ព័ត៌មានអន្ដរជាតិ

កងទ័ពថៃប្រុងជើងការខ្ពស់តាមព្រំដែនជាមួយមីយ៉ាន់ម៉ា ខណៈកងទ័ពយោធាមីយ៉ាន់ផ្ទះអាវុធ

បានផុស

២៣ វិនាទី មុន

នៅ

ថ្ងៃសុក្រ ៧ មីនា ២០២៥

ដោយ

យោធាថៃនៅតាមតំបន់ព្រំដែនជាប់ប្រទេសមីយ៉ាន់ម៉ាស្ថិតនៅក្នុងស្ថានភាពប្រុងជើងការខ្ពស់ បន្ទាប់ពីកងទ័ពយោធាមីយ៉ាន់ម៉ាបានប៉ះទង្គិចគ្នាជាមួយកងទ័ពតស៊ូ ការ៉ែន ( Karen) នៅតំបន់ព្រំដែនថៃ-មីយ៉ាន់ម៉ា។

យោធាថៃល្បាតតាមបណ្តោយទន្លេ Moei ។ Khaosod

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីរាយការណ៍របស់សារព័ត៌មានថៃ Khaosod English របស់ប្រទេសថៃ បានឲ្យដឹងថា កងទ័ពថៃត្រូវបានពង្រឹងការល្បាតនៅព្រឹកថ្ងៃសុក្រ ដើម្បីការពារនៅតំបន់តាមបណ្តោយព្រំដែនថៃ-មីយ៉ាន់ម៉ា តាមដងទន្លេ Moei ក្នុងស្រុកថាសុងយ៉ាង (Tha Song Yang) នៃខេត្ត Tak បន្ទាប់ពីបន្ទាយរបស់កងទ័ពការ៉ែនឆ្លងចូលទឹកដីមីយ៉ាន់ម៉ា ត្រូវបានវាយប្រហារដោយយន្តហោះចម្បាំង MiG-29 របស់យោធាមីយ៉ាន់ម៉ា។

តាមសេចក្តីរាយការណ៍នោះ ការផ្ទុះឆេះនៅបន្ទាយរបស់កងទ័ពការែននោះ គឺមានចម្ងាយ៨០០ម៉ែត្រពីព្រំដែនថៃ ដែលកងទ័ពរបស់ថៃអាចឮសំឡេងផ្ទុះដោយសារការផ្លោង។

យោធាមីយ៉ាន់ម៉ាហាក់បង្កើនការប្រយុទ្ធជាមួយចលនាតស៊ូតាមតំបន់នានា បន្ទាប់ពីប្រមុខរដ្ឋរបស់របបសឹកមីយ៉ាន់ម៉ា លោក មីន អ៊ុងលាំង បានធ្វើដំណើរទៅទស្សនកិច្ចនៅប្រទេសរុស្ស៊ីជួបពិភាក្សាជាមួយ លោក វ៉្លាឌីមៀរ ពូទីន លើកកិច្ចសហប្រតិបត្តិការ និងការគាំទ្រគ្នាទៅវិញទៅមក៕