ព័ត៌មានអន្ដរជាតិ
ថៃអះអាងថាបទល្មើសឆបោកតាមអនឡាញថយចុះខ្លាំង ក្រោយកាត់ផ្តាច់សេវាសំខាន់ៗទៅមីយ៉ាន់ម៉ា
ការឆបោកលើបណ្តាញអនឡាញ ដែលកើតចេញពីមូលដ្ឋានមជ្ឈមណ្ឌល «Call- Center» ថយចុះយ៉ាងខ្លាំង បន្ទាប់ពីការសម្រេចចិត្តរបស់រដ្ឋាភិបាលថៃក្នុងការកាត់ផ្តាច់ការផ្គត់ផ្គង់អគ្គិសនី ប្រេងឥន្ទនៈ និងអ៊ីនធឺណិតទៅមីយ៉ាន់ម៉ា។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី២០ខែមីនានេះ។
ការិយាល័យស៊ើបអង្កេតឧក្រិដ្ឋកម្មតាមអ៊ីនធឺណិត សហការជាមួយក្រសួងសេដ្ឋកិច្ច និងសង្គមឌីជីថល បានចេញផ្សាយរបាយការណ៍ដែលបង្ហាញពីការថយចុះនៃករណីឆបោក ពី Call-Center បន្ទាប់ពីការសម្រេចចិត្តរបស់ប្រទេសថៃក្នុងការកាត់ផ្តាច់ការផ្គត់ផ្គង់អគ្គិសនី ប្រេងឥន្ធនៈ និងអ៊ីនធឺណិតទៅកាន់ប្រទេសមីយ៉ាន់ម៉ា។
របាយការណ៍នេះ បានបង្ហាញថា ករណីដែលទាក់ទងនឹងក្រុមឆបោកមានប្រភពចេញពី Call-Center បានធ្លាក់ចុះជិត ៣ម៉ឺនករណីស្មើនឹង ២៩.៧៩% នៅចន្លោះថ្ងៃទី៦ខែកុម្ភៈដល់ថ្ងៃទី៧ខែមីនាបើប្រៀបធៀបទៅនឹងខែមុនៗ។
ប្រទេសថៃបានផ្អាកការផ្គត់ផ្គង់អគ្គិសនីឆ្លងព្រំដែនទៅកាន់ទីតាំងចំនួនប្រាំក្នុងប្រទេសមីយ៉ាន់ម៉ាកាលពីថ្ងៃទី៥ខែកុម្ភៈ ដែលជាផ្នែកនៃកិច្ចខិតខំប្រឹងប្រែងដើម្បីបង្ក្រាបបទល្មើសអនឡាញ ដែលមានប្រភពពី Call-Center ខណៈក្រុមឆបោកបានរីកសាយភាយនៅក្នុងទឹកដីរបស់ប្រទេសមីយ៉ាន់ម៉ា ដែលដំណើរការដោយក្រុមឧក្រិដ្ឋជន និងបុគ្គលិកជាពលករបរទេសដែលត្រូវបានជួញដូរដោយបង្ខំឱ្យបោកប្រាស់ជនរួមជាតិរបស់ពួកគេ។
អាជ្ញាធរក៏ថៃបានរាយការណ៍ពីការថយចុះជាទូទៅនៃករណីបោកប្រាស់ផ្សេងៗក្នុងរយៈពេលមួយខែកន្លងមកនេះ ដោយការឆាបោកទិញតាមអ៊ីនធឺណិតបានធ្លាក់ចុះពី ១៧២៧៤ ទៅ ១៣៦៨៤ ករណី, ការឆបោកការងារពី ២៩៩២ ករណី ទៅ ២៨៥៦ ករណី, ការឆបោករង្វាន់ឆ្នោតពី ២៧៨៧ ករណី ទៅ ២៥៩៩ ករណី, ការគំរាមកំហែងតាមទូរស័ព្ទពី ២១៥៧ ករណី ទៅ ១៤៩៨ ករណី, ការឆបោកវិនិយោគពី ១៥៨៧ ករណី ទៅ ១១៦៤ ករណី និងការក្លែងបន្លំពី ១២៩៣ ករណីទៅ ១០៩៩ករណី។
ទោះជាយ៉ាងណាក៏ដោយ ប្រព័ន្ធផ្សព្វផ្សាយថៃបានរាយការណ៍ថាការចូលប្រើអ៊ីនធឺណិតនៅតែមាននៅតាមបណ្តោយព្រំដែនថៃ-មីយ៉ាន់ម៉ា ដែលធ្វើឱ្យមានការព្រួយបារម្ភថាអ្នកឆបោកមួយចំនួននៅតែអាចប្រើប្រាស់សេវាកម្មនេះសម្រាប់ប្រតិបត្តិការឆបោក។
ពាក់ព័ន្ធបញ្ហានេះនាយករដ្ឋមន្ត្រីថៃ លោកស្រី Paetongtarn Shinawatra ត្រូវបានគេរាយការណ៍ថា នឹងជួបជាមួយប្រធានគណៈកម្មការផ្សព្វផ្សាយ និងទូរគមនាគមន៍ជាតិ លោក Sarana Boonbaichaiyapruck ដើម្បីពិភាក្សាអំពីវិធានការប្រកបដោយនិរន្តរភាពដើម្បីដោះស្រាយបញ្ហានេះ៕
អត្ថបទ៖ ប៊ុន សុភាព
ថៃអះអាងថាបទល្មើសឆបោកតាមអនឡាញថយចុះខ្លាំង ក្រោយកាត់ផ្តាច់សេវាសំខាន់ៗទៅមីយ៉ាន់ម៉ា
កំពង់ផែទេសចរណ៍អន្តរជាតិខេត្តកំពតដឹកភ្ញៀវទេសចរជាង ១ ០០០ នាក់ក្នុងមួយសប្ដាហ៍
ក្រោយវះកាត់ខ្នែងពោះវៀន ស្ថានភាពលោក សុខ សុធន បានធូរស្រាលវិញហើយ ខណៈកំពុងបន្តថែទាំនៅផ្ទះ
មន្ត្រីជាន់ខ្ពស់ ៖ ការចុះបញ្ជិកាសហគ្រាស គ្រឹះស្ថាន និងកម្មករ ជាការធានា សុខុមាលភាពរបស់កម្មករពេលមានជំងឺ ឬគ្រោះថ្នាក់ផ្សេងៗ
បណ្តារាជធានី-ខេត្ត ចាប់ផ្តើមតុបតែងត្រៀមរៀបចំសង្ក្រាន្តឆ្នាំថ្មី ដោយខេត្តខ្លះបានបំពាក់កាមេរ៉ាសុវត្ថិភាពដើម្បីង្រឹងសន្តិសុខ
និយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
ហ៊ូធី បាញ់មីស៊ីលដាក់អ៊ីស្រាអែល ក្រោយហ្គាហ្សាផ្ទុះអាវុធឡើងវិញស្លាប់មនុស្សជាង៤០០នាក់
ប្រជាជនថៃមកពី១៩ខេត្ត តវ៉ាដោយដឹកត្រីទីឡាព្យ៉ាថ្ពាល់ខ្មៅចាក់នៅមុខវិមានរដ្ឋាភិបាល
បារាំង ប្រកាសបញ្ជូនយន្តហោះចម្បាំងនុយក្លេអ៊ែរ ទៅជិតព្រំដែនអាល្លឺម៉ង់ ដើម្បីកំញើញរុស្ស៊ី
Breaking News៖ អគ្គិភ័យកំពុងឆេះឃ្លាំងមួយកន្លែងនៅសង្កាត់ស្ទឹងមានជ័យទី៣
-
KPT+៤ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ២ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ២ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម៦ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ១ សប្តាហ៍ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៦ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
ព័ត៌មានអន្ដរជាតិ១៨ ម៉ោង agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
សន្តិសុខសង្គម៥ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១