ព័ត៌មានអន្ដរជាតិ

ថ្លៃចំណាយព្យាបាលអ្នកជំងឺកូវីដ ក្នុងម្នាក់ នៅថៃក៏មិនធម្មតា

បានផុស

៤ years មុន

នៅ

ថ្ងៃអង្គារ ២៣ មីនា ២០២១

ដោយ

បច្ចុប្បន្នការព្យាបាលជំងឺកូវីដនៅប្រទេសថៃមិនគិតថ្លៃសម្រាប់ពលរដ្ឋខ្លួននោះទេ ប៉ុន្តែចំពោះជនបរទេសដែលចូលនិវត្តន៍ឬធ្វើការនៅក្នុងប្រទេសថៃ នឹងត្រូវបង់ប្រាក់សម្រាប់ការធ្វើតេស្តនិងព្យាបាលទាំងនៅក្នុងមន្ទីរពេទ្យរដ្ឋឬមន្ទីរពេទ្យឯកជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃនៃការសម្រាកព្យាបាលនៅមន្ទីរពេទ្យរដ្ឋគឺមានចន្លោះពី ៤,០០០ បាត (១២៩ ដុល្លារ) ទៅ ១០,០០០ បាត (៣២៣ ដុល្លារ) ក្នុងមួយយប់ អាស្រ័យលើកម្រិតនៃការថែទាំរបស់ក្រុមគ្រូពេទ្យ។ ចំណែកជនបរទេសត្រូវបង់ប្រាក់ ១០០,០០០ បាត (៣២៣២ ដុល្លារ) ក្នុងមួយសប្ដាហ៍ ។

ដោយឡែកសម្រាប់មន្ទីរពេទ្យឯកជនមួយចំនួន បានបង្កើតគ្លីនិកព្យាបាលរោគផ្លូវដង្ហើម (ARI Clinics) ដែលមានអាទិភាពលទ្ធផលតេស្តរហ័សក្នុងរយៈពេល ៦ ទៅ ១២ ម៉ោង ធៀបនឹងគ្លីនិកមិនមែន ARI បានចំណាយពេល ១២ ទៅ ៤៨ ម៉ោងទើបទទួលបានលទ្ធផល ។ ការចំណាយព្យាបាល ៦,៥០០បាត (២១០ ដុល្លារ) បើអ្នកជំងឺគ្រាន់តែចូលមន្ទីរពេទ្យដោយមិនមានរោគសញ្ញា ហើយស្នើសុំការធ្វើតេស្ត នោះអ្នកជំងឺនឹងត្រូវស្នើសុំឲ្យចំណាយថ្លៃធ្វើតេស្តដោយខ្លួនឯង។

ចំណែកនៅក្នុងមន្ទីរពេទ្យឯកជនខ្លះ ការប៉ាន់ប្រមាណខុសគ្នាអាស្រ័យលើថាតើអ្នកជំងឺត្រូវចូលក្នុងអង្គភាពថែទាំកម្រិតធ្ងន់ឬស្រាល ប៉ុន្តែបើតាមព័ត៌មានពីអ្នកនាំពាក្យមន្ទីរពេទ្យម្នាក់បានបង្ហាញថា ថ្លៃចំណាយអាចពី ៨០,០០០ បាត (២,៥៨៥ ដុល្លារ) ទៅ ៤០០,០០០ បាត (១២,៩២៩ ដុល្លារ) ក្នុងមួយថ្ងៃ ។ នោះគឺជាចំនួនទឹកប្រាក់ច្រើនសម្រាប់អ្នកចូលនិវត្តន៍ ឬប្រសិនបើអ្នកជំងឺទទួលរងនូវផលវិបាកផ្សេងទៀតដូចជា ជំងឺលើសឈាម មហារីកឬទឹកនោមផ្អែម ហើយសម្រាកព្យាបាលលើសពី ២ទៅ៤ សប្ដាហ៍ ថ្លៃព្យាបាលអាចលើសពី ២លានបាត (៦៤,៦៤១ ដុល្លារ) ឬទៅ ៣ លានបាត (៩៦,៩៦១ ដុល្លារ) ឯណោះ ។

ប៉ុន្តែបើសិនជនបរទេសមានបំណងស្នាក់នៅក្នុងប្រទេសថៃរយៈពេលយូរ ហើយមានការធានារ៉ាប់រងផ្នែកវេជ្ជសាស្ត្រ ថ្លៃចំណាយសម្រាប់អ្នកកំពុងសម្រាកព្យាបាលដែលមានស្ថានភាពមធ្យមគឺ ៣.២៥ លានបាត (១០០,០០០ ដុល្លារ) ក្នុងមនុស្សម្នាក់ដែលមានអាយុ ៦១ ទៅ ៦៥ ឆ្នាំ ៕

ប្រែសម្រួល៖ សាង ស្រីល័ក្ខ

ប្រភព៖ thaiexpathealth

ចុចអាន៖មិនធម្មតា! ថ្លៃចំណាយសម្រាប់ការព្យាបាលអ្នកជំងឺកូវីដ ១៩ ក្នុងម្នាក់នៅអាមេរិក

ចុចអាន៖កូវីដនៅកម្ពុជានិងថៃ ថ្ងៃនេះដូចគ្នាបេះបិទ ទាំងអ្នកឆ្លងនិងស្លាប់