ព័ត៌មានអន្ដរជាតិ
កត្តាសំខាន់៣ធ្វើឲ្យ លោក Yoon មានប្រៀបឈ្នះក្តីនៅតុលាការធម្មនុញ្ញ
តុលាការធម្មនុញ្ញនៃប្រទេសកូរ៉េខាងត្បូង ត្រូវបានគេរំពឹងយ៉ាងទូលំទូលាយថា នឹងប្រកាសសាលក្រមក្នុងពេលឆាប់ៗនេះខាងមុខនេះ លើសំណុំរឿងរបស់ប្រធានាធិបតី Yoon Suk-yeol ដែលរដ្ឋសភាបានបោះឆ្នោតទម្លាក់ពីអំណាចកាលពីថ្ងៃទី១៤ខែធ្នូឆ្នាំ២០២៤។ សាលក្រមរបស់លោក Yoon ត្រូវបានគេរង់ចាំយ៉ាងអន្ទះសា ដោយសារវាប្រើពេលយូរជាងសេចក្តីសម្រេចរបស់តុលាការធម្មនុញ្ញ ធៀបនឹងអតីតប្រធានាធិបតី២រូបមុនដែលប្រឈមការបណ្តេញចេញពីអំណាចនេះដែរ។
រហូតដល់ថ្ងៃទី២៦ខែមីនា២០២៥នេះ មានរយៈពេល១០១ថ្ងៃដែលរដ្ឋសភាបោះឆ្នោតបណ្តេញ លោក Yoon ពីអំណាច ប៉ុន្តែសាលក្រមតុលាការធម្មនុញ្ញមិនទាន់ដឹងប្រកាសនៅពេលណា។ ខុសពីអតីតប្រធានាធិបតីមុនៗ មាន Roh Moo-Hyun កាលឆ្នាំ២០០៤ ប្រើពេលតែ៦៣ថ្ងៃ និង អតីតប្រធានាធិបតី Park Geun-hye កាលចុងឆ្នាំ២០១៦និងដើមឆ្នាំ២០១៧ ប្រើពេលតែ៩២ថ្ងៃ។
លោក ប្រធានាធិបតី Yoon Suk-yeol នៅមុនសភាបោះឆ្នោតទម្លាក់ពីអំណាច បានថ្លែងសារនយោបាយតាមកញ្ចក់ទូរទស្សន៍ ដោយលើកឡើងថា «លោកនឹងប្រយុទ្ធដល់ទីបញ្ចប់»។ សាលក្រមតុលាការធម្មនុញ្ញដែលត្រូវរំពឹងទុកក្នុងពេលអនាគតដ៏ខ្លីខាងមុខនេះ នឹងកំណត់ជោគវាសនារបស់ប្រធានាធិបតីថាតើ នឹងទទួលបានអំណាចវិញ ឬក៏ត្រូវអស់អំណាច។
ទោះបីជាបែបណា នៅមុនសាលក្រមចេញជាផ្លូវការ យើងនឹងក្រឡេកទៅមើលទិដ្ឋភាពទូទៅជុំវិញដំណើរការផ្លូវច្បាប់ និងកត្តានយោបាយមួយចំនួន ដែលធ្វើឲ្យប្រធានាធិបតី Yoon Suk Yeol មានប្រៀបក្នុងការទទួលបានអំណាចត្រឡប់មកវិញ។
តើប្រធានាធិបតី Yoon Suk-yeol នៅមានចំណុចខ្លាំងអ្វីខ្លះដែលអាចនាំទៅដល់ការឡើងកាន់អំណាចវិញ?
- កត្តាតុលាការធម្មនុញ្ញ៖ សមាសភាពតុលាការធម្មនុញ្ញរបស់ប្រទេសកូរ៉េខាងត្បូងនាពេលនេះបានផ្តល់នូវអំណោយផលខ្លាំងដល់ប្រធានាធិបតី Yoon Suk-yeol ក្នុងការទទួលបានអំណាចវិញ។ សមាជិកក្រុមប្រឹក្សាចៅក្រមទាំង៨រូបដែលមានក្នុងតំណាងនិងតួនាទីបច្ចុប្បន្ន ក្នុងចំណោមចៅក្រមសរុប៩រូបនៃសមាជិកក្រុមប្រឹក្សាពេញលេញ គឺមានរហូតដល់៥រូបទៅហើយដែលតែងតាំងដល់លោក Yoon និងគណបក្សអំណាចប្រជាជន (PPP) របស់លោក ខណៈសមាជិក៣រូបទៀតតែងតាំងដោយអតីតប្រធានាធិបតី Moon Jae-in និងស្នើដោយគណបក្សប្រជាធិបតេយ្យដែលជាបក្សប្រឆាំងដ៏ធំ។ ក្នុងការសម្រេចសេចក្តី លើបណ្តឹងទម្លាក់អំណាចរបស់ប្រធានាធិបតីស្តីទី Han Duck-soo មានចៅក្រមរហូតដល់ទៅ៥រូបបានបោះឆ្នោតប្រឆាំងការទម្លាក់អំណាចនោះ និងមានតែ១រូបប៉ុណ្ណោះបានបោះឆ្នោតគាំទ្របណ្តឹងទម្លាក់អំណាច។ ចំណែកចៅក្រម២រូបទៀត បានបោះឆ្នោតប្រឆាំងបណ្តឹងរបស់រដ្ឋសភានោះតែម្តង។ តាមរយៈការសម្រេចនេះ ហាក់បង្ហាញឱ្យឃើញថា គណបក្សប្រជាធិបយតេយ្យដែលជាបក្សប្រឆាំងនិងគ្រប់គ្រងសមាជិកសភាភាគច្រើននោះ មិនមានប្រៀបឈ្នះនោះទេ។ គណបក្សអំណាចប្រជាជន (PPP) បានព្យាយាមរារាំងការតែងតាំងចៅក្រមឲ្យគ្រប់ចំនួន៩រូប។ ទាំងប្រធានាធិបតីស្តីទី Han Duck-soo និង Choi Sang-mok បានព្យាយាមរារាំងដូចគ្នា។ លោក Han Duck-soo បានបដិសេធការចេញក្រឹត្យតែងតាំងនៅមុនថ្ងៃទី២៧ខែធ្នូ រហូតដល់សភាចោទប្រកាន់ទម្លាក់អំណាច។ ឯ ប្រធានាធិបតីស្តីទី Choi Sang-mok បានចេញក្រឹត្យតែងតាំងតែ២រូប គឺ១រូបស្នើដោយគណបក្សប្រជាធិបតេយ្យ និងចៅក្រម១រូបទៀតស្នើដោយគណបក្សកាន់អំណាចតែម្តង ខណៈចៅក្រម១រូបទៀតស្នើដោយបក្សប្រឆាំងមិនត្រូវបានតែងតាំងរហូតដល់ឥឡូវនេះ។ ក្នុងចំណោមចុះក្រមទាំង៨រូបនៅក្នុងតំណែង បើចៅក្រម៦រូបបរាជ័យក្នុងការបោះឆ្នោតគាំទ្រការចោទប្រកាន់ទម្លាក់អំណាចនោះ លោក Yoon Suk Yeol នឹងទទួលបានអំណាចវិញដោយស្វ័យប្រវត្តិ។
- កត្តាសាធារណៈជននិងនយោបាយអន្តរជាតិ៖ ការគាំទ្រពីសាធារណៈប្រជាជនដែលចេះតែកើនឡើងនាពេលនេះ ក៏ធ្វឲ្យប្រធានាធិបតី Yoon Suk Yeol ដែលកំពុងស្ថិតនៅមាត់ជ្រោះនៃការអស់អំណាចនេះ ទទួលបានប្រជាប្រិយភាព និងធ្វើឲ្យចៅក្រមដែលសម្រេចដោយការបោះឆ្នោតម្នាក់ៗនេះ មានភាពច្របូកច្របល់ និងការថ្លឹងថ្លែងខុសៗគ្នាទៅលើសភាពការបច្ចុប្បន្នជាជាង ព្រឹត្តិការណ៍ដែលបានកន្លងហួស ពោលគឺថ្ងៃដែលប្រធានាធិបតី Yoon ប្រកាសច្បាប់អាជ្ញាសឹកកាលថ្ងៃទី៣ខែធ្នូ២០២៤នោះ។ ប្រសិនបើ លោក Yoon អាចបង្ហាញការគាំទ្រជាសាធារណៈយ៉ាងរឹងមាំ តុលាការអាចស្ទាក់ស្ទើរក្នុងការដកគាត់ចេញ។ ម្យ៉ាងទៀត មូលដ្ឋានរបស់គណបក្សអភិរក្សនិយមរបស់ប្រធានាធិបតី Yoon និងសម្ព័ន្ធមិត្តអន្តរជាតិអាចមានឥទ្ធិពលលើការយល់ឃើញអំពីភាពស្របច្បាប់របស់គាត់ផងដែរ។
- កត្តាភស្តុតាងដាក់បន្ទុកត្រូវតែកម្រិតខ្ពស់សម្រាប់ការបណ្តេញចេញពីអំណាច៖ តុលាការធម្មនុញ្ញត្រូវគេដឹងថា ទាមទារឱ្យមានស្តង់ដារខ្ពស់នៃភស្តុតាងបទល្មើសឬកំហុសធ្ងន់ធ្ងរក្នុងពេលដែលលោក Yoon Suk Yeol បញ្ជាដាក់ច្បាប់អាជ្ញាសឹក ដើម្បីតម្កល់ការចោទប្រកាន់របស់រដ្ឋសភាចាត់ទុកជាបានការ។ ប៉ុន្តែក្រោយការប្រកាសច្បាប់អាជ្ញាសឹកប្រមាណ៦ម៉ោង ក្រោយរដ្ឋសភាបោះឆ្នោតប្រឆាំងច្បាប់អាជ្ញាសឹកនោះ ស្ថានភាពប្រទេសប្រទេសបានងាកទៅរកប្រក្រតីភាពឡើងវិញ ដោយមិនមានការប្រឈមសង្គ្រាមប្រដាប់អាវុធអ្វីនោះទេ។ ទោះបីក្រោយមានការចាប់ខ្លួន មេដឹកនាំយោធា និងក្រសួងការពារជាតិក៏ដោយ។ ការមិនបង្កបញ្ហាខូចខាតធ្ងន់ធ្ងរនេះ និងការបន្ទន់ជំហរក្រោយការប្រកាសលើកច្បាប់អាជ្ញាសឹកនោះវិញ ក៏អាចធ្វើឲ្យចៅក្រមមានការពិចារណាមិនបោះឆ្នោតគាំទ្រការចោទប្រកាន់ទម្លាក់លោក Yoon Suk Yeol ពីអំណាចដែរ។ ក្នុងករណីកន្លងមក ដូចជា ការចោទប្រកាន់ប្រឆាំងអតីតប្រធានាធិបតី Roh Moo-hyun ក្នុងឆ្នាំ ២០០៤ តុលាការធម្មនុញ្ញបានសម្រេចថា ការបំពានត្រូវតែធ្ងន់ធ្ងរគ្រប់គ្រាន់ដើម្បីបង្ហាញអំពីភាពត្រឹមត្រូវនៃការបណ្តេញចេញពីអំណាច ហើយ កាលនោះ តុលាការរកឃើញថាទង្វើរបស់ Roh Moo-hyun មិនធ្ងន់ធ្ងរទេ ហើយក៏ប្រគល់អំណាចឲ្យគាត់វិញ៕
ដោយ រ៉ាន់ រើយ
កត្តាសំខាន់៣ធ្វើឲ្យ លោក Yoon មានប្រៀបឈ្នះក្តីនៅតុលាការធម្មនុញ្ញ
អតីតកីឡាករប្រេស៊ីលម្នាក់ចាត់ទុកសម្តី Raphinha មិនគោរពរវាង Neymar និង Messi
ទើបលក់វត្ថុប្រេនៗថ្ងៃមុន ឥលូវ Due ប្រកាសជួលហាងធ្វើក្រចក យកលុយសងបំណុល
ឆាប់ៗនេះ រដ្ឋនឹងរៀបចំប្រឡងរើសមន្ត្រីកសិកម្ម គ្រូពេទ្យ មន្ត្រីក្រសួងការបរទេស និងមន្រ្តីផ្នែកច្បាប់ នៃទីស្ដីការគណៈរដ្ឋមន្ត្រី
នគរបាលក្រុងខេមរភូមិន្ទ ណែនាំ និងធ្វើកិច្ចសន្យាលើយុវជនជាង១០នាក់ ករណីកែច្នៃបំពង់ស៊ីម៉ាំងម៉ូតូ
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
ប្រធានរដ្ឋសភាគាំទ្រការអនុវត្តអភិក្រម «ចុះជួយ ជាជាងចុះចាប់ ចុះរំខាន» ពលរដ្ឋ
រដ្ឋមន្ត្រីមហាផ្ទៃ ដឹកនាំអភិបាលខេត្ត និងស្នងការខេត្ត៣ទៅឡាវ ដើម្បីបង្កើនល្បឿនទប់ស្កាត់គ្រឿងញៀនឆ្លងដែន
ធឿន ធារ៉ា ដណ្តើមខ្សែក្រវាត់ទី១០ ក្នុងអាជីព ប៉ះដៃគូមានប្រវត្តិមិនធម្មតា
-
ព័ត៌មានជាតិ១ សប្តាហ៍ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ១ សប្តាហ៍ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
ព័ត៌មានអន្ដរជាតិ៦ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ៦ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
កីឡា៤ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ១ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៩ ម៉ោង agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ម៉ោង agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់