ព័ត៌មានអន្ដរជាតិ
មីន អ៊ុងឡាំងប្រកាសចូលរួមកិច្ចប្រជុំថ្នាក់តំបន់លើកដំបូង ក្រោយការប្រកាសរៀបចំបោះឆ្នោត
មេដឹកនាំរដ្ឋាភិបាលរបបសឹកយោធាមីយ៉ាន់ម៉ា លោក មីន អ៊ុងឡាំង នឹងទៅចូលរួមកិច្ចប្រជុំកំពូលថ្នាក់តំបន់នៅទីក្រុងបាងកកប្រទេសថៃនៅសប្តាហ៍ក្រោយ ដែលត្រូវបានគេចាត់ទុកថា ជាការធ្វើដំណើរទៅក្រៅប្រទេសក្បែរខាងនិងក្នុងតំបន់លើកដំបូងចាប់តាំងពីកិច្ចប្រជុំនៅឥណ្ឌូណេស៊ីកាលឆ្នាំ២០២១ ដែលស្វែងរកដំណោះស្រាយនយោបាយមីយ៉ាន់ម៉ា។ យោង MGR online។
អ្នកនាំពាក្យរបបសឹកយោធាមីយ៉ាន់ម៉ា លោក Zaw Min Tun បាននិយាយថា លោក មីន អ៊ុងឡាំង នឹងធ្វើដំណើរទៅកាន់ទីក្រុងបាងកកដើម្បីចូលរួមកិច្ចប្រជុំរបស់ថ្នាក់ដឹកនាំប្រទេសក្នុងតំបន់អាស៊ីខាងត្បូងដែលហៅកាត់ថា (BIMSTEC) មានប្រទេសជាសមាជិកចំនួន៧ រួមមាន ប្រទេសបង់ក្លាដែស ប៊ូតាន ឥណ្ឌា មីយ៉ាន់ម៉ា នេប៉ាល់ ស្រីលង្កា និងថៃ។ លោកថា ការចូលរួមកិច្ចប្រជុំនេះមានសក្ដានុពលដែលអាចនាំឱ្យមីយ៉ាន់ម៉ាធ្វើដំណើរទៅរកផ្លូវស្តារសន្តិភាពឡើងវិញ។
សេចក្តីរាយការណ៍ បានបន្តថា ចាប់តាំងពីធ្វើប្រហារដណ្តើមអំណាចនៅឆ្នាំ២០២១មក ភាគច្រើនលោក មីន អ៊ុងឡាំង បានធ្វើដំណើរទៅទស្សនកិច្ចតែប្រទេសរុស្ស៊ីដែលជាអ្នកផ្គត់ផ្គង់អាវុធដ៏សំខាន់ និងប្រទេសចិនដែលជាដៃគូសេដ្ឋកិច្ចនិងជាអ្នកគាំទ្រនយោបាយដ៏សំខាន់របស់ខ្លួនប៉ុណ្ណោះ។
ការប្រកាសទៅចូលកិច្ចប្រជុំកំពូលថ្នាក់តំបន់ដ៏ភ្ញាក់ផ្អើលនេះ ត្រូវបានកើតឡើងបន្ទាប់ពីលោក មីន អ៊ុងឡាំង បានអះអាងថា ការបោះឆ្នោតមីយ៉ាន់ម៉ានឹងប្រព្រឹត្តទៅតាមការគ្រោងទុកនៅក្នុងខែធ្នូចុងឆ្នាំនេះ បើទោះបីជាជម្លោះនៅតែបន្តក៏ដោយ។
លោក Zaw Min Tun បាននិយាយថា៖«លោក មីន អ៊ុងឡាំង នឹងទៅចូលរួមកិច្ចប្រជុំកំពូលថ្នាក់តំបន់នេះ ហើយយើងក៏កំពុងព្យាយាមស្វែងរកការជួបនិងពិភាក្សាជាមួយមេដឹកនាំប្រទេសនីមួយៗផងដែរ។ យើងរំពឹងថា នឹងបានឃើញការវិវត្តកើតឡើងសម្រាប់មីយ៉ាន់ម៉ា លទ្ធភាពកើតមានសន្តិភាពនិងការអភិវឌ្ឍសេដ្ឋកិច្ចរបស់ប្រទេសយើងតាមរយៈកិច្ចប្រជុំនេះ»។
កិច្ចប្រជុំថ្នាក់តំបន់នេះនឹងត្រូវបានគេមើលឃើញថា ជាចំណុចរបត់ផ្លាស់ប្តូរការទូតមួយរបស់រដ្ឋាភិបាលរបបសឹកយោធាមីយ៉ាន់ម៉ា ដែលមេដឹកនាំនិងរដ្ឋមន្ត្រី(មីយ៉ាន់ម៉ា)ត្រូវបានគេបដិសេធមិនឱ្យចូលរួមក្នុងកិច្ចប្រជុំអាស៊ាន ដោយសារការធ្វើរដ្ឋប្រហារ។
អាស៊ានបាននាំមុខក្នុងកិច្ចខិតខំប្រឹងប្រែងផ្នែកការទូតដើម្បីបញ្ចប់វិបត្តិមីយ៉ាន់ម៉ា ប៉ុន្តែរហូតមកដល់ពេលនេះនៅតែមិនទាន់បានទទួលជោគជ័យឡើយ៕
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?