រដ្ឋមន្ត្រី​ការបរទេស​អ៊ុយក្រែន​និង​អាមេរិក​កំពុងចរចា​​និង​អះអាងថា មានការរីកចម្រើន​ទៅមុខ​​

រដ្ឋមន្ត្រី​​​ការបរទេស​សហរដ្ឋអាមេរិក​ និង​សមភាគី​​អ៊ុយក្រែន ​កំពុង​​​​ជួប​​​ចរចាផ្ទាល់​ជាមួយ​គ្នា​នៅ​​​​ប្រទេស​​អារ៉ាប៊ីសាអូឌីត ​នៅ​ថ្ងៃអង្គារ​នេះ។ កិច្ច​ប្រជុំវគ្គ​ទី១​បាន​ចំណាយ​ពេល​​​ជិត​​៤ម៉ោង ហើយ​ក្រុម​ចរចា​​បាន​បន្ត​​ឈប់សម្រាក​​ មុន​បន្ត​​ការ​ចរចាបន្ត​នៅ​ក្នុង​ពេលបន្តិច​ទៀត។

​យោង​សេចក្តីរាយការណ៍​​របស់ Kyiv Post ​​ទីប្រឹក្សា​​ប្រធានាធិបតី​ ដូណាល់ ត្រាំ លោក Mike Waltz បាន​ឆ្លើយ​យ៉ាងខ្លី​ទៅកាន់​អ្នកសារព័ត៌មាន​​​​​ដែល​តាម​ដាន​​និង​សួរ​សំណួរអំពី​ការចរចា​​នោះថា «​​ឆ្ពោះ​ទៅ​កាន់​គោល​បំណង​ (Moving toward the goad)។

ក្នុងសេចក្តីរាយការណ៍​រយៈពេល​ពីរថ្ងៃ​ចុងក្រោយ​នេះ ​ទាំង​រដ្ឋមន្ត្រី​​ការបរទេសសហរដ្ឋអមេរិក លោក​ Marco Rubio និង​ ប្រធានាធិបតី​អ៊ុយក្រែន លោក វ៉ូឡូឌីមៀរ ហ្សេលេនស្គី សុទ្ធតែ​​ស្ថិតនៅ​ក្នុង​ប្រទេស​​ទីក្រុងJeddah ប្រទេសអារ៉ាប៊ី សាអូឌីត​ ប៉ុន្តែ​​ក្នុងជំនួប​ចរចា គេសង្កេតឃើញ​រដ្ឋមន្ត្រី​ការបរទេសនៃ​ប្រទេសទាំងពីរ ខណៈ​ប្រធានាធិបតី​អ៊ុយក្រែន​ លោក វ៉ូឡូឌីមៀរ ហ្សេលេនស្គី នឹង​ជួប​ចរចា​ជាមួយ​ព្រះអង្គម្ចាស់​នៃ​ប្រទេសអារ៉ាប៊ីសាអូឌីត​៕​

ដោយ រ៉ាន់ រើយ​