Connect with us

ព័ត៌មានអន្ដរជាតិ

ការរញ្ជួយដីបណ្តាលឱ្យខូចខាតដល់សេដ្ឋកិច្ចថៃ​ធ្ងន់ធ្ងរ ជាពិសេស​វិស័យ​អចលនទ្រព្យ​​

បានផុស

នៅ

គ្រោះរញ្ជួយដីកម្រិត​​៧,៧​រ៉ិចទ័រកើតឡើងនៅកណ្តាលទីក្រុង Sagaing ប្រទេសមីយ៉ាន់ម៉ាកាលពីថ្ងៃទី២៨ខែមីនា ឆ្នាំ២០២៥ បានបណ្តាលឱ្យរាលដាលរំញ័រយ៉ាងខ្លាំងនៅតំបន់ជាច្រើន​ក្នុងប្រទេសថៃ ជាពិសេសនៅក្នុងតំបន់ទីក្រុងបាងកក បណ្តាលឱ្យមានការស្លាប់បាត់បង់ជីវិតមនុស្ស និងទ្រព្យសម្បត្តិ​យ៉ាងច្រើន ​ដែល​មាន​ការ​ព្យាករ​ថា និង​ប៉ះពាល់​ដល់​ដំណើរ​ការ​សេដ្ឋកិច្ច​ធ្ងន់ធ្ងរ​​។

អគារ​កម្ពស់​ជាង​​៣០ជាន់​រលំ​បាក់​នៅ​ក្រុងបាងកក​ដោយសារ​គ្រោះរញ្ជួយដី។ Ing Shinawatra
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះផលប៉ះពាល់ផ្នែកសេដ្ឋកិច្ច មជ្ឈមណ្ឌលស្រាវជ្រាវកសិករបានប៉ាន់ប្រមាណបឋមថា ការខាតបង់អាចមានតម្លៃមិនតិច​ជាង២០ពាន់លានបាត (​ជាង​៥៨៦លាន​ដុល្លារ​)​ នោះទេ ភាគច្រើនមកពីការផ្អាក ឬការពន្យារពេលសកម្មភាពសេដ្ឋកិច្ច ជាពិសេសនៅក្នុងវិស័យសេវាកម្មនៅតំបន់ក្នុងទីក្រុងបាងកក តំបន់ជុំវិញ និងក្រុងធំៗទៀតដូចជាឈៀងម៉ៃជាដើម រួមទាំងព្រឹត្តិការណ៍តាំងពិពណ៌ ភោជនីយដ្ឋាន ហាងលក់ទំនិញ ការដឹកជញ្ជូនជាដើម។ល។

​ជាមួយ​គ្នា​នោះ សន្ទុះនៃការទិញលក់ក៏អាចនឹងថយចុះដែរ​ ដោយសារអាជីវកម្ម និងលំនៅឋានពលរដ្ឋត្រូវផ្លាស់ប្តូររំហូរសាច់ប្រាក់ និង​ប្រាក់​ចំណូលរបស់ខ្លួន ដើម្បីយកមកប្រើប្រាស់សម្រាប់ការជួសជុលអគារលំនៅឋាន រួមបញ្ចូលទាំងការខូចខាតទ្រព្យសម្បត្តិ និងអគារមួយចំនួនត្រូវការការជួសជុលឡើងវិញ។

ផលប៉ះ​ពាល់ច្រើនជាងនេះទៀត គឺវិស័យ​អាជីវកម្មត្រូវបានគេមើល​ឃើញ​ថា បើទោះជាមានការ​ជួស​ជុល​និង​ស្ដារការ​ខូច​ខាត​ឡើង​វិញហើយក៏ដោយ ក៏ត្រូវការ​ស្វែង​រក​កន្លែង​ស្នាក់នៅជំនួសបណ្តោះអាសន្ន នឹង​ធ្វើឱ្យការ​ចំណាយលើ​ការ​សាងសង់​សំណង់ ហើយផល​ប៉ះ​ពាល់​អវិជ្ជមាន​ទំនង​ជា​ប៉ះ​ពាល់​ដល់​ការ​លក់និង​ផ្ទេរ​ខុនដូ​ក្នុង​តំបន់ក្រុង​បាងកក ដែលអាចនឹងធ្វើឱ្យគម្រោងមួយចំនួនមានការយឺតយ៉ាវ ហើយតម្រូវការជួលក៏ទំនងជាកើនឡើងដូចគ្នា។

យោងតាមទិន្នន័យរបស់មជ្ឈមណ្ឌលព័ត៌មានអចលនទ្រព្យបានរកឃើញថា ចំនួនអគារខុនដូដែលរង់ចាំការលក់នៅទីក្រុងបាងកកមានជាង៦៥ពាន់យូនីត គិតជាទឹកប្រាក់៣៧៥ពាន់លានបាត។

ផលប៉ះពាល់ដល់ទីផ្សារទេសចរណ៍បរទេសក្នុងប្រទេសថៃក៏ជាផ្នែកមួយទៀតដែលមានហានិភ័យកើនឡើងក្នុងរយៈពេលខ្លីផងដែរ ពោលគឺទំនុកចិត្តក្នុងការធ្វើដំណើរនិងការស្វែងរកកន្លែងស្នាក់នៅក្នុងតំបន់ដែលរងការខូចខាត ខណៈពេលដែល​សណ្ឋាគារនៅក្នុងទីក្រុងបាងកកភាគច្រើនគឺជាអគារខ្ពស់ៗ ដែលធ្វើឱ្យទីផ្សារទេសចរណ៍សំខាន់ៗរបស់ថៃ ដូចជាចិន​ ម៉ាឡេស៊ី និងកូរ៉េខាងត្បូង បានចាប់ផ្តើមធ្លាក់ចុះនៅអំឡុងខែកុម្ភៈ និងខែមីនាកន្លងមក ដែលធ្វើឱ្យការប៉ាន់ប្រមាណ​របស់​មជ្ឈមណ្ឌលស្រាវជ្រាវកសិករសម្រាប់ភ្ញៀវទេសចរបរទេសចំនួន៣៧,៥លាននាក់សម្រាប់ឆ្នាំ២០២៥ អាចនឹងត្រូវបានត្រួតពិនិត្យនិងកែសម្រួលតួលេខ​ធ្លាក់​ចុះវិញ​​។

ផលប៉ះពាល់លើផលិតផលក្នុងស្រុកសរុប (GDP) ពីការរញ្ជួយដីនេះត្រូវបានប៉ាន់ប្រមាណបឋមគឺ -0.0៦% ដែលធ្វើឱ្យការព្យាករណ៍សេដ្ឋកិច្ចថៃសម្រាប់ឆ្នាំ២០២៥ ទំនងជាត្រូវការកែសម្រួលចុះក្រោមវិញ ដែលការប៉ាន់ប្រមាណពីមុន ២.៤%​។

ប៉ុន្តែទោះជាយ៉ាងណាក៏ដោយ មជ្ឈមណ្ឌលស្រាវជ្រាវកសិករនៅតែរង់ចាំមើលលទ្ធផលពីការប្រកាសដំឡើងពន្ធនាំចូលរបស់សហរដ្ឋអាមេរិកនៅថ្ងៃទី២ខែមេសានេះបន្ថែមទៀត ប្រសិនបើប្រទេសថៃត្រូវបានសហរដ្ឋអាមេរិកតម្លើងពន្ធ ២៥%​ពិត​មែននោះ ប្រាកដណាស់វានឹងជះឥទ្ធិពលបន្ថែមទៀតលើ GDP ប្រមាណ -0.៣% ដែលធ្វើឱ្យថៃប្រឈមនឹងបញ្ហាផ្ទួនៗគ្នា៕

ដោយ ភ្នាក់ងារ​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម