ព័ត៌មានអន្ដរជាតិ
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
ក្មេងស្រីម្នាក់បានរួចជីវិតដោយអព្ភូតហេតុបន្ទាប់ពីរយៈពេល៥០ម៉ោង (ជាង២ថ្ងៃនិង២យប់) ជាប់ក្នុងសណ្ឋាគារដែលបាក់រលំដោយសាររញ្ជួយដីកម្រិត៧.៧រ៉ិចទ័រ វាយប្រហារប្រទេសមីយ៉ាន់ម៉ា កាលពីរសៀលថ្ងៃសុក្រ។ នេះបើតាមការចេញផ្សាយរបស់ការសែត Kenh14.vn នៅថ្ងៃទី៣១ខែមីនានេះ។

ក្មេងស្រីនេះត្រូវបានក្រុមអ្នកជួយសង្គ្រោះជួយសង្គ្រោះបានទាំងនៅរស់រានមានជីវិតដ៏មិនគួរឲ្យជឿ បន្ទាប់ពីជាប់អស់រយៈពេលជាង៥០ម៉ោង នៅក្រោមគំនរសណ្ឋាគារបាក់បែកក្នុងទីក្រុង Mandalay ដែលជាចំណុចកណ្តាលនៃការរញ្ជួយដីដ៏ខ្លាំងមហិមានៅក្នុងប្រទេសមីយ៉ាន់ម៉ា។
ក្រុមអ្នកជួយសង្គ្រោះបានឲ្យដឹងថាជនរងគ្រោះបានជាប់ក្នុងគំនរបាក់បែករយៈពេលជាង២ថ្ងៃ។ ពេលរកឃើញក្មេងស្រីមានសភាពទន់ខ្សោយខ្លាំងតែមិនភ័យស្លន់ស្លោ ដែលមើលទៅនាងហាក់មានឆន្ទៈរឹងមាំនិងខំប្រឹងរស់រានមានជីវិត។
បើតាមសម្ដីក្មេងស្រីប្រាប់ក្រុមអ្នកជួយសង្គ្រោះថា នាងអាចនៅរស់បានគឺដោយសារតែមានដបទឹកចំនួនបួនដបនៅក្នុងបន្ទប់របស់នាង ដែលអាចទ្រទ្រង់ជីវិតរបស់នាងបានរហូតដល់ក្រុមជួយសង្គ្រោះរកឃើញ។
បើតាមក្រុមអ្នកជួយសង្គ្រោះនៅសល់មនុស្ស៥នាក់ទៀតជាប់ក្នុងសណ្ឋាគារនេះ ក្នុងនោះមានជនជាតិចិន២នាក់ ហើយក្នុងចំណោមមនុស្សដែលត្រូវបានជួយសង្គ្រោះមានតែក្មេងស្រីម្នាក់នេះប៉ុណ្ណោះដែលនៅរស់រានមានជីវិត។
គួរបញ្ជាក់ថា បន្ទាប់ពីគ្រោះរញ្ជួយដីដ៏សាហាវវាយប្រហារប្រទេសមីយ៉ាន់ម៉ា ស្ថានភាពជួយសង្គ្រោះនៅមីយ៉ាន់ម៉ានៅតែតានតឹងខ្លាំង ខណៈមកដល់ថ្ងៃនេះមានអ្នកស្លាប់ជិត៣ពាន់នាក់ និងរាប់សិបនាក់នៅតែបាត់ខ្លួនក្រោមគំនរបាក់បែកនៅឡើយ។ ប្រទេសជិតខាង និងបណ្ដាប្រទេសនានាបានកំពុងប្រកាសផ្ដល់ជំនួយជាក្រុមជួយសង្ក្រោះ សម្ភារៈ និង ថវិការផងដែរ៕


អត្ថបទ៖ ប៊ុន សុភាព

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៥ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី