ព័ត៌មានអន្ដរជាតិ
មីន អ៊ុងឡាំង ទៅប្រជុំនៅបាងកក ខណៈមនុស្សស្លាប់ដោយរញ្ជួយដីនៅមីយ៉ាន់ម៉ា កើនដល់ជិត ៤ពាន់
មេដឹកនាំរបបសឹកមីយ៉ាន់ម៉ា មីន អ៊ុងឡាំង បានទៅដល់ទីក្រុងបាងកក នៃប្រទេសថៃហើយ ដើម្បីចូលរួមកិច្ចប្រជុំថ្នាក់តំបន់ «គំនិតផ្តួចផ្តើមឈូងសមុទ្របេងហ្គាល់សម្រាប់កិច្ចសហប្រតិបត្តិការបច្ចេកទេសនិងសេដ្ឋកិច្ចពហុវិស័យ» ហៅកាត់ BIMSTEC ខណៈតួលេខមនុស្សស្លាប់ដោយសារគ្រោះរញ្ជួយដីដ៏សាហាវនៅប្រទេសរបស់លោក កើនឡើងដល់ជិត ៤ ០០០នាក់។ នេះបើតាមការចុះផ្សាយរបស់ Bangkok Post កាលពីថ្ងៃព្រហស្បតិ៍ទី៣ខែមេសាឆ្នាំ២០២៥។

លោក អ៊ុងឡាំង ធ្វើឲ្យអន្តរជាតិផ្ទុះកំហឹងយ៉ាងខ្លាំង ព្រោះលោកមិនព្រមបន្ថយដៃវាយប្រហារលើក្រុមប្រឆាំងសោះនៅមីយ៉ាន់ម៉ា ទោះប្រទេសដែលញាំញីដោយសង្គ្រាមស៊ីវិលមួយនេះ ត្រូវខ្ទេចខ្ទីថែមមួយកម្រិតទៀតដោយសារតែរញ្ជួយដី ហើយប្រជាជនឯណោះកំពុងរងទុក្ខវេទនាខ្លាំងបែបណាក៏ដោយ។
ក្នុងជំនួបកំពូលដែលមានការចូលរួមពីសំណាក់ប្រទេសថៃ ឥណ្ឌា បង់ក្លាដែស នេប៉ាល់ ស្រីលង្កា និងប៊ូតង់មួយនេះ, លោក អ៊ុងឡាំង បានលើកឡើងពីការឆ្លើយតបទៅនឹងគ្រោះរញ្ជួយដីកម្រិត៧.៧រ៉ិចទ័រ ដែលមានចំណុចកណ្តាលក្បែរទីក្រុង Mandalay វាយប្រហារមីយ៉ាន់ម៉ា កាលពីថ្ងៃសុក្រទី២៨ខែមីនា។

ប្រទេសជាច្រើនបានបញ្ជូនក្រុមជួយសង្គ្រោះនិងជំនួយមនុស្សធម៌ទៅមីយ៉ាន់ម៉ារួចទៅហើយ ប៉ុន្តែក្រុមជួយសង្គ្រោះខ្លះត្រូវជួបឧបសគ្គនិងការលំបាកដោយសារស្ថានភាពហេដ្ឋារចនាខ្ទេចខ្ទី ហើយថែមទាំងមានការវាយប្រហារលើក្បួនដឹកជំនួយទៀតផង។
គិតត្រឹមព្រឹកថ្ងៃសុក្រ, តួលេខមនុស្សស្លាប់ដោយរញ្ជួយដីនៅមីយ៉ាន់ម៉ា បានកើនឡើងដល់ ៣ ៩០១នាក់ និង៥ ៩៧៨នាក់រងរបួស ខណៈ៧១៩នាក់បាត់ខ្លួន។
ទោះបីជាយ៉ាងណា ក្រុមជួយសង្គ្រោះព្រមានថា តួលេខជនរងគ្រោះអាចនឹងបន្តហក់ឡើងខ្ពស់ទៀត ព្រោះនៅមានតំបន់ជាច្រើនដែលក្រុមរុករកមិនទាន់ទៅដល់៕
អត្ថបទ៖ សុខ សុវណ្ណ
ចុចអាន៖ ផុតរញ្ជួយដី, មីយ៉ាន់ម៉ា ព្រមានពីហានិភ័យបាក់ទំនប់, ប្រជាជនរាប់ពាន់នាក់ប្រឈមគ្រោះថ្នាក់

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់