Connect with us

ព័ត៌មានអន្ដរជាតិ

រដ្ឋអាមេរិក មួយទៀត ប្រកាសអាសន្នភ្លើងឆេះព្រៃ

បានផុស

នៅ

វិនាសកម្មអគ្គិភ័យនៅរដ្ឋ California មិនទាន់រលុបពីការចងចាំរបស់ពលរដ្ឋអាមេរិកផង ស្រាប់តែឥឡូវ មានរដ្ឋមួយទៀតហើយ បានប្រកាសអាសន្នភ្លើងឆេះព្រៃ នោះគឺរដ្ឋ South Carolina។

(រូបថត៖ Greg Staff)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ MSN កាលពីថ្ងៃអាទិត្យទី២ខែមីនាឆ្នាំ២០២៥ អភិបាលរដ្ឋលោក Henry McMaster បានប្រកាសអាសន្ន ដោយសារតែមានភ្លើងឆេះព្រៃចំនួន១៧៥កន្លែង កំពុងឆេះកញ្ជ្រោលផ្ទួនៗគ្នា នៅទូទាំងរដ្ឋ។

គិតត្រឹមថ្ងៃចន្ទ អគ្គិភ័យបានឆាបឆេះលើផ្ទៃដីប្រមាណ ១ ៦៩៩ហិកតា ខណៈតំបន់ Horry, Spartanburg, Union, Oconee និង Pickens ជាកន្លែងអគ្គិភ័យវាយប្រហារខ្លាំងជាងគេ។

អភិបាលរដ្ឋលោក Henry McMaster (រូបថត៖ AP)

កងពន្លត់អគ្គិភ័យមានគ្នា១២៨នាក់ ត្រូវបានដាក់ពង្រាយរួចហើយ ដើម្បីទប់ទល់ជាមួយស្ថានការណ៍ដ៏អាក្រក់នេះ ហើយរដ្ឋក៏បានបញ្ជូនយន្តហោះទម្លាក់ទឹកទៅផងដែរ ដើម្បីពន្លត់ភ្លើង។

ស្របពេលជាមួយគ្នានោះ អាជ្ញាធរក៏បានចេញបញ្ជាឲ្យជម្លៀសមនុស្សផងដែរ ជាពិសេសនៅ Spring Lake, Waterford និង Avalon ព្រោះថា ភ្លើងកំពុងរាលដាលខ្លាំងដោយសារតែមានខ្យល់បក់ខ្លាំងនិងព្រៃស្ងួត។

ទោះបីជាយ៉ាងណាក៏ដោយ មកទល់ពេលនេះ មិនទាន់មានសេចក្តីរាយការណ៍អំពីមនុស្សបាត់បង់ជីវិត រងរបួស ឬការខូចខាតសំណង់ហេដ្ឋារចនាសម្ព័ន្ធណាមួយនៅឡើយទេ។

(រូបថត៖ AP)

រឿងនេះធ្វើឲ្យនឹកឃើញដល់វិនាសកម្មភ្លើងឆេះព្រៃរដ្ឋកាលីហ្វ័រញ៉ា ដោយអគ្គិភ័យសកម្មចំនួន៥ ដូចជា Palisades, Eaton, Kenneth, Hurst និង Lidia បានវាយប្រហារទីក្រុង Los Angeles នៅថ្ងៃទី៨ខែមករា ដោយតួលេខមនុស្សស្លាប់ មាន២៩នាក់។

បើបូករួមទាំងអស់ ត្រឹមមួយខែមករាដើមឆ្នាំ២០២៥ រដ្ឋកាលីហ្វ័រញ៉ា មានភ្លើងឆេះព្រៃសរុប៣០១កន្លែង ដុតកម្ទេចផ្ទៃដីប្រមាណ ២០ ២៣៤ហិកតា បំផ្លាញសំណង់ហេដ្ឋារចនាសម្ព័ន្ធនិងផ្ទះសម្បែងអស់ ១៦ ២៥៥ខ្នង ព្រមទាំងបង្កការខាតបង់សេដ្ឋកិច្ចគិតជាទឹកប្រាក់ប្រហែល ៥០ពាន់លានដុល្លារអាមេរិក៕

អត្ថបទ៖ សុខ សុវណ្ណ

ចុចអាន៖ LA កើតភ្លើងឆេះព្រៃថ្មីទៀត រាលដាលលឿនបំផុត បង្ខំឲ្យជម្លៀសមនុស្ស ជាង៣ម៉ឺននាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ២ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៤ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៥ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៧ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

Sokha Hotels

ព័ត៌មានពេញនិយម