ព័ត៌មានអន្ដរជាតិ
អឺរ៉ុប ប្តេជ្ញាបញ្ជូនទ័ពរក្សាសន្តិភាពទៅអ៊ុយក្រែន និងមិនដកទណ្ឌកម្មរុស្ស៊ី ដាច់ខាត
ក្រោយកិច្ចប្រជុំនៅទីក្រុងប៉ារីស នៃប្រទេសបារាំងបានបញ្ចប់ អឺរ៉ុប បានបង្ហាញពីការប្តេជ្ញាចិត្តជាថ្មី ក្នុងការបញ្ជូនទ័ពទៅអ៊ុយក្រែន ដើម្បីរក្សាសន្តិភាពនិងប្រកាសមិនព្រមដកទណ្ឌកម្មចេញពីរុស្ស៊ី ដាច់ខាត។
កាលពីថ្ងៃព្រហស្បតិ៍ទី២៧ខែមីនាឆ្នាំ២០២៥ ប្រធានាធិបតីបារាំង Emmanuel Macron ប្រកាសថា ច្បាស់ណាស់ កងរក្សាសន្តិភាពដែលរៀបចំដោយអឺរ៉ុប ឬគេហៅថា «ក្រុមចម្រុះឆន្ទៈ» ពិតជាបញ្ជូនទៅអ៊ុយក្រែន នៅពេលណា កិច្ចព្រមព្រៀងសន្តិភាពជាមួយរុស្ស៊ីលេចចេញជារូបរាង។
ទោះបីជាយ៉ាងណាក៏ដោយ លោក Macron សារភាពថា សំណើដាក់ទ័ពនេះ មិនទទួលបានការគាំទ្រជាឯកច្ឆន្ទទេ ប៉ុន្តែបារាំងនិងអង់គ្លេស នឹងបញ្ជូនគណៈប្រតិភូទៅទីក្រុងកៀវ ដើម្បីពិភាក្សាផែនការឲ្យកាន់តែលម្អិត។
ទន្ទឹមនឹងសេចក្តីប្រកាសរបស់លោក Macron នេះ, នាយករដ្ឋមន្ត្រីអង់គ្លេសឯណោះ ក៏បង្ហាញពីការប្តេជ្ញាចិត្តយ៉ាងមុតមាំដែរថា អឺរ៉ុបនឹងមិនដកទណ្ឌកម្មចេញពីរុស្ស៊ី ដាច់ខាត ហើយនឹងបន្តដាក់សម្ពាធលើលោក ពូទីន រហូតដល់រលត់ភ្លើងសង្គ្រាម។
តាមការបញ្ជាក់ពីលោក Keir Starmer, មេដឹកនាំអឺរ៉ុប បានឯកភាពគ្នាថា មិនទាន់ដល់ពេលត្រូវដកទណ្ឌកម្មចេញពីរុស្ស៊ីទេ ហើយធ្វើយ៉ាងណាត្រូវបង្ខំឲ្យទីក្រុងមូស្គូ ចូលមកតុចរចាឲ្យខាងតែបាន។
ពាក់ព័ន្ធរឿងទណ្ឌកម្មនេះដែរ ប្រធានាធិបតីអាមេរិក ដូណាល់ ត្រាំ បញ្ជាក់ហើយថា លោកកំពុងគិតចង់បន្ធូរបន្ថយទណ្ឌកម្មខ្លះលើប្រទេសរុស្ស៊ី ដើម្បីលួងចិត្តឲ្យ ពូទីន ឯកភាពលើបទឈប់បាញ់នៅសមុទ្រខ្មៅជាមួយអ៊ុយក្រែន។
យ៉ាងណា កាលពីថ្ងៃពុធទី២៦ខែមីនាឆ្នាំ២០២៥, ប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី និយាយថា លោកសង្ឃឹមថា លោក ត្រាំ នឹងប្រកាន់ជំហររឹងមាំហើយមិនទន់ចិត្តដកទណ្ឌកម្មពីរុស្ស៊ី តាមការទាមទាររបស់លោក ពូទីន ជាថ្នូរនឹងបទឈប់បាញ់។
សូមជម្រាបជាថ្មី ភាគីរុស្ស៊ីបានដាក់លក្ខខណ្ឌថា បទឈប់បាញ់ដែនសមុទ្រខ្មៅ អាចចូលជាធរមានបានលុះត្រាតែ ប្រទេសលោកខាងលិចដកទណ្ឌកម្មមួយចំនួនលើការធ្វើពាណិជ្ជកម្មស្បៀងនិងជីរបស់ខ្លួន ជាមុនសិន។
ក្រោយមក លោកត្រាំ បញ្ជាក់ថា សហរដ្ឋអាមេរិក នឹងពិនិត្យមើលលទ្ធភាពនៃការបន្ថយទណ្ឌកម្មលើរុស្ស៊ី ហើយទីក្រុងវ៉ាស៊ីនតោនកំពុងធ្វើការលើរឿងនេះ។ មានលក្ខខណ្ឌ ៥ទៅ៦ចំណុច ហើយអាមេរិក កំពុងពិនិត្យមើលសិន៕
អត្ថបទ៖ សុខ សុវណ្ណ
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?