ព័ត៌មានអន្ដរជាតិ
អនុប្រធានធនាគារកណ្តាលអឺរ៉ុប៖ លោក ត្រាំ អាក្រក់ជាង កូវីដ-១៩ ទៀត
ក្នុងបទសម្ភាសជាមួយ The Sunday Times កាលពីថ្ងៃអាទិត្យទី១៦ខែមីនាឆ្នាំ២០២៥ អនុប្រធានធនាគារកណ្តាលអឺរ៉ុប (ECB) លោក Luis de Guindos បាននិយាយថា ប្រធានាធិបតីអាមេរិក ដូណាល់ ត្រាំ បានបង្កភាពមិនប្រាកដប្រជា ដល់វិស័យសេដ្ឋកិច្ចពិភពលោក អាក្រក់ជាងជំងឺរាតត្បាតកូវីដ-១៩ ទៅទៀត។

កាលពី៥ឆ្នាំមុន វិបត្តិជំងឺរាត្បាតកូវីដ-១៩ បានធ្វើសេដ្ឋកិច្ចសកលដួលដាំក្បាលចុះ និងបង្កការរឹតត្បិតពេញមួយពិភពលោក ធ្វើឲ្យមនុស្សត្រូវរងទុក្ខវេទនាទាំងនឹកស្មានមិនដល់។
យ៉ាងណា ឥឡូវលោក Guindos បានត្អូញត្អែរថា គោលនយោបាយរបស់លោកត្រាំ រួមទាំងពន្ធគយ ការគ្រប់គ្រងប្រព័ន្ធហិរញ្ញវត្ថុ និងកំណែទម្រង់ពន្ធសាជីវកម្មផងដែរនោះ កំពុងធ្វើឲ្យទីផ្សារប្រែប្រួល និងបង្កភាពស្មុគស្មាញដល់ស្ថិរភាពសេដ្ឋកិច្ចជាសកល។

លោក De Guindos សង្កត់ធ្ងន់ថា ភាពមិនអាចទាយទុកជាមុនបានដែលកើតចេញពីគោលនយោបាយទាំងនេះ គឺខ្លាំងជាងបទពិសោធន៍ក្នុងអំឡុងពេលជំងឺរាតត្បាតទៅទៀត។ ការងាកចេញឆ្ងាយពីពហុភាគីនិយម និងកិច្ចសហប្រតិបត្តិការអន្តរជាតិ កំពុងជះឥទ្ធិពលយ៉ាងធ្ងន់ធ្ងរដល់ទំនុកចិត្តរបស់អ្នកប្រើប្រាស់ នាំឲ្យការប្រើប្រាស់ និងការវិនិយោគធ្លាក់ចុះនៅក្នុងតំបន់ចាយប្រាក់អឺរ៉ូ។
ទន្ទឹមនោះ លោក De Guindos បានបង្ហាញក្តីបារម្ភថា ពិភពលោកមិនអាចមើលចិត្តលោក ត្រាំ ធ្លុះឡើយ ដូច្នេះអ្វីៗស្ថិតក្នុងភាពស្រពិចស្រពិលព្រោះគេមិនដឹងថាតើលោក ត្រាំ នឹងធ្វើអ្វីបន្ទាប់ទៀត។ ពិភពលោកត្រូវតែត្រៀមខ្លួនចំពោះភាពបត់បែនរបស់ប្រធានាធិបតីអាមេរិក។
សូមជម្រាបជាថ្មី ការដំឡើងពន្ធ២៥% របស់លោកត្រាំ លើដែកថែបនិងអាលុយមីញ៉ូមពី EU បានចូលជាធរមានកាលពីសប្តាហ៍មុន។ ពាក់ព័ន្ធបញ្ហានេះ ទីក្រុងព្រុចសែលបានប្តេជ្ញាសងសឹកវិញ ជាមួយវិធានការតបតយ៉ាងរហ័សនិងសក្តិសមបំផុត៕
អត្ថបទ៖ សុខ សុវណ្ណ
ចុចអាន៖ ត្រាំ នឹងនិយាយរឿងបែងចែកទឹកដី និងរោងចក្រថាមពល ក្នុងជំនួបលើកទី២ជាមួយ ពូទីន

-
KPT+២៣ ម៉ោង ago
តំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
សន្តិសុខសង្គម៣ ថ្ងៃ ago
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៥ ថ្ងៃ ago
មេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៣ ថ្ងៃ ago
សម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៤ ថ្ងៃ ago
ភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះឃ្លាំងស្តុកអេតចាយ(មានវីដេអូ)
-
ព័ត៌មានជាតិ២ ថ្ងៃ ago
អឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល