ព័ត៌មានអន្ដរជាតិ
មេដឹកនាំពិភពលោកប្រតិកម្មខ្លាំងៗ ចំពោះពន្ធគយថ្មីរបស់លោក ត្រាំ
នៅថ្ងៃទី២ខែមេសាឆ្នាំ២០២៥ ត្រូវនឹងថ្ងៃទី៣នៅកម្ពុជា លោក ដូណាល់ ត្រាំ បានប្រកាសពីការដាក់ពន្ធមូលដ្ឋាន១០% លើទំនិញនាំចូលទាំងអស់ទៅកាន់សហរដ្ឋអាមេរិក ជាមួយនឹងអត្រាខ្ពស់សម្រាប់ប្រទេសមួយចំនួន, ២០% លើផលិតផលសហភាពអឺរ៉ុប, ២៤% លើទំនិញជប៉ុន និង ៣៤%លើការនាំចូលរបស់ចិន។
ក្នុងចំណោមដៃគូពាណិជ្ជកម្មទាំងអស់ អាមេរិកបញ្ជាក់ថា មានដៃគូពាណិជ្ជកម្មចំនួន៨ ដែលខ្លួននឹងយកពន្ធគយច្រើនជាងគេ ព្រោះចាត់ទុកថា ដៃគូទាំងនោះជា «អ្នកបំពានធ្ងន់ធ្ងរ» ធ្វើឲ្យខូចដល់គោលដៅសេដ្ឋកិច្ចអាមេរិក ក្នុងនោះមានទាំងកម្ពុជាផងដែរ ដែលលោក ត្រាំ យកពន្ធ៤៩%។
វិធានការទាំងនេះ មានគោលបំណងដោះស្រាយអតុល្យភាពពាណិជ្ជកម្ម និងជំរុញការផលិតក្នុងស្រុករបស់អាមេរិក។ យ៉ាងណាជុំវិញវិធានការយកពន្ធថ្មីនេះ បានបង្កឲ្យមានប្រតិកម្មយ៉ាងខ្លាំងទូទាំងពិភពលោក។
ខាងក្រោមនេះគឺជាប្រតិកម្មពីសំណាក់មេដឹកនាំពិភពលោកចំពោះវិធានការរបស់លោក ត្រាំ៖
ចក្រភពអង់គ្លេស
លោកនាយករដ្ឋមន្ត្រី Keir Starmer បានសង្កត់ធ្ងន់លើសារៈសំខាន់នៃការចរចាគ្នាជាបន្ត ដើម្បីការពារកុំឲ្យមានជម្លោះកើនឡើងបន្ថែមទៀត។ លោកបានគូសបញ្ជាក់ពីការប្តេជ្ញាចិត្តរបស់ចក្រភពអង់គ្លេសចំពោះដំណោះស្រាយការទូតលើជម្លោះពាណិជ្ជកម្មនេះ។
សហភាពអឺរ៉ុប
មេដឹកនាំទាំងឡាយ បានសម្តែងក្តីព្រួយបារម្ភចំពោះពន្ធគយនេះ ដល់ថ្នាក់មានថ្នាក់ដឹកនាំខ្លះ ជំរុញឲ្យចាត់វិធានការសងសឹកដើម្បីការពារសេដ្ឋកិច្ចរបស់ពួកគេថែមទៀតផង។ នាយករដ្ឋមន្ត្រីអ៊ីតាលីអ្នកស្រី Giorgia Meloni ដែលជាសម្ព័ន្ធមិត្តរបស់លោក ត្រាំ ហៅពន្ធគយនេះថា ជាវិធីសាស្រ្តដ៏ខុសឆ្គង។
កាណាដា
លោកនាយករដ្ឋមន្ត្រី Mark Carney ប្តេជ្ញាថានឹងប្រយុទ្ធជាមួយពន្ធគយថ្មីនេះ ហើយបង្ហាញពីផែនការសហការជាមួយដៃគូអន្តរជាតិ ដើម្បីដោះស្រាយបញ្ហាប្រឈមដែលនៅចំពោះមុខ។
អូស្ត្រាលីនិងនូវែលសេឡង់
ប្រទេសទាំងពីរបានកត់សម្គាល់ពីអតិរេកពាណិជ្ជកម្មដែលមានស្រាប់ និងសម្តែងក្តីព្រួយបារម្ភអំពីសក្តានុពលនៃភាពតានតឹងពាណិជ្ជកម្មកាន់តែខ្លាំងឡើង។
ជប៉ុន
ទេសាភិបាលធនាគារកណ្តាលជប៉ុន លោក Kazuo Ueda ព្រមានថា ពន្ធគយនេះអាចបង្ហាញភាពមិនច្បាស់លាស់ទៅក្នុងពាណិជ្ជកម្មសកល ដែលអាចធ្វើឲ្យប៉ះពាល់ដល់ស្ថិរភាពសេដ្ឋកិច្ច។
ម៉ិកស៊ិក
លោកស្រីប្រធានាធិបតី Claudia Sheinbaum មិនចង់ឲ្យអន្តរជាតិចាត់វិធានការសងសឹកឡើយ តែត្រូវផ្តោតលើការពង្រឹងសេដ្ឋកិច្ចក្នុងស្រុក ដើម្បីទប់ទល់នឹងសម្ពាធពីខាងក្រៅជំនួសវិញ៕
អត្ថបទ៖ សុខ សុវណ្ណ
ចុចអាន៖ ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង
សភាពាណិជ្ជកម្មអាមេរិកនៅកម្ពុជា ស្នើឱ្យដោះស្រាយបញ្ហាពន្ធអាមេរិកថ្មី ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»
កម្ពុជារកចំណូលបានជាង $១៨ លាន ពីការលក់សំបុត្រចូលទស្សនាអង្គរ
មេដឹកនាំពិភពលោកប្រតិកម្មខ្លាំងៗ ចំពោះពន្ធគយថ្មីរបស់លោក ត្រាំ
ប៊ុន សុធា បង្ហើរអារម្មណ៍តាមហ្វេសបុកបញ្ជាក់ពីការមិនសប្បាយចិត្តចំពោះអ្នកគាំទ្រមួយចំនួន
កម្ពុជា-ឥណ្ឌា បន្តពង្រឹងបន្ថែមលើកិច្ចសហប្រតិបត្តិការក្នុងវិស័យអប់រំជាមួយគ្នាឱ្យកាន់តែរីកចម្រើន
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
ត្រឹមមួយថ្ងៃដើមខែមេសា ប្រទេសអាស៊ីអាគ្នេយ៍ចំនួន៣ កើតគ្រោះអគ្គិភ័យរន្ធត់ដំណាលគ្នា
ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង
ស្ត្រីវ័យ៦៣ឆ្នាំម្នាក់នៅមានជីវិត ក្រោយជាប់ក្រោមគំនរបាក់បែក៩១ម៉ោង
ទំនាយឆ្នាំ២០២៥របស់លោកយាយ Baba Vanga ក្លាយជាការពិតមួយហើយ
-
ព័ត៌មានជាតិ២ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១៧ ម៉ោង agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម៧ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល