ព័ត៌មានអន្ដរជាតិ

ការសិក្សា ៖ អ្នកចាក់វ៉ាក់សាំងកូវីដ មិនមានផលប៉ះពាល់ចំពោះការមានកូនឡើយ

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

ការចាក់វ៉ាក់សាំងគឺជាជំហានឆ្ពោះទៅមុខក្នុងការប្រយុទ្ធប្រឆាំងនឹងជំងឺកូវីដ ប៉ុន្តែវាបង្កការលំបាកសម្រាប់ក្រុមមនុស្សមួយចំនួន។ ស្ត្រីខ្លះដែលមានអាយុអាចបង្កើតកូន មានក្ដីបារម្ភថាវ៉ាក់សាំងអាចប៉ះពាល់ដល់ការមានកូនរបស់ពួកគេ បន្ទាប់ពីមានព័ត៌មានមិនត្រឹមត្រូវមួយចំនួននៅលើប្រព័ន្ធផ្សព្វផ្សាយតាមបណ្ដាញសង្គម។

កាលពីខែវិច្ឆិការឿងរ៉ាវតាមអ៊ិនធរណេតមួយបានអះអាងថា បុរសម្នាក់ឈ្មោះ Michael Yeadon ធ្វើការឲ្យ Pfizer ចន្លោះឆ្នាំ ២០០៦ និង ២០១១ ប៉ុន្តែមិនមែននៅក្នុងការអភិវឌ្ឍវ៉ាក់សាំងទេ បានហៅវ៉ាក់សាំង Pfizer ថាជា “ការក្រៀវស្ត្រី“ ។

លោកស្រី Alice Lu-Culligan ជានិស្សិត MD-PhD នៃសាលាវេជ្ជសាស្ត្រ Yale គឺជាផ្នែកមួយនៃក្រុមស្រាវជ្រាវដែលបានវិភាគអង្គបដិប្រាណក្នុងគំរូឈាមពីស្ត្រីដែលមានជំងឺកូវីដបានបញ្ជាក់ថា “ ទ្រឹស្ដីទូទៅដែលថាមូលហេតុនៃការចាក់វ៉ាក់សាំងនឹងរំខានដល់ការមានកូន គឺថាអង្គបដិប្រាណចំពោះវីរុសនឹងវាយប្រហារសុក ជាពិសេសគឺប្រូតេអ៊ីននៅក្នុងសុក។ យើងបានស្វែងរកប្រតិកម្មនេះហើយ គ្មានភស្តុតាងឬរបាយការណ៍ណាបង្ហាញថា អ្នកចាក់វ៉ាក់សាំងហើយមិនមានកូននោះទេ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបន្ថែមថា“ ពួកគេរាប់បញ្ចូលទាំងស្ត្រីដែលបានចាក់វ៉ាក់សាំងមានផ្ទៃពោះ នៅពេលចូលរួមក្នុងការសាកល្បងការព្យាបាល។ ប៉ុន្តែវាមិនទំនងដែលថា វ៉ាក់សាំងតំណាងឲ្យផ្នែកតូចនៃវីរុស ធ្វើឲ្យប៉ះពាល់ឬចុះខ្សោយដល់ការមានកូននោះទេ។ ផ្ទុយទៅវិញលោកស្រីព្រមានថា ការព្រួយបារម្ភដ៏ធំបំផុតនោះគឺ ស្ត្រីកំពុងរងគ្រោះដោយការភ័យខ្លាច ការថប់បារម្ភនិងស្ត្រេសដែលមិនមានជំនឿលើការចាក់វ៉ាក់សាំងទៅវិញ។

លោកស្រីបន្ថែមចុងក្រោយថា “ខ្ញុំជឿជាក់យ៉ាងមុតមាំថា ស្ត្រីដែលកំពុងព្យាយាមមានផ្ទៃពោះឬអាចមានផ្ទៃពោះនាពេលអនាគត គួរតែចាក់វ៉ាក់សាំងមុនពេលមានផ្ទៃពោះ ប្រសិនបើអាចធ្វើទៅបាន ដើម្បីសុខភាពនិងសុវត្ថិភាពដែលកំពុងលូតលាស់” ៕

ប្រែសម្រួល៖ សាង ស្រីល័ក្ខ

ប្រភព៖verywellfamily

ចុចអាន៖ស្ត្រីកំពុងពពោះ បើកើតកូវីដ១៩ អាចចម្លងទៅកូនដែរអត់?

ចុចអាន៖វ៉ាក់សាំងសំខាន់ តើផលអាក្រក់អ្វីខ្លះនៅពីក្រោយ ដឹងអត់?

Related Topics:វ៉ាក់សាំងកូវីដ-១៩