ព័ត៌មានអន្ដរជាតិ
រុស្ស៊ី ដាក់ពង្រាយនាវាមុជទឹក នៅជិតព្រំដែនណាតូ
សារព័ត៌មាន Bulgarian Military បានចុះផ្សាយថា ថ្មីៗនេះ នាវាមុជទឹក Yasen-M class “Arkhangelsk” របស់រុស្ស៊ី បានឈរជើងនៅមូលដ្ឋាន Zapadnaya Litsa នៅលើឧបទ្វីប Kola ចម្ងាយប្រហែល ៦០គីឡូម៉ែត្រពីប្រទេសន័រវេស ដែលជាសមាជិកអង្គការណាតូ។
នាវាមុជទឹកប្រភេទ Yasen-M ត្រូវបានបំពាក់ដោយសព្វាវុធទំនើបៗ រួមទាំងមីស៊ីលគ្រូស Oniks និង Kalibr-PL ដែលជួយបង្កើនការរារាំងជាយុទ្ធសាស្ត្ររបស់រុស្ស៊ី។ មីស៊ីល Oniks អាចបាញ់ក្នុងល្បឿនលឿនជាងសម្លេងដល់ទៅជាង៨ដង ហើយហោះបានរយៈចម្ងាយ ១ ០០០គីឡូម៉ែត្រ ខណៈមីស៊ីល Kalibr អាចបាញ់រហូតដល់ចម្ងាយ ២ ៥០០គីឡូម៉ែត្រ ហើយអាចវាយប្រហារគោលដៅនៅទូទាំងទ្វីបអឺរ៉ុប ឬជ្រៅចូលទៅក្នុងតំបន់អាកទិក។
ក្រៅតែពីនាវា Yasen-M ក៏មាននាវាមុជទឹកអមដំណើរចំនួន ៤គ្រឿងផ្សេងទៀតផងដែរ ដូចជា នាវាមុជទឹក Oscar II ៣គ្រឿង និងនាវាមុជទឹក Yasen ១គ្រឿង។
ការដាក់ពង្រាយនេះ គូសបញ្ជាក់ពីការប្តេជ្ញាចិត្តរបស់រុស្ស៊ី ក្នុងការពង្រឹងវត្តមានកងទ័ពជើងទឹករបស់ខ្លួននៅជិតទឹកដីរបស់អង្គការណាតូ ដែលបង្កជាភាពតានតឹងនៅក្នុងតំបន់បន្ថែមទៀត។
លើសពីនេះ រុស្ស៊ីបើតាមសេចក្តីរាយការណ៍បានបង្កើនសកម្មភាពនាវាមុជទឹកនៅមហាសមុទ្រអាត្លង់ទិក ដោយមាននាវាមុជទឹកដើរដោយថាមពលនុយក្លេអ៊ែរហូតដល់ ១១គ្រឿង ដែលកំពុងប្រតិបត្តិការនៅក្នុងតំបន់ ដែលឆ្លុះបញ្ចាំងពីជំហរយុទ្ធសាស្ត្រដែលធ្លាប់ប្រើកាលពីសម័យសង្គ្រាមត្រជាក់។
ការដាក់ពង្រាយនេះ បានបង្កើនការព្រួយបារម្ភក្នុងចំណោមសមាជិកណាតូ ដែលជំរុញឲ្យមានការពិភាក្សាលើការពង្រឹងសន្តិសុខដែនសមុទ្រ និងសមត្ថភាពត្រួតពិនិត្យ ដើម្បីដោះស្រាយទិដ្ឋភាពគំរាមកំហែងក្រោមផ្ទៃទឹកដែលកំពុងវិវត្ត៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?