ព័ត៌មានអន្ដរជាតិ
ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី
អាជ្ញាធរទេសចរណ៍ថៃ (TAT) ប្រកាសថា ពិធីបុណ្យសង្ក្រាន្តឆ្នាំថ្មី នឹងនៅតែរៀបចំដដែល ទោះប្រទេសទើបជួបគ្រោះរញ្ជួយដី ប៉ះពាល់ខ្លាំងដល់រាជធានីបាងកក ក៏ដោយ។

ជាមួយសេចក្តីប្រកាសនៅថ្ងៃអាទិត្យទី៣០ខែមីនាឆ្នាំ២០២៥ TAT បញ្ជាក់ថា ពិធីបុណ្យសង្ក្រាន្តនឹងរៀបចំឡើងទូទាំងប្រទេសតាមការគ្រោងទុក ហើយធានាដល់ទេសចរថា រញ្ជួយដីមិនប៉ះពាល់ដល់ការធ្វើដំណើរ ការដឹកជញ្ជូននិងសណ្ឋាគារទេ។
មិនត្រឹមប៉ុណ្ណឹង បើយោងតាម TAT, ស្ថានភាពនៅទីក្រុងបាងកកនិងផ្នែកផ្សេងទៀតនៃប្រទេសថៃ បានវិលមករកភាពប្រក្រតីវិញហើយ ចំណែកអាកាសយានដ្ឋានអន្តរជាតិ Don Mueang និង Suvarnabhumi ក៏ដំណើរការឡើងវិញហើយផងដែរ ខណៈប្រព័ន្ធទូរគមនាគមន៍នៅតាមបណ្តាខេត្ត មិនប៉ះពាល់អ្វីឡើយ។

សូមជម្រាបជាថ្មី កាលពីថ្ងៃសុក្រទី២៨ខែមីនាឆ្នាំ២០២៥ គ្រោះរញ្ជួយដីកម្រិត ៧.៧រ៉ិចទ័រ បានវាយប្រហារប្រទេសមីយ៉ាន់ម៉ា ដោយទីក្រុង Mandalay រងគ្រោះខ្លាំងជាងគេ ហើយឥទ្ធិពលរបស់វាក៏ជះដល់រាជធានីបាងកកនៃប្រទេសថៃ ដែលបង្កឲ្យមានការបំផ្លិចបំផ្លាញធ្ងន់ធ្ងរផងដែរ។
គិតត្រឹមព្រឹកថ្ងៃអាទិត្យ តួលេខមនុស្សស្លាប់នៅមីយ៉ាន់ម៉ា បានកើនឡើងដល់ ១ ៦៤៤នាក់និងជាង ៣ ៤០០នាក់រងរបួស ចំណែកនៅថៃឯណោះ មនុស្សស្លាប់កើនដល់១៧នាក់និងរបួស៣២នាក់៕
អត្ថបទ៖ សុខ សុវណ្ណ
ចុចអាន៖ កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៥ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី