ព័ត៌មានអន្ដរជាតិ
ចារកម្មអាមេរិកព្រមានថា កូរ៉េខាងជើងអាចធ្វើតេស្តនុយក្លេអ៊ែរលើកទី៧
កាលពីថ្ងៃអង្គារទី២៥ខែមីនាឆ្នាំ២០២៥ មន្ត្រីស៊ើបការណ៍សម្ងាត់អាមេរិក បានបង្ហាញថា កូរ៉េខាងជើងអាចនឹងត្រៀមធ្វើតេស្តនុយក្លេអ៊ែរ ដែលអាចមានបំណងពង្រឹងឥទ្ធិពលរបស់ខ្លួន នៅក្នុងការចរចាការទូតនាពេលអនាគត។
ការលើកឡើងនេះ ធ្វើឡើងខណៈមានការសង្កេតពីចារកម្មជាតិរបស់កូរ៉េខាងត្បូង ដែលបានរាយការណ៍ថា កូរ៉េខាងជើងមានផ្ទុកសារធាតុប្លាតូនីញ៉ូមទម្ងន់ប្រហែល៧០គីឡូក្រាម និងសារធាតុអ៊ុយរ៉ានីញ៉ូមដែលចម្រាញ់រួចក្នុងបរិមាណមិនជាក់លាក់ ដោយទាំងនេះសុទ្ធតែជាសារធាតុសំខាន់ៗសម្រាប់ការអភិវឌ្ឍអាវុធនុយក្លេអ៊ែរ។
ការសាកល្បងនុយក្លេអ៊ែរ ត្រូវបានចាត់ទុកថាជាយុទ្ធសាស្ត្រមួយរបស់ទីក្រុងព្យុងយ៉ាង ដើម្បីបង្កើនអំណាចចរចារបស់ខ្លួនក្នុងការពិភាក្សាជាមួយសហរដ្ឋអាមេរិក។ នាយកទីភ្នាក់ងារស៊ើបការណ៍សម្ងាត់ជាតិអាមេរិកលោកស្រី Tulsi Gabbard បាននិយាយថា៖ «កូរ៉េខាងជើងប្រហែលជាត្រៀមខ្លួនរួចរាល់ហើយដើម្បីធ្វើការសាកល្បងនុយក្លេអ៊ែរមួយផ្សេងទៀតដោយគ្រាន់តែជូនដំណឹងរយៈពេលខ្លីប៉ុណ្ណោះ និងបន្តការបាញ់បង្ហោះសាកល្បងមីស៊ីលអន្តរទ្វីប ICBMs ដើម្បីបង្ហាញពីសមត្ថភាពកើនឡើងរបស់ពួកគេជាអានុភាពក្នុងការចរចានាពេលអនាគត»។
ប្រសិនបើសាកល្បងម្ដងទៀតមែន នោះវានឹងក្លាយជាការតេស្តនុយក្លេអ៊ែរលើកទី៧របស់កូរ៉េខាងជើង។ ការសាកល្បងចំនួន៦លើកមុន ធ្វើឡើងចន្លោះពីឆ្នាំ២០០៦ ដល់ឆ្នាំ២០១៧។
ពាក់ព័ន្ធនឹងរបាយការណ៍ដ៏រស៊ើបនេះ ក្រសួងការពារជាតិកូរ៉េខាងត្បូងនៅថ្ងៃពុធនេះ បានអះអាងសាជាថ្មីអំពីការត្រៀមខ្លួន ក្នុងការទប់ទល់នឹងការគំរាមកំហែងពីកូរ៉េខាងជើង ដោយមានការសម្របសម្រួលជាមួយសហរដ្ឋអាមេរិក។
បើយោងតាមរបាយការណ៍របស់កូរ៉េខាងត្បូងកាលពីឆ្នាំ២០២២ កូរ៉េខាងជើងអាចមានសមត្ថភាពផលិតក្បាលគ្រាប់នុយក្លេអ៊ែរចន្លោះពី ៩ ទៅ ១៨គ្រាប់៕
ដោយ៖ ឈាង
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?