Connect with us

ព័ត៌មានអន្ដរជាតិ

​កងកម្លាំង​អាហ្វហ្គានីស្ថាន និង​ប៉ាគីស្ថាន​ប៉ះទង្គិច​ ​ប្រជាជន​រាប់សិប​​ភៀសខ្លួន​

បានផុស

នៅ

អ្នកស្រុកបានភៀសខ្លួនចេញពីតំបន់ព្រំដែនរវាងប្រទេសអាហ្វហ្គានីស្ថាននិងប៉ាគីស្ថាន បន្ទាប់ពីកងកម្លាំងពីភាគីទាំងពីរបាន​ប៉ះទង្គិចគ្នាកាលពីព្រឹកថ្ងៃអង្គារ​ជុំវិញ​ការបិទច្រក​ព្រំដែនឆ្លងកាត់។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី០៥ខែមីនានេះ។

(រូបភាព៖​​AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីប៉ាគីស្ថានដែលនិយាយក្នុងលក្ខខណ្ឌមិនបញ្ចេញឈ្មោះថាមានការបាញ់ប្រហារគ្នាទៅវិញទៅមកពីរថ្ងៃជាប់ៗគ្នានៅ Torkhamដែលជាច្រកឆ្លងកាត់ដ៏សំខាន់រវាងប្រទេសទាំងពីរដែលត្រូវបានបិទចាប់តាំងពីថ្ងៃទី ២១ ខែកុម្ភៈ ដោយសារតែជម្លោះរវាងប្រទេសជិតខាងទាំងពីរ។

ការបាញ់ប្រហាររវាងកងកម្លាំងសន្តិសុខទាំងសងខាងដោយប្រើអាវុធធុនស្រាល និងធ្ងន់បានធ្វើឱ្យមានការភ័យខ្លាចនិងការភ័យស្លន់ស្លោក្នុងចំណោមអ្នកស្រុក ធ្វើឲ្យពួកគេបានភៀសខ្លួនទៅកាន់ទីតាំងដែលមានសុវត្ថិភាពជាងមុន។ បុគ្គលិកសន្តិសុខប៉ាគីស្ថានបីនាក់បានរងរបួសនៅក្នុងការប៉ះទង្គិចចុងក្រោយនេះ​ តែមិន​មាន​ជន​ស៊ីវិល​រង​គ្រោះ​ទេ។ មន្ត្រី​រូប​នេះ​បាន​និយាយ​ថា​៖ «​ស្ថានការណ៍​នៅ​តែ​តានតឹង ជាពិសេសបញ្ហាសន្តិសុខ»។

បើតាម អ្នកនាំពាក្យក្រសួងមហាផ្ទៃ លោក Abdul Mateen Qani បាននិយាយកាលពីថ្ងៃអង្គារថា អាជ្ញាធរនឹងបន្តកិច្ចខិតខំប្រឹងប្រែងរបស់ពួកគេ ដើម្បីដោះស្រាយបញ្ហាតាមរយៈការពិភាក្សា។

គួរបញ្ជាក់ថាប្រទេសទាំងពីរនាពេលកន្លងមកបានបិទច្រកព្រំដែន Torkham និងច្រកព្រំដែន Chaman ភាគនិរតី ដែលតែងតែមានការបាញ់ប្រហារ ដែលធ្វើឲ្យជំងឺ អ្នកដំណើរ និងអ្នកជំនួញទាំងអស់មានបញ្ហាដោយសារតែការបិទរយៈពេលយូរ ខណៈផ្លូវឆ្លងកាត់នេះមានសារៈសំខាន់ណាស់សម្រាប់ពាណិជ្ជកម្ម និងការធ្វើដំណើររវាងប៉ាគីស្ថាន និងអាហ្វហ្គានីស្ថាន៕

(រូបភាព៖​​AP)
(រូបភាព៖​​AP)
(រូបភាព៖​​AP)
(រូបភាព៖​​AP)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group
ព័ត៌មានជាតិ២០ នាទីutes មុន

វិថី​អាហារ​ដែល​មាន​រចនាបថ​ខ្មែរ​រួម​នឹង​ការ​បង្ហាញ​ពី​វប្បធម៌​ប្រពៃណី​ជាតិ​ និង​លេច​រូប​រាង​ចំ​កណ្តាល​ក្រុងកំពត

ព័ត៌មានជាតិ៥៣ នាទីutes មុន

សហជីព ៖ ការកេងចំណេញនយោបាយពីការដំឡើងពន្ធអាមេរិក គឺ​ជា​ចរិត​នយោបាយ​ដ៏ខ្មៅកខ្វក់​របស់​ក្រុម​ប្រឆាំង

សេដ្ឋកិច្ច១ ម៉ោង មុន

កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%

ព័ត៌មានជាតិ១ ម៉ោង មុន

ស្ពាន​អាកាស​មរតក​តេជោ នឹងសម្ពោធ​​ឱ្យ​ប្រើប្រាស់​​នា​ថ្ងៃ​ទី០៧ ខែមេសា អាជ្ញាធរ​រាជធានី​នឹង​បិទ​ផ្លូវ​មួយ​ចំនួន

ព័ត៌មានជាតិ២ ម៉ោង មុន

អភិបាលរាជធានីណែនាំ​ឱ្យ​ពង្រឹង​សន្តិសុខ សណ្តាប់ធ្នាប់ នា​ឱកាស​បុណ្យ​ចូលឆ្នាំថ្មីខាងមុខ

Sokha Hotels

ព័ត៌មានពេញនិយម