ព័ត៌មានអន្ដរជាតិ
ផុតរញ្ជួយដី, ថៃ ប្រឈមការវាយប្រហារដោយរលកកម្តៅនិងព្យុះរដូវក្តៅ លាយឡំរន្ទះ
ស្របពេលប្រទេសមិនទាន់ធូរស្បើយពីគ្រោះរញ្ជួយដីនៅឡើយផងនោះ ស្រាប់តែពេលនេះ ថៃ ត្រូវប្រឈមនឹងការវាយប្រហារដោយគ្រោះធម្មជាតិធ្ងន់ធ្ងរបន្ថែមទៀតនោះគឺរលកកម្តៅនិងព្យុះរដូវក្តៅ ដែលមានភ្លៀងធ្លាក់ខ្លាំងនិងខ្យល់កន្ត្រាក់លាយឡំជាមួយរន្ទះនៅតំបន់ខ្លះ ពេញមួយសប្តាហ៍។ នេះបើតាមការចុះផ្សាយរបស់ Khaosod។

តាមសេចក្តីប្រកាសរបស់នាយកដ្ឋានឧតុនិយមថៃនៅថ្ងៃចន្ទទី៣១ខែមីនាឆ្នាំ២០២៥ អាកាសធាតុធ្ងន់ធ្ងរបែបនេះ នឹងវាយប្រហារខេត្តចំនួន៣៤ ចាប់ពីថ្ងៃទី១ខែមេសាទៅ។
ជាមួយនឹងព្យុះនេះ នាយកដ្ឋានក៏ព្រមានផងដែរអំពីរលកកម្តៅ ដោយតំបន់មួយចំនួន សីតុណ្ហភាពនឹងឈានដល់ជាង៤០អង្សាសេឯណោះ ជាពិសេសតំបន់ភាគខាងជើងនិងកណ្តាល រួមទាំងរាជធានីបាងកកផងដែរ។
កត្តាទាំងនេះ ក៏ព្រោះតែប្រព័ន្ធសម្ពាធខ្ពស់ឬម៉ាស់ខ្យល់ត្រជាក់កម្រិតមធ្យម ដែលជះឥទ្ធិពលពីប្រទេសចិន បានសាយភាយចុះមកគ្របដណ្តប់តំបន់ភាគឦសានប្រទេសថៃនិងសមុទ្រចិនខាងត្បូង។

កាលពីថ្ងៃសុក្រ រាជធានីបាងកក បានរងគ្រោះដោយការរញ្ជួយដីកម្រិតធ្ងន់៧.៧រ៉ិចទ័រ ដែលមានចំណុចកណ្តាលនៅទីក្រុង Mandalay នៃប្រទេសមីយ៉ាន់ម៉ា បណ្តាលឲ្យបាក់អគារសវនកម្មកម្ពស់៣០ជាន់ដែលកំពុងសាងសង់ក្នុងខណ្ឌចតុចក្រ។
គិតត្រឹមព្រឹកថ្ងៃចន្ទ តួលេខមនុស្សស្លាប់នៅប្រទេសថៃ ដោយការរញ្ជួយនេះ បានកើនឡើងដល់១៨នាក់ ខណៈ ៧៨នាក់បាត់ខ្លួន។

ទន្ទឹមនឹងការរញ្ជួយនោះ នៅភាគខាងជើងប្រទេសថៃឯណោះ ក៏កើតមានភ្លើងឆេះព្រៃយ៉ាងខ្លាំងផងដែរ ជាពិសេសក្នុងខេត្តឈៀងម៉ៃ ដែលនៅទីនោះអាជ្ញាធររាយការណ៍ថា មានចំណុចក្តៅចំនួន១៧៦ ខណៈគ្រាន់តែស្រុក Chiang Dao តែឯង មានចំណុចក្តៅដល់ទៅ៥៨ទៅហើយ បង្ខំឲ្យមានការជម្លៀសពលរដ្ឋជាច្រើននាក់។
តាមពិតអគ្គិភ័យបានឆាបឆេះតាំងតែពីពាក់កណ្តាលខែមីនាមកម្ល៉េះ ប៉ុន្តែស្ថានភាពហាក់ធ្ងន់ធ្ងរដោយសារតែសណ្ឋានដី មានលក្ខណៈស្ងួតនិងមានខ្យល់បក់ខ្លាំង ធ្វើឲ្យអណ្តាតភ្លើង រាលដាលលឿន៕
អត្ថបទ៖ សុខ សុវណ្ណ
ចុចអាន៖ ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៨ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី