ព័ត៌មានអន្ដរជាតិ
ត្រាំ ថា ពេញចិត្តណាស់ ចំពោះលិខិតដែល ហ្សេលេនស្គី ផ្ញើឲ្យគាត់
ក្នុងសម័យប្រជុំរួមនៃសភា នៅរដ្ឋធានីវ៉ាស៊ីនតោន ឌីស៊ី ប្រធានាធិបតីអាមេរិក ដូណាល់ ត្រាំ ប្រកាសថា លោកទទួលបានលិខិតដ៏សំខាន់មួយច្បាប់ពីមេដឹកនាំអ៊ុយក្រែន វ៉ូឡូឌីមៀរ ហ្សេលេនស្គី ហើយលោកពិតជាពេញចិត្តណាស់ចំពោះលិខិតនោះ។ នេះបើតាមការចុះផ្សាយរបស់ BBC នៅថ្ងៃពុធទី៥ខែមីនាឆ្នាំ២០២៥។
មិនលាក់បាំងឡើយ លោក ត្រាំ ថែមទាំងប្រាប់ជាសាធារណៈផងដែរអំពីខ្លឹមសារនៃលិខិតនោះដែលមានន័យថា អ៊ុយក្រែន ត្រៀមចូលមកកាន់តុចរចា កាន់តែឆាប់កាន់តែល្អ ដើម្បីនាំមកនូវសន្តិភាពដ៏យូរអង្វែង ហើយគ្មាននរណាចង់បានសន្តិភាពខ្លាំងជាងប្រជាជនអ៊ុយក្រែននោះទេ។
ដោយសំដៅទៅសម្តីរបស់លោក ហ្សេលេនស្គី, លោក ត្រាំ និយាយតាមថា «ខ្ញុំនិងក្រុមការងារត្រៀមខ្លួនរួចរាល់ហើយដើម្បីធ្វើការក្រោមការដឹកនាំដ៏រឹងមាំរបស់លោកប្រធានាធិបតី ត្រាំ ដើម្បីទទួលបានសន្តិភាពយូរអង្វែង»។ មិនត្រឹមប៉ុណ្ណឹង លោក ត្រាំ ក៏និយាយដែរថា លោក ហ្សេលេនស្គី ប្រាប់គាត់ថា អ៊ុយក្រែន ត្រៀមខ្លួនរួចហើយ ដើម្បីចុះហត្ថលេខាលើកិច្ចព្រមព្រៀងធនធានរ៉ែកម្រជាមួយសហរដ្ឋអាមេរិក។
យ៉ាងណាក្តី ពាក់ព័ន្ធលិខិតនេះ ភាគីខាងអ៊ុយក្រែន មិនទាន់ចេញមុខនិយាយអ្វីនោះទេ។
តាមពិតទៅបើលិខិតនោះមានខ្លឹមសារអ៊ីចឹងមែន វាមិនខុសប៉ុន្មានពីអ្វីដែលលោក ហ្សេលេនស្គី បង្ហោះលើបណ្តាញសង្គម X កាលពីថ្ងៃអង្គារទី៤ខែមីនានោះទេ ដែលមេដឹកនាំអ៊ុយក្រែន សរសេរថា «ក្រុមខ្ញុំ និងខ្ញុំត្រៀមរួចហើយក្នុងការធ្វើការនៅក្រោមការដឹកនាំដ៏ខ្លាំងក្លារបស់ប្រធានាធិបតី ត្រាំ ដើម្បីទទួលបានសន្តិភាពមួយដែលយូរអង្វែង»។ មេដឹកនាំអ៊ុយក្រែន បានបន្ថែមថា៖ «ជំនួបរបស់ពួកយើងនៅវ៉ាស៊ីនតោន ក្នុងសេតវិមានកាលពីថ្ងៃសុក្រ មិនបានសម្រេចនូវអ្វីដែលរំពឹងទុកនោះទេ។ វាដល់ពេលដែលត្រូវកែប្រែរឿងឲ្យល្អឡើងវិញហើយ»។
រឿងនេះកើតឡើង បន្ទាប់ពីលោក ត្រាំ សម្រេចផ្អាកជំនួយទាំងអស់ដល់ប្រទេសអ៊ុយក្រែន ដែលកត្តានេះធ្វើឲ្យមានការភ័យខ្លាចកាន់តែខ្លាំងនៅក្នុងទីក្រុងកៀវ និងបណ្ដាប្រទេសអឺរ៉ុបជាច្រើន ដោយបារម្ភថា អាមេរិកកំពុងងាកចេញពីសម្ព័ន្ធមិត្តរបស់ពួកគេ និងឆ្ពោះទៅចងចំណងមិត្តភាពកាន់តែខ្លាំងឡើងជាមួយប្រទេសរុស្ស៊ី។
ពាក់ព័ន្ធនឹងការកាត់ជំនួយរបស់អាមេរិកនេះដែរ លោក ហ្សេលេនស្គី និយាយថា ជម្លោះជាសាធារណៈរបស់លោកជាមួយ ត្រាំ កាលពីសប្តាហ៍មុន គឺជារឿងដ៏គួរឲ្យសោកស្តាយ ហើយលោកបានសន្យាថានឹងចុះហត្ថលេខាលើកិច្ចព្រមព្រៀងរ៉ែសំខាន់ៗជាមួយទីក្រុងវ៉ាស៊ីនតោន៕
អត្ថបទ៖ សុខ សុវណ្ណ
ចុចអាន៖ ហ្សេលេនស្គី៖ «ខ្ញុំត្រៀមខ្លួនធ្វើការក្រោមការដឹកនាំដ៏ខ្លាំងក្លារបស់ប្រធានាធិបតី ត្រាំ»
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
ខ្យល់កន្ត្រាក់បំផ្លាញផ្ទះពលរដ្ឋ ១០ខ្នង នៅស្រុកគាស់ក្រឡ
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ