Connect with us

ព័ត៌មានអន្ដរជាតិ

អាមេរិក​បញ្ជូន​យន្តហោះ​ចម្បាំង​​បន្ថែមទៅ​មជ្ឈិមបូព៌ា ខណៈ​ភាពតានតឹង​ជាមួយ​អ៊ីរ៉ង់​កើន​ឡើង

បានផុស

នៅ

ចំពេលមានភាពតានតឹងកាន់តែខ្លាំងឡើងជាមួយអ៊ីរ៉ង់​ សហរដ្ឋអាមេរិកបានពង្រឹងវត្តមានយោធារបស់ខ្លួនយ៉ាងខ្លាំងនៅ​តំបន់​មជ្ឈិមបូព៌ា ដោយដាក់ពង្រាយ​កងទ័ពជើងទឹក និង​យន្តហោះចម្បាំងទំនើបៗ ដើម្បីទប់ស្កាត់ការគំរាមកំហែងដែលអាចកើតមាន និងគាំទ្រដល់ប្រតិបត្តិការ​​នៅក្នុងតំបន់។ នេះ​បើ​យោង​តាម​​ការ​ឲ្យ​ដឹង​ពី​មន្ទីរ​បញ្ចកោណ​​​កាល​ពី​ថ្ងៃ​អង្គារ​ទី​១​ខែ​មេសា​ឆ្នាំ​២០២៥។

យន្តហោះ​ចម្បាំង B-2 (រូបថត៖ Wiki)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍សង្ខេបរបស់មន្ទីរបញ្ចកោណ មិនបានបញ្ជាក់ពី​ប្រភេទ​យន្តហោះ​ចម្បាំង​ដែលត្រូវបានដាក់ពង្រាយ ឬកន្លែងដែលត្រូវបញ្ជូន​ឲ្យ​ច្បាស់លាស់នោះទេ។

យ៉ាងណា​ ​រដ្ឋមន្ត្រីការពារជាតិលោក Pete Hegseth ធ្លាប់​បានប្រកាស​ពីការដាក់ពង្រាយ​កងក​ម្លាំង​​ដែន​អាកាសបន្ថែម​កាល​ពី​សប្ដាហ៍​មុន រួមទាំងយន្តហោះទម្លាក់គ្រាប់បែកបំបាំងកាយ B-2 ​ចំនួន​៦​គ្រឿង ដែលឈរជើងនៅ​កោះ Diego Garcia ដែលជាមូលដ្ឋានយោធាយុទ្ធសាស្ត្រអាមេរិក-អង់គ្លេស នៅមហាសមុទ្រឥណ្ឌា។ ការ​បញ្ជូន​យន្តហោះទម្លាក់គ្រាប់បែកទាំងនេះ មាន​បំណង​​ត្រៀម​ធ្វើ​ប្រតិបត្តិការនៅទូទាំងមជ្ឈិមបូព៌ា ដែលបង្ហាញពីការប្តេជ្ញាចិត្តរបស់​អាមេរិកចំពោះស្ថិរភាពក្នុងតំបន់។

អ្នកនាំពាក្យមន្ទីរបញ្ចកោណលោក Sean Parnell បាននិយាយនៅក្នុងសេចក្តីថ្លែងការណ៍​ថា៖ «បើអ៊ីរ៉ង់ ឬអ្នកតំណាងរបស់ខ្លួនគំរាមកំហែងបុគ្គល និងផលប្រយោជន៍របស់អាមេរិកនៅក្នុងតំបន់ សហរដ្ឋអាមេរិកនឹងចាត់វិធានការយ៉ាងម៉ឺងម៉ាត់ដើម្បីការពារប្រជាជនរបស់យើង»។

ក្រៅ​ពី​យន្តហោះទម្លាក់គ្រាប់បែក B-2 មន្ទីរបញ្ចកោណក៏​បានពង្រីកការដាក់ពង្រាយនាវាផ្ទុកយន្តហោះ USS Harry S. Truman និងបញ្ជូន​នាវា​ USS Carl Vinson ទៅកាន់មជ្ឈិមបូព៌ា​ផង​ដែរ។ កងកម្លាំងទ័ពជើងទឹកទាំងនេះត្រូវបានបំពាក់ដោយយន្តហោះទំនើប និងប្រព័ន្ធមីស៊ីល ដែលបង្កើនសមត្ថភាពរបស់អាមេរិកក្នុង​ទប់​ស្កាត់​ការគំរាមកំហែងដែលកំពុងកើន​ឡើង។

​នាវា​​ផ្ទុក​យន្តហោះ​ចម្បាំង USS Carl Vinson (រូបថត៖ Navy Force)

សហរដ្ឋអាមេរិកក៏បានបង្កើនយុទ្ធនាការផ្លូវអាកាសរបស់ខ្លួនប្រឆាំងនឹងក្រុមសកម្មប្រយុទ្ធហ៊ូធី នៅក្នុងប្រទេសយេម៉ែន ដែល​ជា​ក្រុម​មាន​ការ​គាំទ្រដោយអ៊ីរ៉ង់។ ក្រុម​ហ៊ូធី បាន​ចេញ​មុខ​អះអាង​​ថា ​ខ្លួន​​បាញ់ទម្លាក់យន្តហោះគ្មានមនុស្សបើក MQ-9 Reaper របស់អាមេរិក ចំពេលមានការវាយប្រហារតាមអាកាស​របស់​អាមេរិកសំដៅទៅលើក្រុម​របស់​ខ្លួន។

ចលនាយោធាទាំងនេះ កើតឡើងបន្ទាប់ពីការដាក់ឱសានវាទរបស់​លោក​ប្រធានាធិបតី ដូណាល់ ត្រាំ ចំពោះប្រទេសអ៊ីរ៉ង់ ដោយទាមទារ​ឲ្យ​បញ្ឈប់កម្មវិធីនុយក្លេអ៊ែរ និងការគាំទ្រ​​​​ក្រុម​ឧទ្ទាម​នៅក្នុងតំបន់។ លោក ត្រាំ បានគំរាម​ប្រើ​សកម្មភាពយោធា​ដូចជា​ការ​ទម្លាក់​គ្រាប់​បែក បើអ៊ីរ៉ង់មិនអនុវត្តតាម។

ជា​ការ​ឆ្លើយ​តប លោក Ali Larijani ទីប្រឹក្សា​ជាន់​ខ្ពស់​របស់​មេ​ដឹក​នាំ​កំពូល​អ៊ីរ៉ង់ បាន​ព្រមាន​​ថា ប្រទេសរបស់​លោក​អាចពិចារណា​ផលិត​អាវុធនុយក្លេអ៊ែរ បើ​ត្រូវវាយប្រហារដោយ​សហរដ្ឋ​អាមេរិក​ ឬសម្ព័ន្ធមិត្តរបស់​អាមេរិក។

ប្រធានាធិបតីអ៊ីរ៉ង់ លោក Masoud Pezeshkian បានសង្កត់ធ្ងន់ថា​ខ្វះ​​ទំនុក​ចិត្តលើអាមេរិក ប៉ុន្តែបានបង្ហាញពីឆន្ទៈក្នុងការចូលរួមក្នុងការចរចាដោយប្រយោលតាមរយៈអន្តរការី។ ចំណែក​មេដឹកនាំកំពូលរបស់អ៊ីរ៉ង់ លោក Ayatollah Ali Khamenei បានព្រមានថា អាមេរិកនឹងប្រឈមមុខនឹងការសងសឹកយ៉ាងខ្លាំងក្លា បើ​មហា​អំណាច​​លើ​ពិភពលោក​មួយ​នេះ​​ហ៊ាន​ប្រើ​សកម្មភាពយោធា។ របាយការណ៍​​មួយ​ចំនួន​បង្ហាញ​​ថា អ៊ីរ៉ង់បាន​រៀបចំ​អាវុធមីស៊ីលរបស់ខ្លួន​រួច​ហើយ​ ​ដើម្បី​ត្រៀម​​​ទប់ទល់​នឹង​ការវាយប្រហារដែលអាចកើតមាន៕

ដោយ៖ ឈាង

ចុចអាន៖ អ៊ីរ៉ង់ ព្រមាន​ថា​នឹង​ផលិត​អាវុធ​នុយក្លេអ៊ែរ បើ​ត្រូវ​អាមេរិក​វាយ​ប្រហារមែន

Helistar Cambodia - Helicopter Charter Services
Sokimex Investment Group
ព័ត៌មានជាតិ៥៥ វិនាទី មុន

ចូលឆ្នាំថ្មីឆ្នាំនេះ អភិបាលខេត្តកំពង់ចាម គ្រោងបំពាក់ប្រព័ន្ធ Free WiFi ឱ្យអ្នកមកលេងកម្សាន្តនៅខេត្តបានប្រើប្រាស់ដោយសេរី

ព័ត៌មានអន្ដរជាតិ១ នាទីute មុន

អាមេរិក​បញ្ជូន​យន្តហោះ​ចម្បាំង​​បន្ថែមទៅ​មជ្ឈិមបូព៌ា ខណៈ​ភាពតានតឹង​ជាមួយ​អ៊ីរ៉ង់​កើន​ឡើង

ព័ត៌មានអន្ដរជាតិ៨ នាទីutes មុន

ប្រទេស​អាស៊ីអាគ្នេយ៍ ៤ ​ប្រឈមហានិភ័យខ្ពស់នៃ​ពន្ធឱ្យស្មើគ្នា​របស់ ត្រាំ

កីឡា១៣ នាទីutes មុន

គ្រុឌ​បន្ត​ត្រួស​ត្រាយ​ផ្លូវនាំ​គុន​ខ្មែរ​ទៅ​រៀបចំ​ការ​ប្រកួត​អន្តរជាតិ ដំបូង​នៅ​ទឹក​ដី​អាមេរិក

ព័ត៌មានអន្ដរជាតិ២៥ នាទីutes មុន

ឡាវបញ្ជូនកងទ័ព​៣៣នាក់ទៅ​ជួយមី​យ៉ាន់​ម៉ាក្នុងហេតុការណ៍គ្រោះរញ្ជួយដី​​ដ៏​ប្រល័យ​

ព័ត៌មានអន្ដរជាតិ១៨ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

ព័ត៌មានជាតិ១៨ ម៉ោង មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

ព័ត៌មានអន្ដរជាតិ១៨ ម៉ោង មុន

ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ

ព័ត៌មានអន្ដរជាតិ២៤ ម៉ោង មុន

ផ្ទុះ​បំពង់បង្ហូរ​ឧស្ម័ន​នៅ​ម៉ាឡេស៊ី បណ្ដាល​ឲ្យ​របួស​មនុស្ស​២៥​នាក់

ព័ត៌មានជាតិ២០ ម៉ោង មុន

ពលរដ្ឋភូមិឃ្មួញ ខណ្ឌសែនសុខ កំពុងរៀបចំតុបតែងភូមិស្វាគមន៍សង្ក្រាន្តឆ្នាំថ្មី

Sokha Hotels

ព័ត៌មានពេញនិយម