ព័ត៌មានអន្ដរជាតិ
មេដឹកនាំរបបយោធាមីយ៉ាន់ម៉ាប្រកាសរៀបចំបោះឆ្នោតនៅដើមឆ្នាំ២០២៦
មេដឹកនាំរបបយោធារបស់ប្រទេសមីយ៉ាន់ម៉ានឹងរៀបចំការបោះឆ្នោតសកលដែលខ្លួនបានសន្យាជាយូរមកហើយ ដោយមេដឹកនាំនៃរបបយោធានេះបានទៅអញ្ជើញអ្នកអង្កេតការណ៍ពីបណ្តាប្រទេសជាតិមិត្ត ដូចជាប្រទេសបេឡារុសជាដើមដើម្បីចូលរួមអង្កេតការណ៍នៅពេលខាងមុខ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AFP នៅថ្ងៃទី១០ខែមីនានេះ។
បើយោងតាមកាសែតរដ្ឋ Global New Light of Myanmar កាលពីថ្ងៃសៅរ៍បានផ្សាយថា រដ្ឋាភិបាលយោធាមីយ៉ាន់ម៉ានឹងរៀបចំការបោះឆ្នោតនៅខែធ្នូឆ្នាំ២០២៥ឬខែមករាឆ្នាំ២០២៦។ ប្រមុខរដ្ឋាភិបាលយោធា លោក Min Aung Hlaing បាននិយាយថា ការបោះឆ្នោតនឹងមាន «សេរី និងយុត្តិធម៌»។ លោក Min បានបន្ថែមថា គណបក្សនយោបាយចំនួន៥៣ បាន«ដាក់បញ្ជីឈ្មោះរបស់ពួកគេ» ដើម្បីចូលរួមប្រកួតរួចហើយ។
ការបោះឆ្នោតនេះនឹងក្លាយជាការបោះឆ្នោតលើកដំបូងចាប់តាំងពីយោធាបានផ្តួលរំលំរដ្ឋាភិបាលជាប់ឆ្នោតតាមបែបប្រជាធិបតេយ្យរបស់ប្រទេសមីយ៉ាន់ម៉ានៅក្នុងរដ្ឋប្រហារក្នុងខែកុម្ភៈឆ្នាំ២០២១។
ក្នុងអំឡុងពេលនៃកិច្ចប្រជុំជាមួយប្រធានាធិបតីបេឡារុស្ស លោក Aleksandr Lukashenko នៅទីក្រុង Minsk ប្រមុខរដ្ឋមីយ៉ាន់ម៉ា លោក Min Aung Hlaing បានអញ្ជើញ «ក្រុមសង្កេតការណ៍មកពីប្រទេសបេឡារុស្សឱ្យមកសង្កេតមើល» ការបោះឆ្នោតដែលបានគ្រោងទុកនេះ។
មេដឹកនាំរបបយោធាបានសន្យាជាយូរមកហើយថា ខ្លួននឹងរៀបចំការបោះឆ្នោតថ្មីដើម្បីស្ដារការគ្រប់គ្រងស៊ីវិល ប៉ុន្តែយោធាដែលកំពុងកាន់អំណាចបានបន្តដាក់ប្រទេសក្នុងគ្រាអាសន្នម្តងហើយម្តងទៀត ខណៈការពន្យារពេលចុងក្រោយបំផុតត្រូវបានប្រកាសនៅក្នុងខែមករា។
មីយ៉ាន់ម៉ាមានភាពចលាចលចាប់តាំងពីម្ចាស់រង្វាន់ណូបែលសន្តិភាព លោកស្រី Aung San Suu Kyi ត្រូវបានរបបយោធាបណ្តេញចេញពីអំណាច។ គណបក្សរបស់លោកស្រី គឺគណបក្សសម្ព័ន្ធជាតិដើម្បីប្រជាធិបតេយ្យ (NLD) បានឈ្នះការបោះឆ្នោតឆ្នាំ២០២០ ប៉ុន្តែក្រុមយោធាបានច្រានចោល និងចោទប្រកាន់មេដឹកនាំ NLD ពីបទរៀបចំការក្លែងបន្លំលទ្ធផលបោះឆ្នោត។
ការចូលកាន់អំណាចរបស់របបយោធានៅក្នុងខែកុម្ភៈឆ្នាំ២០២១ បានបង្កឱ្យមានចលនាតវ៉ាយ៉ាងខ្លាំងដែលបានប្រែក្លាយទៅជាការបះបោរប្រដាប់អាវុធប្រឆាំងនឹងរបបយោធានៅទូទាំងប្រទេសអាស៊ីអាគ្នេយ៍។ ជនស៊ីវិលជិត៦៤០០នាក់ត្រូវបានសម្លាប់ចាប់តាំងពីរដ្ឋប្រហារជាមួយនឹងការចាប់ខ្លួនជាង២៨៧០០ នាក់ នេះបើយោងតាមតួលេខចុងក្រោយពីក្រុមឃ្លាំមើលសមាគមជំនួយសម្រាប់អ្នកទោសនយោបាយ (AAPP)៕
អត្ថបទ៖ ប៊ុន សុភាព
មេដឹកនាំរបបយោធាមីយ៉ាន់ម៉ាប្រកាសរៀបចំបោះឆ្នោតនៅដើមឆ្នាំ២០២៦
ជិត១០០ឆ្នាំនៃការស្វែងរកទីបំផុតព្រះសិរពុទ្ធបដិមាមួយរកឃើញដងខ្លួនវិញហើយ
ជនជាតិសិង្ហបុរីដែលអត់ការងារធ្វើ នឹងទទួលបានប្រាក់ឧបត្ថម្ភ ៤ ៥០០ដុល្លារ
អាហ្សង់ទីនប្រកាសកាន់ទុក្ខបីថ្ងៃចំពោះហេតុការណ៍ទឹកជំនន់ទឹកភ្លៀងដ៏សាហាវ
តុលាការចោទប្រកាន់អភិបាលរងខេត្តកំពង់ស្ពឺម្នាក់ពាក់ព័ន្ធករណីបោកលុយចិន
ត្រាំ៖ ហ្សេលេនស្គី យកលុយពីបៃដិន ស្រួលដូចយកស្ករគ្រាប់ពីកូនក្មេង
លោក ត្រាំ ប្រកាសថា អាមេរិកជិតបើកការផ្ដល់ព័ត៌មានចារកម្មឲ្យអ៊ុយក្រែនវិញហើយ
មន្ទីរគ្រឿងញៀន បំភ្លឺការផ្សព្វផ្សាយលើបណ្ដាញសង្គមពាក់ព័ន្ធការចាប់មនុស្សញាត់ចូលឡាន
លោក ត្រាំ ថា អ៊ុយក្រែន ដូចគ្មានចេតនា ចង់បានសន្តិភាពសោះ
កូរ៉េខាងជើងបាញ់មីស៊ីលចូលសមុទ្រលឿង ខណៈអាមេរិក-កូរ៉េខាងត្បូងកំពុងធ្វើសមយុទ្ធ
-
សន្តិសុខសង្គម៧ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ១ សប្តាហ៍ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
សន្តិសុខសង្គម១ សប្តាហ៍ agoពលរដ្ឋចោទជនជាតិចិនមួយក្រុមនៅក្រុមហ៊ុនចម្ការចេកខេត្តក្រចេះ បាញ់សត្វគោក្របីអ្នកស្រុកលេីកដាក់ឡានយ៉ាងអានាធិបតេយ្យ