ព័ត៌មានអន្ដរជាតិ

ហេតុការណ៍បាក់ស្ពាននៅថៃ បណ្ដាលឲ្យមនុស្សស្លាប់ម្នាក់និងរបួស៣នាក់

បានផុស

៤ ម៉ោង មុន

នៅ

ថ្ងៃសុក្រ ២១ មីនា ២០២៥

ដោយ

មនុស្សម្នាក់បានស្លាប់ និងបីនាក់ទៀតរងរបួស ក្នុងហេតុការណ៍បាក់ស្ពាននៅស្រុក Chanae ខេត្ត Narathiwat ប្រទេសថៃ។ នេះបើយោងតាមការចេញផ្សាយរបស់សារព័ត៌មាន Bangkok Post កាលពីថ្ងៃទី២០ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ពាននេះស្ថិតនៅលើផ្លូវហាយវេលេខ៤២១៤ ឆ្លងកាត់លើព្រែកធំមួយក្នុងឃុំ Chang Phueak តភ្ជាប់ពីស្រុក Chanae ទៅស្រុក Si Sakhon។ ហេតុការណ៍បាក់ស្ពាននេះ កើតឡើងកាលពីម៉ោង៥ៈ៤៥នាទីព្រឹកថ្ងៃពុធ ខណៈមានរថយន្តនិងម៉ូតូកំពុងឆ្លងកាត់។

កម្លាំងសង្គ្រោះបន្ទាន់ដែលចុះដល់កន្លែងកើតហេតុបានរាយការណ៍ថា មានរថយន្តភីកអាប់មួយគ្រឿង និងម៉ូតូមួយគ្រឿងបានធ្លាក់ពីលើស្ពាន។

យោងតាមទំព័រហ្វេសប៊ុករបស់ការិយាល័យទំនាក់ទំនងសាធារណៈខេត្ត Narathiwat បុរសម្នាក់ត្រូវបានគេស្គាល់ថាឈ្មោះ Aman Je-ma ជាអ្នកភូមិក្បែរនោះត្រូវបានគេប្រទះឃើញស្លាប់នៅកន្លែងកើតហេតុ។ ចំណែកមនុស្សបីនាក់ផ្សេងទៀតដែលជិះក្នុងរថយន្តបានរងរបួស ហើយត្រូវបានបញ្ជូនទៅកាន់មន្ទីរពេទ្យជាបន្ទាន់។

គេមិនដឹងថាហេតុអ្វីបានជាស្ពាននេះបាក់នោះទេ ខណៈអាជ្ញាធរកំពុងស៊ើបអង្កេតរកមូលហេតុពិតប្រាកដ៕