Connect with us

ព័ត៌មានអន្ដរជាតិ

អាមេរិក ផ្តល់ជំនួយយោធានិងចែករំលែកការណ៍សម្ងាត់ឲ្យអ៊ុយក្រែន វិញហើយ

បានផុស

នៅ

ដោយពេញចិត្តចំពោះលទ្ធផលនៃកិច្ចប្រជុំប្រកបដោយផ្លែផ្កានៅប្រទេសអារ៉ាប៊ីសាអ៊ូឌីត ពេលនេះសហរដ្ឋអាមេរិក បានសម្រេចផ្តល់ជំនួយយោធានិងចែករំលែកការណ៍សម្ងាត់ឲ្យអ៊ុយក្រែនវិញហើយ។ នេះបើតាមការចុះផ្សាយរបស់ RT នៅថ្ងៃពុធទី១២ខែមីនាឆ្នាំ២០២៥។

គណៈប្រតិភូអាមេរិកនៅប្រទេសអារ៉ាប៊ីសាអូឌីត (រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីប៉ុន្មានសប្តាហ៍មុន ទីក្រុងវ៉ាស៊ីនតោន បានកាត់ផ្តាច់ជំនួយនិងបញ្ចប់ការផ្តល់ព័ត៌មានសម្ងាត់អំពីរុស្ស៊ីទៅឲ្យទីក្រុងកៀវ ព្រោះតែលោក ត្រាំ ខឹងចិត្តក្រោយទាស់សម្តីជាមួយលោក ហ្សេលេនស្គី។

យ៉ាងណា ក្រោយជំនួបរវាងគណៈប្រតិភូអាមេរិកនិងអ៊ុយក្រែននៅទីក្រុង Jeddah, ទីក្រុងវ៉ាស៊ីនតោនបានចេញសេចក្តីថ្លែងការណ៍ថា ឥឡូវ សហរដ្ឋអាមេរិកនឹងលុបចោលការផ្អាកចែករំលែកព័ត៌មានសម្ងាត់ ហើយបន្តជំនួយផ្នែកសន្តិសុខដល់អ៊ុយក្រែនសាជាថ្មី។ ទីក្រុងវ៉ាស៊ីនតោននិងកៀវ ក៏ពិភាក្សាគ្នាអំពីកិច្ចខិតខំប្រឹងប្រែងផ្តល់ជំនួយមនុស្សធម៌ រួមទាំងការដោះដូរឈ្លើយសឹក ការដោះលែងអ្នកទោសស៊ីវិល និងសកម្មភាពផ្សេងទៀតផងដែរ។

កិច្ចប្រជុំរវាងគណៈប្រតិភូអាមេរិកនិងអ៊ុយក្រែននៅប្រទេសអារ៉ាប៊ីសាអូឌីត (រូបថត៖ Reuters)

ក្រោយការសម្រេចផ្តល់ជំនួយយោធានិងចែករំលែកការណ៍សម្ងាត់ឲ្យអ៊ុយក្រែនឡើងវិញនេះ ប្រមុខដឹកនាំទីក្រុងកៀវ វ៉ូឡូឌីមៀរ ហ្សេលេនស្គី ឯណោះក៏ប្រកាសដែរថា លោកត្រៀមរួចជាស្រេចដើម្បីទទួលយកបទឈប់បាញ់រយៈពេល៣០ថ្ងៃ ជាមួយរុស្ស៊ី។

លោក ហ្សេលេនស្គី បញ្ជាក់យ៉ាងដូច្នេះ ក្នុងសារបង្ហោះលើ Telegram ដោយនិយាយថា «ភាគីអាមេរិក យល់ពីហេតុផលរបស់យើងនិងទទួលយកសំណើរបស់យើង ហើយយើងក៏ទទួលយកសំណើរបស់អាមេរិក សម្រាប់បទឈប់បាញ់ពេញលេញរយៈពេល៣០ថ្ងៃជាមួយរុស្ស៊ីដែរ»។

លោក ហ្សេលេនស្គី (រូបថត៖ Reuters)

ពាក់ព័ន្ធបទឈប់បាញ់នេះដែរ រដ្ឋមន្ត្រីការបរទេសអាមេរិក Marco Rubio បញ្ជាក់ថា លោកនឹងបង្ហាញសំណើនេះទៅកាន់ភាគីរុស្ស៊ី ដើម្បីយកទៅពិចារណា។

ទោះបីជាយ៉ាងណាក៏ដោយ មកទល់ពេលនេះ ភាគីរុស្ស៊ីមិនទាន់ចេញប្រតិកម្មអ្វីទេ ប៉ុន្តែតាំងពីដើមមក ទីក្រុងមូស្គូតែងច្រានចោលចំពោះសំណើឈប់បាញ់បណ្តោះអាសន្ន ដោយអះអាងថា វាជាកិច្ចព្រមព្រៀងដែលមិនអាចទទួលយកបាន ហើយមានតែផ្តល់ប្រយោជន៍ដល់អ៊ុយក្រែននិងអាមេរិក ប៉ុណ្ណោះ៕

អត្ថបទ៖ សុខ សុវណ្ណ

ចុចអាន៖ អ៊ុយក្រែន ព្រមទទួលយកបទឈប់បាញ់រយៈពេល៣០ថ្ងៃ ជាមួយរុស្ស៊ី

Helistar Cambodia - Helicopter Charter Services
Sokimex Investment Group
សន្តិសុខសង្គម១៤ ម៉ោង មុន

ផុង​ដី​រលំ​បាក់ដង​សន្ទូច​ប្រវែងជាង៥០ម៉ែត្រ សង្កត់​លើ​សំយាប​ផ្ទះពលរដ្ឋ៤ខ្នង និង​សង្កត់​ម៉ូតូ​មួយ​គ្រឿង​

ព័ត៌មានជាតិ១៣ ម៉ោង មុន

នគរបាល​ខណ្ឌ​សែនសុខ ហៅ​យុជន​ក្រុម​សម្រួល​ចរាចរណ៍ ​មក​ណែនាំ និង​ដកហូត​ឯកសណ្ឋាន

ព័ត៌មានអន្ដរជាតិ៤ ម៉ោង មុន

ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៩នាក់

ព័ត៌មានអន្ដរជាតិ១៩ ម៉ោង មុន

មេទ័ពអ៊ុយក្រែន អះអាង បាញ់កម្ទេចយន្តហោះទម្លាក់គ្រាប់បែករុស្ស៊ី តម្លៃ ១០០លានដុល្លារ 

ព័ត៌មានអន្ដរជាតិ២១ ម៉ោង មុន

យន្តហោះ​ទម្លាក់​គ្រាប់បែក​អាមេរិក​៦គ្រឿង​ទៅ​ដល់​មហា​សមុទ្រ​ឥណ្ឌា មុន​កិច្ចប្រជុំ​ជាមួយ​អ៊ីរ៉ង់

Sokha Hotels

ព័ត៌មានពេញនិយម