ព័ត៌មានអន្ដរជាតិ
ផ្ទះប្រជាជន១៧ខ្នងឆេះហ្មត់ក្នុងការប្រយុទ្ធគ្នានៅមីយ៉ាន់ម៉ា
កងកម្លាំងរបបសឹកមីយ៉ាន់ម៉ាបានបាញ់ផ្លោងទៅលើភូមិមួយនៅជិត Myitche ក្នុងតំបន់ទីប្រជុំជន Pakokku របស់ទីក្រុង Magwe កាលពីយប់ថ្ងៃសៅរ៍ដោយបានដុតបំផ្លាញផ្ទះប្រមាណ១៧ខ្នង និងបង្ខំអ្នកស្រុកជាច្រើនឱ្យភៀសខ្លួន។ នេះបើយោងតាមការចេញផ្សាយរបស់ The Irrawaddy នៅថ្ងៃទី០៧ខែមេសានេះ។
កងកម្លាំងរបបយោធាដែលមានមូលដ្ឋាននៅ Myitch បានបាញ់ផ្លោងទៅលើភូមិ Nyaung Hla បណ្តាលឲ្យឆេះផ្ទះប្រជាពលរដ្ឋជាច្រើនក្នុងភូមិនិងជម្លៀសប្រជាជនចេញ ដែលស្តិតនៅច្រាំងខាងលិចនៃទន្លេ Irrawaddy ជិតតំបន់បុរាណដ្ឋាន «Bagan» ដែលត្រូវបានចុះបញ្ជីជាប្រវត្តិសាស្ត្ររបស់អង្គការយូណេស្កូ។
ទោះបីជាមានការប្រកាសបទឈប់បាញ់ បន្ទាប់ពីគ្រោះមហន្តរាយរញ្ជួយដីនាពេលថ្មីៗនេះក៏ដោយ កងកម្លាំងរបបយោធាមីយ៉ាន់ម៉ាបានបន្តការទម្លាក់គ្រាប់បែកតាមអាកាស ការបាញ់ផ្លោង និងការវាយលុកលើដីនៅទូទាំងប្រទេស ខណៈបទឈប់បាញ់របស់របបយោធាត្រូវបានគេសន្មត់ថានឹងចូលជាធរមានរហូតដល់ថ្ងៃទី២២ខែមេសា។
ចំណែកកងកម្លាំងសម្ព័ន្ធភាតរភាព (បងប្អូន)ទាំង៣ រួមមានសម្ព័ន្ធភាពរវាងកងទ័ពអារ៉ាកាន កងទ័ពសម្ព័ន្ធប្រជាធិបតេយ្យជាតិមីយ៉ានម៉ា និងកងទ័ពរំដោះជាតិតាអង (Ta’ang) ដែលប្រឆាំងរបបយោធាបានប្រកាសបទឈប់បាញ់ឯកតោភាគីរយៈពេលមួយខែសម្រាប់ការសង្គ្រោះគ្រោះរញ្ជួយដីផងដែរ។
គួរបញ្ជាក់ថាក្រោយរងគ្រោះរញ្ជួយដីដ៏ធ្ងន់ធ្ងរ អន្តរជាតិបានអំពាវនាវឲ្យមានបទឈប់បាញ់ជាពិសេសប្រទេសចិនដើម្បីឲ្យក្រុមជំនួយនាំជំនួយមនុស្សធម៌ចូលទៅកាន់តំបន់រងគ្រោះបាន។ ហើយទោះបីទាំងក្រុមប្រដាប់អាវុធនិងរបបយោធាបានប្រកាសបទឈប់បាញ់រៀងខ្លួន តែគេនៅតែឃើញមានការវាយប្រហាររបស់របបយោធាជារឿយក្រោយការប្រកាសនេះ។
ចាប់តាំងការធ្វើរដ្ឋប្រហាររបស់លោក មីន អ៊ុងឡាំង នៅក្នុងឆ្នាំ២០២១ ប្រទេសនេះបានធ្លាក់ចូលទៅក្នុងសង្គ្រាមស៊ីវិល រវាងរបបយោធានិងក្រុមប្រដាប់អាវុធដែលនៅតែបន្តការវាយប្រហារគ្នាមកដល់ពេលនេះ។
សូមបញ្ជាក់ថាប្រទេសមីយ៉ាន់ម៉ាបានទទួលរងនូងគ្រោះរញ្ជួយដីដ៏ធ្ងន់ធ្ងរកម្រិត៧.៧កាលពីសុក្រទី២៨ខែមីនា បណ្ដាលឲ្យមានការបាក់រលំបំផ្លាញហេដ្ឋារចនាសម្ព័ន្ធយ៉ាងធ្ងន់ធ្ងរជាពិសេសនៅទីក្រុង Mandalay ដែលជាចំណុចកណ្ដាលនៃការរញ្ជួយដី។ យោងតាមសមាគមសំឡេងប្រជាធិបតេយ្យភូមា (DVB) គិតត្រឹមថ្ងៃទី៦ខែមេសា ចំនួនអ្នកស្លាប់ដោយសារតែគ្រោះរញ្ជួយដីដ៏ខ្លាំងកាលពីសប្ដាហ៍មុននេះ បានកើនឡើងដល់ ៤ ១៧៣នាក់ ហើយមាន អ្នករងរបួស៦១៦៨នាក់ ខណៈមនុស្ស ៧៦៩នាក់កំពុងបាត់ខ្លួន៕
អត្ថបទ៖ ប៊ុន សុភាព
ផ្ទះប្រជាជន១៧ខ្នងឆេះហ្មត់ក្នុងការប្រយុទ្ធគ្នានៅមីយ៉ាន់ម៉ា
កម្ពុជា-អឺរ៉ុប ជួបគ្នាលើកទី២ ដោះស្រាយបញ្ហាប្រឈមរបស់វិនិយោគិនអឺរ៉ុបកំពុងធ្វើជំនួញនៅកម្ពុជា
ស្រ្តីជនជាតិដើមភាគតិច ស្ម័គ្រធ្វើប្រជាការពារដើម្បីរក្សាសសន្តិសុខក្នុងឱកាសចូលឆ្នាំខ្មែរ
លោក ត្រាំ ស្វាគមន៍នាយករដ្ឋមន្ត្រីអ៊ីស្រាអែល ខណៈយោធាអ៊ីស្រាអែលវាយប្រហារយ៉ាងសន្ធាប់
រដ្ឋបាលខេត្តរតនគិរី អំពាវនាវឱ្យពលរដ្ឋលេងល្បែងប្រជាប្រិយខ្មែរឱ្យបានផុសផុលក្នុងឱកាសសង្ក្រាន្តឆ្នាំថ្មី
-
សន្តិសុខសង្គម១ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៩ ម៉ោង agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម២ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានអន្ដរជាតិ២ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៦ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៤ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៥ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ