ព័ត៌មានអន្ដរជាតិ
ភ្លើងឆេះព្រៃដ៏អាក្រក់នៅជប៉ុនបន្តរាលដាល ខណៈការវាយតម្លៃផលប៉ះពាល់ត្រូវការពេលយូរ
ក្រុមអ្នកពន្លត់អគ្គីភ័យកំពុងប្រឹងប្រែងប្រយុទ្ធទប់ស្កាត់ភ្លើងឆេះព្រៃដ៏សាហាវមិនធ្លាប់មាននៅក្នុងប្រទេសជប៉ុនដែលនៅតែបន្តឆេះជុំវិញទីក្រុង Ofunato ភាគឦសានប្រទេស។ នេះបើយោងតាមការចេញផ្សាយរបស់ទូរទស្សន៍េជាតិជប៉ុននៅថ្ងៃទី០៣ខែមីនានេះ។

ផ្ទៃដីប្រមាណ២១០០ហិកតាត្រូវបានបំផ្លិចបំផ្លាញដោយសារភ្លើងឆេះព្រៃដ៏អាក្រក់បំផុតរបស់ប្រទេសជប៉ុនក្នុងរយៈពេលជាង៣ទសវត្សរ៍មិនធ្លាប់មាននេះ។ ភ្លើងនេះកំពុងបន្តឆេះបញ្ចេញផ្សែងហុយមកដល់តំបន់លំនៅឋាន។ មកដល់ពេលនេះមានឧទ្ធម្ភាគចក្ររាប់សិបគ្រឿង និងបុគ្គលិកពន្លត់អគ្គិសភ័យដែលចល័តពីជំវិញប្រទេសរាប់ពាន់នាក់ កំពុងព្យាយាមពន្លត់ភ្លើងនេះ។
ចាប់តាំងពីភ្លើងឆេះនេះបានផ្ទុះឡើងកាលពីថ្ងៃពុធសប្ដាហ៍មុន គេបានរកឃើញសាកសពបុរសម្នាក់ ខណៈអគារជាង៨០ត្រូវបានខូចខាត។ អ្នកស្រុកជិត១២០០នាក់ត្រូវបានជម្លៀសចេញ និងប្រជាពលរដ្ឋប្រមាណ៥០០នាក់ត្រូវបានកាត់ផ្តាច់ថាមពលអគ្គិសនីប្រើប្រាស់ ខណៈការវាយតម្លៃពេញលេញនៃការបំផ្លិចបំផ្លាញត្រូវបានគេរំពឹងថានឹងចំណាយពេលយូរ។
អភិបាលក្រុង Ofunato លោក Fuchigami Kiyoshi បានឲ្យដឹងថា៖«យើងព្រួយបារម្ភជាខ្លាំងអំពីការរីករាលដាលនៃអគ្គីភ័យនេះ។ យើងនឹងព្យាយាមពន្លត់ភ្លើងនេះមិនថា តាមរយៈអាកាសនិងនៅលើដី»។
ប្រទេសជប៉ុនកាលពីឆ្នាំមុនបានជួបប្រទះអាកាសធាតុក្ដៅបំផុតមិនធ្លាប់មានចាប់តាំងពីការកត់ត្រាបានចាប់ផ្តើម ដែលឆ្លុះបញ្ចាំងពីការបំភាយឧស្ម័នផ្ទះកញ្ចក់កើនឡើង ធ្វើឲ្យមានការប្រែប្រួលអាកាសធាតុ៕




អត្ថបទ៖ ប៊ុន សុភាព

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១៨ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល