគគុកនៅសេតវិមាន ដោយរៀបរាប់ថា៖ «ទេ ខ្ញុំគោរពប្រធានាធិបតី ហើយខ្ញុំគោរពប្រជាជនអាមេរិក ហើយខ្ញុំគិតថា យើងត្រូវបើកចំហរ និងស្មោះត្រង់បំផុត ហើយខ្ញុំមិនប្រាកដថា យើងបានធ្វើអ្វីអាក្រក់នោះទេ»៕
ដោយ៖ ឈាង
របាយការណ៍ចុងបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
សម្តេច ម៉ែន សំអន ចូលរួមសោកស្តាយចំពោះការបាត់បង់បងប្រុសធំ សម្តេចតេជោ ហ៊ុន សែន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?