ព័ត៌មានអន្ដរជាតិ

ក្រុងបាងកកបន្តរងឥទ្ធិពលខ្យល់ពុលគ្របដណ្តប់ស្ទើរពាសពេញក្រុង

បានផុស

២ ថ្ងៃ មុន

នៅ

ថ្ងៃពុធ ២៦ មីនា ២០២៥

ដោយ

មជ្ឈមណ្ឌលព័ត៌មានគុណភាពខ្យល់នៃរដ្ឋបាលរដ្ឋធានីបាងកក (BMA) បានឲ្យដឹងថា គុណភាពខ្យល់នៅក្នុងសង្កាត់ទាំង៥០ក្នុងទីក្រុងបាងកក ត្រូវបានចាត់ថ្នាក់ «ពណ៌ទឹកក្រូច»នៅព្រឹកថ្ងៃពុធនេះ ដែលពណ៌ទឹកក្រូចមានន័យថា វាចាប់ផ្តើមប៉ះពាល់ដល់សុខភាព។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី២៦ខែមីនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

BMA បានរាយការណ៍ពីកម្រិតជាតិពុលក្នុងខ្យល់លើសពី PM2.5 ជាមធ្យមនៅទូទាំងទីក្រុងកាលពីថ្ងៃពុធនៅ ៤៤.៥ មីក្រូក្រាមក្នុងមួយម៉ែត្រគូប (µg/m³) ដែលលើសពីស្តង់ដាររបស់ប្រទេសគឺ៣៧.៥ µg/m³ ក្នុងរយៈពេលជាមធ្យមបីម៉ោង (៥ព្រឹកដល់៧ព្រឹក)។

មជ្ឈមណ្ឌលនេះបានណែនាំប្រជាជនទីក្រុងបាងកកឱ្យពាក់ម៉ាស់មុខ ចៀសវាងការចំណាយពេលនៅក្រៅផ្ទះ និងធ្វើការពីផ្ទះប្រសិនបើអាចធ្វើបាន។ អ្នកដែលមានរោគសញ្ញាដូចជា ក្អក រមាស់ភ្នែក ឬពិបាកដកដង្ហើម គួរតែទៅជួបគ្រូពេទ្យ។

កម្រិត PM2.5 សំដៅលើភាគល្អិតល្អិតដែលមានអង្កត់ផ្ចិត ២.៥មីក្រូម៉ែត្រ ឬតិចជាងនេះ ដែលអាចជ្រាបចូលជ្រៅទៅក្នុងសួត និងចរន្តឈាម ដែលបង្កហានិភ័យដល់សុខភាពដូចជាជំងឺផ្លូវដង្ហើម និងសរសៃឈាមបេះដូង។

ប្រភពសំខាន់ៗនៃ PM2.5 រួមមានការបំភាយចរាចរ រោងចក្រ ភ្លើងឆេះព្រៃ និងការដុតសំណល់នៃការប្រមូលផលកិសកម្មជាដើម។ ប្រទេសជាច្រើននៅលើពិភពលោកជាពិសេសប្រទេសនៅអាស៊ីអាគ្នេយ៍ កំពុងប្រឈមនឹងការកើនឡើងនៃខ្យល់ពុលនេះ ដោយមិនមានតែប្រទេសថៃនោះទេ ប្រទេសជិតខាងដូចជាកម្ពុជា ឡាវ វៀតណាមនិង មីយ៉ាន់ម៉ាក៏មានការកើនឡើងខ្យល់ពុលនេះដូចគ្នា៕