ព័ត៌មានអន្ដរជាតិ
អ៊ីស្រាអែលវាយប្រហារទីតាំងយោធាស៊ីរី ក្នុងខេត្ត Deraa ភាគខាងត្បូងប្រទេស
យន្តហោះយោធាអ៊ីស្រាអែលបានវាយប្រហារទីតាំងយោធារបស់អតីតប្រធានាធិបតី Bashar al-Assad នៅក្នុងខេត្ត Deraa ភាគខាងត្បូងប្រទេសស៊ីរី។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី១១ខែមីនានេះ។
ទីភ្នាក់ងារសារព័ត៌មានរដ្ឋស៊ីរី (SANA) បានរាយការណ៍ថា ការវាយប្រហារកាលពីយប់ថ្ងៃចន្ទលើទីក្រុងចំនួនពីរគឺទីក្រុង Jbab និង Izraa នៅភាគខាងជើងនៃខេត្តDeraa ដែលស្ថិតនៅចម្ងាយ១០៣គីឡូម៉ែត្រ ភាគខាងត្បូងនៃរដ្ឋធានី Damascus។
ក្រុមឃ្លាំមើលសិទ្ធិមនុស្សស៊ីរី ដែលមានមូលដ្ឋាននៅចក្រភពអង់គ្លេស បាននិយាយថា មានការវាយប្រហារចំនួន១៧ លើកដោយយន្តហោះចម្បាំងអ៊ីស្រាអែល បានវាយប្រហារទីតាំងយោធាចំនួនពីរ ដែលមានទីតាំងនៅក្នុងទីក្រុងដែលជា អតីតកងវរសេនាធំកាំភ្លើងធំលេខ៨៩និងកងពលតូចទី១២របស់របបនេះ។
ការវាយប្រហារតាមអាកាសនេះបានកំណត់គោលដៅលើទីស្នាក់ការកងទ័ពរបប al-Assad ឃ្លាំងអាវុធ រ៉ាដា រថក្រោះ និងកាំភ្លើងធំ ដែលក្រុមឧទ្ទាមនៅក្នុងប្រទេសស៊ីរី កំពុងព្យាយាមដណ្តើមកាន់កាប់ តែរហូតមកដល់ពេលនេះមិនមានអ្នកស្លាប់និងរបួសត្រូវបានរាយការណ៍ានៅឡើយទេ។
ចាប់តាំងពីការផ្តួលរំលំប្រធានាធិបតីស៊ីរី លោក al-Assad កាលពីខែធ្នូ អ៊ីស្រាអែលបានធ្វើការវាយប្រហារតាមអាកាសរាប់រយលើកលើគោលដៅនៅក្នុងប្រទេសស៊ីរី។ យោងតាមក្រុមសង្កេតការណ៍ស៊ីរី យោធាអ៊ីស្រាអែលបានវាយប្រហារតាមអាកាសជាង៥០០លើកលើគោលដៅនៅក្នុងប្រទេសស៊ីរីចន្លោះពីថ្ងៃទី៨ខែធ្នូដល់ថ្ងៃទី៣១ខែធ្នូ ឆ្នាំ២០២៤ ហើយបានវាយប្រហារចំនួន២១លើករហូតមកដល់ពេលនេះក្នុងឆ្នាំនេះ។
ការវាយប្រហាររបស់អ៊ីស្រាអែលភាគច្រើនបានកំណត់គោលដៅទីតាំង និងសព្វាវុធដែលធ្លាប់កាន់កាប់ដោយកងកម្លាំងរបស់របបផ្តួលរំលំ ដែលអ៊ីស្រាអែលថាដើម្បីការពារទ្រព្យសម្បត្តិយោធាមិនឱ្យធ្លាក់ចូលទៅក្នុងដៃរបស់កងកម្លាំងអរិភាពចំពោះអ៊ីស្រាអែល។
នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីខែមុនបាននិយាយថា ប្រទេសស៊ីរីភាគខាងត្បូងត្រូវតែគ្មានយោធាទាំងស្រុង ដោយព្រមានផងដែរថា រដ្ឋាភិបាលរបស់លោកនឹងមិនទទួលយកវត្តមានរបស់កងកម្លាំងរដ្ឋាភិបាលថ្មីនៅទីក្រុង Damascus ដែលដឹកនាំដោយប្រធានាធិបតីបណ្តោះអាសន្នស៊ីរី Ahmed al-Sharaa នៅជិតទឹកដីអ៊ីស្រាអែលនោះទេ។
ចាប់តាំងពីការដកចេញពីលោក al-Assad មក យោធារបស់អ៊ីស្រាអែលបានចូល និងដណ្តើមកាន់កាប់ទឹកដី ក្នុងតំបន់ការពារដែលត្រួតត្រាដោយអង្គការសហប្រជាជាតិ ដែលបានបំបែកអ៊ីស្រាអែល និងស៊ីរី នៅតំបន់ Golan Heights ដែលបានកាន់កាប់តាំងពីឆ្នាំ ១៩៧៤៕
អត្ថបទ៖ ប៊ុន សុភាព
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ