ព័ត៌មានអន្ដរជាតិ
កូរ៉េខាងជើង ស្ដីឲ្យអាមេរិកថាចេះតែបង្ករឿង ក្រោយដាក់ពង្រាយនាវាផ្ទុកយន្តហោះចម្បាំងនៅប៊ូសាន
ប្រទេសកូរ៉េខាងជើង បានរិះគន់យ៉ាងខ្លាំងចំពោះសហរដ្ឋអាមេរិកសម្រាប់ការដាក់ពង្រាយនាវាផ្ទុកយន្តហោះ USS Carl Vinson ប្រភេទដើរដោយថាមពលនុយក្លេអ៊ែរ ទៅកាន់កំពង់ផែប៊ូសានរបស់កូរ៉េខាងត្បូង ដោយចាត់ទុកទង្វើនេះថាជាការបង្ករឿងយ៉ាងព្រហើន ដែលបង្កើនភាពតានតឹងក្នុងតំបន់។
សេចក្តីថ្លែងការណ៍នៅថ្ងៃអង្គារទី៤ខែមីនានេះរបស់ គីម យ៉ូជុង ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង បានចោទប្រកាន់រដ្ឋបាលលោក ដូណាល់ ត្រាំ ថាបានបង្កើនការបង្កហេតុខាងយោធា ដោយអះអាងថា សកម្មភាពបែបនេះបង្ហាញអំពីភាពត្រឹមត្រូវនៃការអភិវឌ្ឍអាវុធនុយក្លេអ៊ែរដែលកំពុងបន្តរបស់កូរ៉េខាងជើង។ អ្នកស្រី យ៉ូជុង បានពិពណ៌នាអំពីការដាក់ពង្រាយនេះថាជាផ្នែកនៃគោលនយោបាយប្រឈមមុខដាក់គ្នាកាន់តែខ្លាំងឡើងរបស់អាមេរិក។
ប្អូនស្រីរបស់លោក គីម ជុងអ៊ុន បានព្រមានចាត់វិធានការសងសឹក ជាឆ្លើយតបទៅនឹងការមកដល់របស់នាវាផ្ទុកយន្តហោះ USS Carl Vinson ដោយបន្ថែមថា កូរ៉េខាងជើងអាចធ្វើសកម្មភាពគំរាមកំហែងដល់សន្តិសុខរបស់អាមេរិក តាមរយៈការសាកល្បងមីស៊ីលដែលអាចបំពាក់ក្បាលគ្រាប់នុយក្លេអ៊ែរ និងបច្ចេកវិទ្យាទំនើបផ្សេងទៀត។
គួរបញ្ជាក់ថា នាវា USS Carl Vinson បានទៅដល់ទីក្រុងប៊ូសាន កាលពីថ្ងៃទី២ខែមីនាឆ្នាំ២០២៥ ដើម្បីពង្រឹងសម្ព័ន្ធភាពយោធាអាមេរិក និងកូរ៉េខាងត្បូង ចំពេលមានការគំរាមកំហែងជាបន្តបន្ទាប់ពីកូរ៉េខាងជើង។ នេះជាដំណើរទស្សនកិច្ចលើកដំបូងរបស់នាវាផ្ទុកយន្តហោះអាមេរិកទៅកាន់កូរ៉េខាងត្បូង ចាប់តាំងពីខែមិថុនាឆ្នាំ២០២៤ ហើយវាក៏ជាផ្នែកមួយនៃសមយុទ្ធយោធារួមគ្នារវាងប្រជាជាតិទាំងពីរ ក្នុងគោលបំណងបង្កើនអន្តរប្រតិបត្តិការ និងការត្រៀមខ្លួនប្រឆាំងនឹងការបង្កហេតុរបស់កូរ៉េខាងជើង។
ការថ្កោលទោសរបស់កូរ៉េខាងជើងចំពោះការដាក់ពង្រាយនាវាចម្បាំងអាមេរិកនេះ បញ្ជាក់ពីស្ថានភាពសន្តិសុខដែលផុយស្រួយនៅឧបទ្វីបកូរ៉េ។ ការគំរាមកំហែង និងការដាក់ពង្រាយយោធា បង្កើនក្តីបារម្ភអំពីការកើនឡើងភាពតានតឹង និងបង្ហាញពីតម្រូវការសម្រាប់កិច្ចចរចាការទូត ដើម្បីកាត់បន្ថយការប្រឈមមុខគ្នានៅក្នុងតំបន់៕
ដោយ៖ ឈាង
ចុចអាន៖ នាវាផ្ទុកយន្តហោះចម្បាំងអាមេរិក ចូលចតនៅកូរ៉េខាងត្បូង បង្ហាញសាច់ដុំកម្លាកូរ៉េខាងជើង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?