ព័ត៌មានអន្ដរជាតិ
ភ្លើងឆេះភ្នំរាលឆេះសណ្ឋាគារយ៉ាងសន្ធោសន្ធៅនៅមីយ៉ាន់ម៉ា
សណ្ឋាគារដែលមានឈ្មោះថា Myanmar Treasure Resort Hotel នៅបឹង Inlay ទីក្រុង Nyaung Shwe រដ្ឋ Shan ត្រូវបានអគ្គីភ័យឆាបឆេះយ៉ាងសន្ធោសន្ធៅកាលពីល្ងាចថ្ងៃទី៣ខែមេសា ស្របពេលប្រទេសនេះទើបតែរងការវាយប្រហារពីគ្រោះរញ្ជួយដីដ៏សាហាវសម្លាប់មនុស្សរាប់ពាន់នាក់។ នេះបើយោងតាមការចេញផ្សាយរបស់ Eleven Media Group- English Edition។

សណ្ឋាគារនេះបានឆាបឆេះនៅវេលាម៉ោងប្រហែល៤រសៀលថ្ងៃព្រហស្បតិ៍ ដែលបណ្ដាលមកពីភ្លើងឆេះភ្នំរាលដាលដល់ទីតាំងសណ្ឋាគារ ក្នុងនោះបន្ទប់សណ្ឋាគារ និងផ្ទះស្នាក់ (បឹងហ្គាឡូជាង) ជាង១០០បន្ទប់ត្រួវបានបំផ្លាញ រួមទាំងបន្ទប់ធំ ភោជនីយដ្ឋាន និងបឹងហ្គាឡូតូចៗ។
សណ្ឋាគារនេះគឺជាសណ្ឋាគារមួយប្រភេទដែលសាងសង់ដោយឈើនៅលើបឹង ដែលធ្វើឲ្យភ្លើងឆេះកាន់តែងាយស្រួល។ ទោះយ៉ាងណាមានសេចក្ដីរាយការណ៍ថាមានរថយន្តពន្លត់អគ្គិភ័យទៅដល់កន្លែងឆេះហើយបាញ់ពន្លត់ ខណៈការខូចខាតសរុបមិនទាន់ត្រូវបានដឹងនៅឡើយនោះទេ។
គួរបញ្ជាក់ថាអគ្គិសភ័យនេះបានឆេះចំពេលប្រទេសនេះកំពុងមានទុក្ខរួចទៅហើយដោយសារតែគ្រោះរញ្ជួយដីដ៏ធ្ងន់ធ្ងរកម្រិត៧.៧រ៉ិចទ័រកាលពីថ្ងៃទី២៨ខែមីនាដែលបានសម្លាប់មនុស្សប្រមាណ៤ពាន់នាក់ ហេដ្ឋារចនាសម្ព័ន្ធយ៉ាងច្រើនត្រូវបានបំផ្លាញ ខណៈប្រតិបត្តិការជួយសង្គ្រោះនៅតែបន្តនៅឡើយរហូតមកដល់ពេលនេះ៕


អត្ថបទ៖ ប៊ុន សុភាព

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានជាតិ១ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា