Connect with us

ព័ត៌មានអន្ដរជាតិ

អាមេរិក បើក​ភ្លើង​បៃតង លក់​យន្តហោះ​ចម្បាំង​តម្លៃជាង ៥​ពាន់លាន​ដុល្លារ​ឲ្យ​ហ្វីលីពីន

បានផុស

នៅ

សហរដ្ឋអាមេរិក បាន​អនុម័ត​ការ​លក់យន្តហោះចម្បាំង F-16 និងឧបករណ៍ពាក់ព័ន្ធ តម្លៃ ៥,៥៨​ពាន់​លាន​ដុល្លារ​ទៅ​ឲ្យ​​ហ្វីលីពីន ក្នុងគោលបំណងពង្រឹងសមត្ថភាពការពាររបស់ប្រទេសអាស៊ីអាគ្នេយ៍​មួយ​នេះ ស្រប​ពេលមានភាពតានតឹងក្នុងតំបន់កើនឡើង។

យន្តហោះ​ចម្បាំង F-16 (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​អនុម័ត​របស់ក្រសួងការបរទេស​អាមេរិកកាល​ពី​ថ្ងៃ​អង្គារ​ទី​១​ខែ​មេសា​ឆ្នាំ​២០២៥ រួមមាន យន្តហោះ F-16 ចំនួន ២០​គ្រឿង ព្រម​ទាំង​ឧបករណ៍ពាក់ព័ន្ធ និងការបណ្តុះបណ្តាល។ ការលក់នេះគឺមានគោលបំណងពង្រឹងសមត្ថភាពរបស់កងទ័ពអាកាសហ្វីលីពីន​នៅ​លើ​​ដែនសមុទ្រ និងធ្វើ​ឲ្យ​ប្រសើរឡើងនូវការការពារដែនអាកាស​ទប់ទល់​នឹង​សត្រូវ។

សេចក្តីថ្លែងការណ៍របស់ក្រសួងការបរទេស បាន​លើក​ឡើង​ថា ការលក់នេះនឹង «ធ្វើ​ឲ្យប្រសើរឡើងនូវសន្តិសុខនៃដៃគូយុទ្ធសាស្ត្រ ដែលបន្តជាកម្លាំងដ៏សំខាន់សម្រាប់ស្ថិរភាពនយោបាយ សន្តិភាព និងវឌ្ឍនភាពសេដ្ឋកិច្ចនៅអាស៊ីអាគ្នេយ៍»។

ការលក់ដែលបានស្នើឡើងគឺជាផ្នែកមួយនៃការប្តេជ្ញាចិត្តរបស់សហរដ្ឋអាមេរិកចំពោះការគាំទ្រសម្ព័ន្ធមិត្តនៅក្នុងតំបន់អាស៊ីប៉ាស៊ីហ្វិក ជាពិសេសក្នុងការពង្រឹងសមត្ថភាពការពាររបស់ពួកគេ ខណៈ​ពេលមានការព្រួយបារម្ភកាន់តែខ្លាំងឡើង​​អំពី​ការ​គំរា​មកំហែង​របស់​ចិន។

ក្នុងដំណើរទស្សនកិច្ចទៅកាន់ទីក្រុងម៉ានីលនាពេលថ្មីៗនេះ រដ្ឋមន្ត្រីការពារជាតិ លោក Pete Hegseth បានប្តេជ្ញាថានឹង «បង្កើតការទប់ស្កាត់ឡើងវិញនៅក្នុងតំបន់ឥណ្ឌូប៉ាស៊ីហ្វិក ក្រោមការគំរាមកំហែងពីពួកកុម្មុយនិស្តចិន»។

សូម​បញ្ជាក់​ថា ជា​ច្រើន​ខែ​មក​នេះ ហ្វីលីពីន និង​ចិន​ បាន​​​ប្រឈម​មុខ​ដាក់​គ្នា​​​ជាច្រើន​​លើក​ច្រើន​ដង​​​​នៅ​សមុទ្រ​ចិន​ខាង​ត្បូង។ ទីក្រុងប៉េកាំងបានទាមទារស្ទើរតែទាំងស្រុងនៃផ្លូវទឹកដ៏សំខាន់ ទោះបីជាមានសេចក្តីសម្រេចអន្តរជាតិថាការអះអាងរបស់ខ្លួនមិនមា​ន​មូលដ្ឋាន​​ច្បាប់​ក៏ដោយ៕

ដោយ៖ ឈាង

Helistar Cambodia - Helicopter Charter Services
Sokimex Investment Group
ព័ត៌មានជាតិ១៩ ម៉ោង មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

ព័ត៌មានអន្ដរជាតិ១៩ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

ព័ត៌មានអន្ដរជាតិ១៩ ម៉ោង មុន

ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ

ព័ត៌មានជាតិ២១ ម៉ោង មុន

ពលរដ្ឋភូមិឃ្មួញ ខណ្ឌសែនសុខ កំពុងរៀបចំតុបតែងភូមិស្វាគមន៍សង្ក្រាន្តឆ្នាំថ្មី

ព័ត៌មានជាតិ២១ ម៉ោង មុន

សម្ដេចធិបតី និងរដ្ឋមន្ត្រីការងារ និងសមាគម២ ចូលបច្ច័យជាង២ម៉ឺនដុល្លារ ដល់គ្រួសារសពពលករដែលស្លាប់ក្នុងគ្រោះរញ្ជួយដីនៅថៃ

Sokha Hotels

ព័ត៌មានពេញនិយម