ព័ត៌មានអន្ដរជាតិ
ទុក្ខលើទុក្ខ! អគ្គីភ័យបំផ្លាញជំរំរ៉ូហ៊ីងយ៉ានៅបង់ក្លាដេសសម្លាប់មនុស្ស១៥នាក់ បាត់ខ្លួន៤០០នាក់
មនុស្ស១៥នាក់បានស្លាប់ និង៤០០នាក់បានកំពុងបាត់ខ្លួន បន្ទាប់ពីអគ្គីភ័យដ៏ធំសន្ធោសន្ធៅមួយបានបំផ្លាញផ្ទះតង់របស់ជនជាតិរ៉ូហ៊ីងយ៉ារាប់ពាន់នៅជំរំភៀសខ្លួនធំបំផុតក្នុងពិភពលោកនៅប្រទេសបង់ក្លាដេស។
តាមអង្គការសហប្រជាជាតិបាននិយាយនៅល្ងាចថ្ងៃអង្គារម្សិលមិញថា ជនជាតិម៉ូស្លីមរ៉ូ់ហ៊ីងយ៉ាភាគតិចជិត១លាននាក់ត្រូវបានគេធ្វើទុក្ខបុកម្នេញ ដែលភាគច្រើនបានភៀសខ្លួនក្នុងការបង្ក្រាបដោយយោធានៅប្រទេសមីយ៉ាន់ម៉ាកាលពីឆ្នាំ២០១៧ដែលតាមអង្គការសហប្រជាជាតិបានសន្និដ្ឋានថា ការសម្លាប់ដោយចេតនាប្រល័យពូជសាសន៍ រស់នៅក្នុងស្ថានភាពមិនសមរម្យនៅតាមបណ្តាញនៃជំរំភាគខាងជើងស្រុក Cox’s Bazar។
យោងតាមប៉ូលិស និងក្រុមជំនួយបានឲ្យដឹងថា អគ្គីភ័យបានឆាប់ឆេះកាលពីយប់ថ្ងៃចន្ទ និងបានបណ្តាលឲ្យមនុស្សហោចណាស់៥ពាន់នាក់គ្មានផ្ទះសម្បែង ដោយសារភ្លើងឆ្លងតាមជម្រកឫស្សី។
គ្រួសារភ័យតក់ស្លត់រតចេញដោយគ្មានបានយកអ្វីជាប់ខ្លួន ហើយឪពុកម្តាយយំសោកសង្រែកដែលបានបាត់កូន។
វាជាអគ្គីភ័យថ្មីបំផុតក្នុងរយៈពេលប៉ុន្មានសប្តាហ៍ចុងក្រោយនេះ និងជាអគ្គីភ័យធំបំផុតគិតចាប់តាំងពីឆ្នាំ២០១៧។ ប្រទេសបង់គ្លេសបានបញ្ជាឲ្យមានការស៊ើបអង្កេត។
ជនភៀសខ្លួនឈ្មោះ Aminul Haq បាននិយាយថា ៖«មនុស្សរត់ចេញឲ្យតែបានជីវិតនៅរស់ ពីព្រោះភ្លើងឆេះរាលដាលលឿនពេក។ មនុស្សជាច្រើនបានរបួស ហើយខ្ញុំបានឃើញសាកសព៤នាក់»។
លោក Johannes Van der Klaauw តំណាងទីភ្នាក់ងារជនភៀសខ្លួនអង្គការសហប្រជាជាតិនៅបង់ក្លាដេស បាននិយាយថា រហូតមកដល់ពេលនេះអាចបញ្ជាក់បានគឺមនុស្ស១៥នាក់បានស្លាប់ ៥៦០នាក់របួស ៤០០នាក់កំពុងបាត់ខ្លួន និងហោចណាស់ជម្រក១ម៉ឺនត្រូវបានបំផ្លាញ។
លោក Van der Klaauw បានប្រាប់អ្នកកាសែតនៅទីក្រុងហ្ស៊ឺណែវតាមរយៈវីដេអូខលថា ៖«អ្វីដែលយើងបានឃើញក្នុងអគ្គីភ័យនេះគឺជាអ្វីម្យ៉ាងដែលយើងមិនធ្លាប់បានឃើញពីមុនសោះនៅក្នុងជំរំ។ វាធំធេងពេក។ វាជាការបំផ្លិចបំផ្លាញ»។
មន្ត្រីបាននិយាយថា អគ្គីភ័យទំនងជាបានកើតចេញពីជំរំមួយក្នុងចំណោមជំរំ៣៤ ដែលលាតសន្ធឹងនៅលើដីប្រហែលជា៣២០០ហិចតា មុនពេលរាលដាលយ៉ាងលឿនទៅទីកន្លែងផ្សេងៗទៀតដែលមិនអាចគ្រប់គ្រងបាន។
គំនរផ្សែងក្រាស់ៗបានគួចទៅលើអាកាសចេញពីអណ្តាតភ្លើងសន្ធោសន្ធៅនៅក្នុងវីដេអូដែលត្រូវបានគេបង្ហោះលើបណ្តាញសង្គម ខណៈអ្នកពន្លត់អគ្គីភ័យបានព្យាយាមជួយសង្គ្រោះជនរងគ្រោះ និងយកទៅកាន់កន្លែងសុវត្ថិភាព។
រហូតដល់យប់កណ្តាលអាធ្រាត្រថ្ងៃចន្ទ ឈានចូលថ្ងៃអង្គារ ទើបអគ្គីភ័យត្រូវបានគ្រប់គ្រង និងពន្លត់ទាំងស្រុងបាន៕
ប្រែសម្រួល៖ វីរបុត្រ
ប្រភព៖ CNA
ពលរដ្ឋកម្ពុជាថ្កោលទោសអាចារ្យហ្វី និងក្រុមជ្រុលនិយមនៅក្រៅប្រទេសដែលប្រើប្រាស់ភាសាអសុរោះ និងជេរប្រមាថថ្នាក់ដឹកនាំរាជរដ្ឋាភិបាល
ក្នុងមួយឆ្នាំ២០២៤ ការដឹកជញ្ជូនសំរាមយកទៅចាក់ និងដុតកម្ទេចចោលនៅទីលានចាក់សំរាមដង្កោចំនួន ១.២៤៨.៣៩១,៨១តោន
លោក ជួន ណារិន្ទ ព្រមានលុបឈ្មោះមន្ត្រីនគរបាលចរាចរណ៍ដែលអនុវត្តល្មើសវិន័យ
ទ្រព្យសម្បត្តិមហាសេដ្ឋីពិភពលោក កើនដល់ ១៥ ទ្រីលានដុល្លារក្នុងឆ្នាំ ២០២៤
ការស្រាវជ្រាវនៅឧទ្យានជាតិវីរៈជ័យ ប្រទះរកឃើញឈ្លូសយក្ស ប្រភេទសត្វជិតផុតពូជនៅកម្ពុជា
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍២ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់