ព័ត៌មានអន្ដរជាតិ
ផែថងថាន៖ ឥទ្ធិពលក្រោយរញ្ជួយដីលែងមាននៅថៃ ដោយដាក់ការណែនាំ៤ចំណុច
នាយករដ្ឋមន្ត្រីថៃ ផែថងថាន ស៊ីណាវ៉ាត្រា បានប្រកាសតាមបណ្តាញសង្គមផ្ទាល់ខ្លួន Ing Shinawatra ថា ប្រទេសថៃលែងទទួលឥទ្ធិពលក្រោយគ្រោះរញ្ជួយដី (aftershock) ទៀតហើយ បន្ទាប់ពីមានភាពឆោរឡោខ្លះបានកើតឡើងអំពីការជម្លៀសប្រជាជនចេញជាដើម។

តាមបណ្តាញសង្គមផ្ទាល់ខ្លួនរបស់នាយករដ្ឋមន្ត្រី លោកស្រី ផែថងថាន បានសរសេរថា ឆ្លើយតបនឹងរបាយការណ៍ដែលថាប្រជាពលរដ្ឋត្រូវបានជម្លៀសចេញពីអគារនៅពេលនេះ ខ្ញុំបានពិនិត្យជាមួយអាជ្ញាធរពាក់ព័ន្ធទាំងអស់ និងបានបញ្ជាក់ដូចខាងក្រោម៖
១. យោងតាមនាយកដ្ឋានឧតុនិយមថៃ មិនមានគ្រោះរញ្ជួយដីថ្មីនៅប្រទេសថៃទេ។ ឥទ្ធិពលគ្រោះរញ្ជួយដីពីមីយ៉ាន់ម៉ា មិនមានឥទ្ធិពលមកលើប្រទេសថៃទៀតឡើយ។
២. ស្នាមប្រេះដែលនាំដល់ម្ចាស់អគារបញ្ជាឱ្យមានការជម្លៀសចេញ ឥឡូវនេះត្រូវបានគេរាយការណ៍ថា ជាស្នាមប្រេះដែលមានពីមុន។ ដូច្នេះហើយ យើងសូមបញ្ជាក់សារជាថ្មីនូវសារាចរណែនាំដើមរបស់អភិបាលក្រុងបាងកក ដែលថា ម្ចាស់អគារត្រូវតែត្រួតពិនិត្យអគារជាបន្ទាន់ដើម្បីកំណត់ឱ្យបានច្បាស់ថាតើស្នាមប្រេះនោះជាស្នាមចាស់, ទើបគើតមាន ឬទើបប្រេះថ្មី? នេះនឹងគាំទ្រដល់ការសម្រេចចិត្តត្រឹមត្រូវ។
៣. ម្ចាស់អគារត្រូវបានស្នើសុំឱ្យត្រួតពិនិត្យអគារឱ្យបានល្អិតល្អន់ដើម្បីធានាសុវត្ថិភាព មុនពេលបើកឱ្យប្រើប្រាស់ឡើងវិញ។ ប្រសិនបើមានភាពមិនច្បាស់លាស់ សូមពិគ្រោះជាមួយមន្ទីរសាធារណការ និងផែនការទីក្រុង ឬនាយកដ្ឋានបង្ការ និងកាត់បន្ថយគ្រោះមហន្តរាយ (DDPM) សម្រាប់ការត្រួតពិនិត្យជាផ្លូវការ។
៤. ការសម្រេចចិត្តជម្លៀសចេញពីអគារនីមួយៗគឺស្ថិតនៅការសម្រេចចិត្តរបស់សាមីទីតាំងនីមួយៗ។ ទោះជាយ៉ាងណាក៏ដោយ យើងជំរុញឱ្យមានការប្រាស្រ័យទាក់ទងយ៉ាងច្បាស់លាស់ និងផ្អែកលើព័ត៌មានដែលបានផ្ទៀងផ្ទាត់ពីប្រភពផ្លូវការរបស់រដ្ឋាភិបាល៕
ដោយ រ៉ាន់ រើយ


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី