ព័ត៌មានអន្ដរជាតិ
ភ្លៀងធ្លាក់ខ្លាំងបង្កការជន់លិចក្នុងរដ្ឋធានីឥណ្ឌូណេស៊ី មនុស្សរាប់រយត្រូវជម្លៀស
មនុស្សរាប់រយនាក់ត្រូវបានជម្លៀសចេញពីសង្កាត់ជាច្រើនដែលជន់លិចនៅទីក្រុងហ្សាកាតា ខណៈដែលភ្លៀងធ្លាក់ខ្លាំងបានវាយលុករដ្ឋធានីឥណ្ឌូណេស៊ី និងទីក្រុងរណបជុំវិញ ដែលបណ្តាលឱ្យទឹកទន្លេជាច្រើនហូរហៀរ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី០៥ខែមីនានេះ។

ផ្នែកខ្លះនៃរដ្ឋធានីដែលមានប្រជាជនប្រហែល១១លាននាក់បានជាប់គាំងដោយសារសង្កាត់រាប់សិបត្រូវបានលិចនៅក្នុងទឹកភក់ ទោះយ៉ាងណា មិនមានរបាយការណ៍ភ្លាមៗអំពីអ្នកស្លាប់និងរបួសទេ។ ទឹកជំនន់នេះបណ្ដាលមកពីភ្លៀងធ្លាក់ខ្លាំងកាលពីថ្ងៃចន្ទ ដែលបណ្តាលឱ្យជន់លិចតំបន់មួយចំនួននៅក្នុងទីក្រុងហ្សាការតា និងនៅទីក្រុង Bogor, Bekasi និង Tangerang ។
ទីភ្នាក់ងារកាត់បន្ថយគ្រោះមហន្តរាយជាតិ (BNPB) បានឲ្យដឹងថា ទឹកបានហក់ឡើងដល់កម្ពស់ជាច្រើនម៉ែត្រនៅក្នុងតំបន់ភាគខាងកើត និងខាងត្បូងនៃទីក្រុងហ្សាកាតាកាលពីថ្ងៃអង្គារ ខណៈទឹកទន្លេ Ciliwung ពោពេញដោយសំរាមហៀហូរប៉ះពាល់មនុស្សចំនួន ១៤៤៦ នាក់ និងផ្ទះចំនួន ២២៤ ខ្នង។
ជាមួយគ្នានេះនៅទីក្រុង Bogor មនុស្សជាង ៣០០នាក់ត្រូវបានជម្លៀសចេញ ផ្ទះរាប់សិបខ្នងត្រូវបានជនលិច និងស្ពានមួយបានដួលរលំ។ ចំណែកនៅទីក្រុង Tangerang ផ្ទះចំនួន ៣៥០ ខ្នងត្រូវបានជន់លិច បន្ទាប់ពីទឹកទន្លេ Cimanceuri បានហក់ឡើង។

មកដល់ពេលនេះអាជ្ញាធរ កំពុងចែកចាយអាហារ ភួយ និងតង់ ដល់ប្រជាពលរដ្ឋដែលរងផលប៉ះពាល់ដោយទឹកជំនន់ និងដាក់ពង្រាយទូកដើម្បីជម្លៀសអ្នកស្រុក។
គួរបញ្ជាក់ថាទីក្រុងទំនាបនៅក្នុងប្រទេសឥណ្ឌូណេស៊ីងាយនឹងមានទឹកជំនន់ក្នុងរដូវវស្សាដែលចាប់ពីខែវិច្ឆិកាដល់ខែមីនា។ កាលពីឆ្នាំ២០២០ ភ្លៀងធ្លាក់ខ្លាំងក៏បានបង្កជាទឹកជំនន់ និងបំណាក់ដី ដែលបានសម្លាប់មនុស្សជិត ៧០ នាក់នៅក្នុង និងជុំវិញទីក្រុងហ្សាកាតា ខណៈដែលរាប់ពាន់នាក់ទៀតត្រូវបានបង្ខំឱ្យជម្លៀសទៅកាន់ទីជម្រកបណ្ដោះអាសន្ន៕


អត្ថបទ៖ ប៊ុន សុភាព

-
ព័ត៌មានអន្ដរជាតិ១៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?