ព័ត៌មានអន្ដរជាតិ

ភ្លើងឆេះព្រៃដ៏អាក្រក់បំផុតនៅប្រទេសជប៉ុនរយៈពេល៥០ឆ្នាំនៅតែមានឥទ្ធិពល

បានផុស

១២ វិនាទី មុន

នៅ

ថ្ងៃចន្ទ ១០ មីនា ២០២៥

ដោយ

ភ្លើងឆេះព្រៃដ៏សាហាវបំផុតរបស់ប្រទេសជប៉ុនក្នុងរយៈពេលជាងកន្លះសតវត្សរ៍មិនធ្លាប់មាន ដោយបានបំផ្លាញព្រៃឈើអស់ជិត៣ពាន់ហិកតា និងបណ្តាលឲ្យមានមនុស្សស្លាប់ម្នាក់ ប៉ុន្តែរហូតដល់ពេលនេះអគ្គិភ័យដ៏មហន្តរាយនេះនៅតែមានឥទ្ធិពលនៅឡើយ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី១០ខែមីនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អភិបាលក្រុង Ofunato លោក Kiyoshi Fuchigami បានប្រាប់សន្និសីទសារព័ត៌មានថា៖«បន្ទាប់ពីការត្រួតពិនិត្យពីលើអាកាស យើងបានវាយតម្លៃថា ភ្លើងលែងបង្កហានិភ័យរីករាលដាលបន្ថែមទៀតហើយ»។

ភ្លើងនេះបានឆាបឆេះនៅលើភ្នំជុំវិញតំបន់ជនបទមួយចាប់តាំងពីថ្ងៃទី២៦ខែកុម្ភៈ ដោយបានសម្លាប់មនុស្សម្នាក់ បំផ្លាញ អគារ២១០ខ្នង និងបង្ខំឱ្យអ្នកស្រុកជាង ៤២០០នាក់ភៀសខ្លួនចេញពីផ្ទះរបស់ពួកគេនៅក្នុងទីក្រុង Ofunato ក្នុងខេត្តIwate ប្រទេសជប៉ុន។

ភ្លើងនេះក៏បានបំផ្លាញផ្ទៃដីប្រហែល២៩០០ហិកតា ដែលស្មើនឹងពាក់កណ្តាលនៃទំហំនៃតំបន់ Manhattan ដែលធ្វើឱ្យវាក្លាយជាភ្លើងឆេះដ៏ធំបំផុតរបស់ប្រទេសជប៉ុនក្នុងរយៈពេលជាង៥០ឆ្នាំ ដែលលើសពី២៧០០ហិកតាដែលត្រូវបានបំផ្លាញដោយភ្លើងក្នុងឆ្នាំ ១៩៧៥នៅលើកោះហុកកៃដូ។

ប្រទេសជប៉ុនបានប្រឈមនឹងរដូវក្តៅដ៏ក្តៅបំផុតបំបែកកំណត់ត្រាកាលពីឆ្នាំមុន ដោយសារការប្រែប្រួលអាកាសធាតុជំរុញឱ្យសីតុណ្ហភាពកើនឡើងជុំវិញពិភពលោក។

ភ្លើងឆេះព្រៃនៅប្រទេសជប៉ុនកើតឡើងញឹកញាប់ស្ទើរក្លាយជាទម្លាប់នៅចន្លោះខែកុម្ភៈដល់ខែឧសភា នៅពេលដែលខ្យល់ស្ងួត និងខ្យល់បក់ខ្លាំងដែលមានប្រហែល១៣០០ករណីក្នុងមួយឆ្នាំៗក្នុងរយៈពេលប៉ុន្មានឆ្នាំថ្មីៗនេះ៕