ព័ត៌មានអន្ដរជាតិ
ទីក្រុងហុងកុងគ្របដណ្តប់ដោយអ័ព្ទដ៏ក្រាស់ បង្កការភ្ញាក់ផ្អើលដល់ពលរដ្ឋ
ទីក្រុងហុងកុងត្រូវបានគ្របដណ្តប់ដោយអ័ព្ទយ៉ាងក្រាស់កាលពីថ្ងៃអាទិត្យ ជាមួយនឹងភាពមើលឃើញនៅតំបន់ខ្លះធ្លាក់ចុះដល់១០០ម៉ែត្រ ឬតិចជាងនេះ។ នេះបើយោងតាមការចេញផ្សាយរបស់សារព័ត៌មាន China Morning Post នៅថ្ងៃទី៣ខែមីនានេះ។

កាលពីថ្ងៃអាទិត្យ មានការភ្ញាក់ផ្អើល ដោយសារមានអ័ព្ទដ៍ក្រាស់គ្រប់ដណ្ដប់លើទីក្រុងហុងកុងដែលធ្វើឲ្យកម្រិតនៃការមើលឃើញថយចុះ។ នៅម៉ោង៧យប់ថ្ងៃអាទិត្យកម្រិតមើលឃើញនៅ Sai Wan Ho បានធ្លាក់ចុះដល់ ១០០ម៉ែត្រ ឬតិចជាងនេះ ខណៈដែលនៅកោះ Waglan វាមានចម្ងាយ២០០ម៉ែត្រ។
អ័ព្ទមានសភាពក្រាស់ខ្លាំងនៅតាមស្រុកមួយចំនួនបានធ្វើឲ្យប្រជាជនយល់ច្រឡំថាមានផ្សែងចេញពីភ្លើងដែលហាក់កំពុងឆេះនៅទីតាំងណាមួយ។ ភ្នាក់ងារសង្គ្រោះបន្ទាន់ បានទទួលការហៅទូរសព្ទយ៉ាងហោចណាស់ពីរពីអ្នកស្រុកនៅជិតផ្លូវ Hok Yuen និងផ្លូវ Wan Hoi ក្នុងទីក្រុង Hung Hom នៅម៉ោងប្រហែល ៥ល្ងាច។
អ្នកហៅទូរស័ព្ទចូលនោះ បានរាយការណ៍ថា ឃើញផ្សែងពណ៌ស ហើយមានការព្រួយបារម្ភអំពីភ្លើងដែលអាចកើតមានក្នុងតំបន់ណាមួយ។ ក្រោយមកអាជ្ញាធរបញ្ជាក់ ថា មិនមានភ្លើងឆេះទេ បន្ទាប់ពីចុះពិនិត្យនៅតំបន់នោះ។

គួរបញ្ជាក់ថា រដូវអ័ព្ទនៅហុងកុងជាធម្មតាចាប់ផ្តើមនៅខែកុម្ភៈ ហើយមានរយៈពេលរហូតដល់ខែមេសា។ នៅពេលដែលខ្យល់សមុទ្រក្តៅ និងមានសំណើមផ្លាស់ទីលើផ្ទៃសមុទ្រដែលត្រជាក់ខ្លាំងនៅជិតឆ្នេរសមុទ្រ សីតុណ្ហភាពខ្យល់ធ្លាក់ចុះបន្តិចម្តងៗដែលនាំទៅដល់ការបង្កើតអ័ព្ទ។
បើតាមក្រសួងឧតុនិយមអាកាសធាតុត្រជាក់និងចុះអ័ព្ទនឹងមាននៅពេលព្រឹក និងពេលយប់ ជាមួយនឹងសីតុណ្ហភាពនឹងមានចាប់ពី ២១ដល់ ២៦អង្សារសេ និងមានភ្លៀងធ្លាក់ និងផ្គររន្ទះពាសពេញតំបន់នេះរួមទាំងខេត្តក្វាងទុង។ លើសពីនេះ អាកាសធាតុនឹងត្រជាក់ខ្លាំងនៅចុងសប្តាហ៍ ដោយសីតុណ្ហភាពធ្លាក់ចុះដល់១៤អង្សារនៅថ្ងៃសុក្រនិងថ្ងៃសៅរ៍៕




អត្ថបទ៖ ប៊ុន សុភាព

-
ព័ត៌មានអន្ដរជាតិ១២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?