ព័ត៌មានអន្ដរជាតិ
រយៈពេលជិត១០ម៉ោង មីយ៉ាន់ម៉ាជួបការរញ្ជួយដីច្រើនលើក
យោងតាមនាយកដ្ឋានអង្កេតការរញ្ជួយដីរបស់នាយកដ្ឋានឧតុនិយមថៃ បានឱ្យដឹងថា មានការរញ្ជួយដីសរុបចំនួន៨លើកនៅក្នុងប្រទេសមីយ៉ាន់ម៉ា ចាប់ពីពាក់កណ្តាលអធ្រាត្រថ្ងៃសុក្រដល់ម៉ោង៩ព្រឹកថ្ងៃសៅរ៍ ប៉ុន្តែមិនមានឥទ្ធិពលប៉ះពាល់ដល់ប្រទេសថៃនោះទេ។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី០៥ខែមេសានេះ។

យោងតាមនាយកដ្ឋាននេះ ការរញ្ជួយដីទាំងនេះមានកម្រិតស្រាលៗ ពី១.៧ រ៉ិចទ័រ ដល់ ៣.៨ រិចទ័រ ដែលមានជម្រៅពី ៣ ទៅ១០គីឡូម៉ែត្រ ហើយចំណុចកណ្តាលស្ថិតនៅចម្ងាយពី ៣៥៣ ម៉ែត្រទៅ ៤០គីឡូម៉ែត្រទៅភាគឦសាននៃខេត្ត Mae Hong Son ។
នៅប្រទេសថៃ ក៏មានការរញ្ជួយដីកម្រិតស្រាល ២.១ រ៉ិចទ័រត្រូវបានកត់ត្រានៅម៉ោងប្រហែល៧ព្រឹកនៅស្រុក Pai នៃខេត្ត Mae Hong Son ក្នុងជម្រៅ១គីឡូម៉ែត្រផងដែរ។
នាយកដ្ឋានឧតុនិយមថៃក៏កំពុងតាមដានស្ថានការណ៍យ៉ាងដិតដល់ និងបានជំរុញឱ្យសាធារណជននៅតំបន់ដែលរងផលប៉ះពាល់តាមដានព័ត៌មានថ្មីៗពីភ្នាក់ងាររដ្ឋាភិបាល។

គួរបញ្ជាក់ថា ប្រទេសថៃនិងប្រទេសមីយ៉ាន់ម៉ាបានរងគ្រោះរញ្ជួយដីដ៏សាហាវកម្រិត៧.៧រ៉ិចទ័រកាលពីសុក្រទី២៨ខែមីនា ដែលបានធ្វើឲ្យអគារកំពុងសាងសង់កម្ពស់៣៣ជាន់នៅប្រទេសថៃដួលរលំសម្លាប់មនុស្សជាង៣០នាក់ និងអគារខ្ពស់ៗជាច្រើននៅបាងកករងការខូចខាត។
ចំណែកយោងតាមសមាគមសំឡេងប្រជាធិបតេយ្យភូមា (DVB) គិតត្រឹមព្រឹកថ្ងៃសៅរ៍ទី៥ខែមេសាឆ្នាំ២០២៥ តួលេខមនុស្សស្លាប់នៅប្រទេសមីយ៉ាន់ម៉ាបានកើនឡើងដល់ជិត៤ពាន់នាក់ហើយ៕



អត្ថបទ៖ ប៊ុន សុភាព

-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ ថ្ងៃ ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ