ព័ត៌មានអន្ដរជាតិ
អាជ្ញាធរក្រុងបាងកក ប្រកាសថា ខុនដូចំនួន៦គ្មានសុវត្ថិភាពទៀតឡើយបន្ទាប់ពីរញ្ជួយដី
បន្ទាប់ពីគ្រោះរញ្ជួយដីកម្រិត ៧,៧រ៉ិចទ័រដែលបានវាយប្រហារប្រទេសមីយ៉ាន់ម៉ាកាលពីថ្ងៃទី២៨ខែមីនាហើយជះឥទ្ធិពលដល់ប្រទេសថៃ រដ្ឋបាលក្រុងបាងកក (BMA) បានប្រកាសថា អគារខុនដូចំនួន៦ នៅក្នុងរាជធានី លែងសុវត្ថិភាពទៀតហើយ។
ខណៈពេលដែលព័ត៌មានលម្អិតជាក់លាក់អំពីខុនដូទាំង៦មិនត្រូវបានបង្ហាញឲ្យដឹងពេញលេញ BMA បានបញ្ជាក់ថា អគារទាំងនេះបានរងការខូចខាតរចនាសម្ព័ន្ធយ៉ាងធ្ងន់ធ្ងរដែលមិនអាចរស់នៅបានទៀតទេ។ ប្រជាពលរដ្ឋត្រូវបានជម្លៀសចេញ ហើយអាជ្ញាធរកំពុងធ្វើការត្រួតពិនិត្យយ៉ាងហ្មត់ចត់ ដើម្បីវាយតម្លៃពីទំហំនៃការខូចខាត និងកំណត់វិធានការដោះស្រាយចាំបាច់។
ការរញ្ជួយដី បាននាំឲ្យមានការភ័យស្លន់ស្លោយ៉ាងខ្លាំងនៅក្នុងទីក្រុងបាងកក ជាមួយនឹងអគារខ្ពស់ៗបានយោលចុះឡើង ហើយពលរដ្ឋត្រូវជម្លៀសចេញដើម្បីជាវិធានការប្រុងប្រយ័ត្ន។ ក្រៅពីខុនដូទាំង៦ អគារផ្សេងទៀត រួមទាំងអគារកម្ពស់ ៣០ជាន់ដែលមិនទាន់សាងសង់រួច បានរងការខូចខាតយ៉ាងធ្ងន់ធ្ងរ។ ឧប្បត្តិហេតុនេះ បានបង្កើនការព្រួយបារម្ភអំពីភាពរឹងមាំ និងភាពធន់របស់រចនាសម្ព័ន្ធសំណង់អគារក្នុងការទប់ទល់ទៅនឹងគ្រោះរញ្ជួយដី។
BMA កំពុងសហការជាមួយអ្នកជំនាញផ្នែកវិស្វកម្ម ដើម្បីធ្វើការវាយតម្លៃអគារដែលរងផលប៉ះពាល់។ ប្រជាពលរដ្ឋមកពីខុនដូដែលមិនមានសុវត្ថិភាព ត្រូវបានផ្តល់កន្លែងស្នាក់នៅបណ្តោះអាសន្ន ហើយមន្ត្រីកំពុងធ្វើការដើម្បីធានាសុវត្ថិភាព និងសុខុមាលភាពរបស់ពួកគេ។ BMA ក៏បានជំរុញឲ្យអ្នកស្រុករក្សាការប្រុងប្រយ័ត្ន និងរាយការណ៍ពីភាពខុសប្រក្រតីនៃរចនាសម្ព័ន្ធនៅក្នុងអគាររបស់ខ្លួន។
គួររឭកថា ក្នុងឆ្នាំ២០០៧ ថៃបានកែប្រែបទប្បញ្ញត្តិសាងសង់របស់ខ្លួន ដើម្បីបង្កើនភាពធន់នឹងការរញ្ជួយដី។ ទោះជាយ៉ាងណាក៏ដោយ ក្តីបារម្ភនៅតែមានអំពីរចនាសម្ព័ន្ធដែលបានសាងសង់មុនការកែប្រែបទប្បញ្ញត្តិទាំងនេះ។ នាយកដ្ឋានធនធានរ៉ែ ធ្លាប់បានព្រមានថា ការរញ្ជួយដីធំៗនៅក្នុងប្រទេសជិតខាងអាចបំផ្លាញអគារចាស់ៗនៅទីក្រុងបាងកក៕
ដោយ៖ ឈាង
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?