លោក Biden សន្យាចាត់វិធានការភ្លាមៗលើកូវីដ១៩និងអំពានាវដល់ជនជាតិអាមេរិក “កុំយកកំហឹងដាក់មុខ”

ក្នុងការថ្លែងសុន្ទរកថា លោក Biden បានងាកទៅរកបញ្ហាជំងឺកូវីដ១៩ស្របពេលសហរដ្ឋអាមេរិកកំពុងប្រឈមនឹងការផ្ទុះឡើងដោយគ្មានការថមថយនៅទូទាំងប្រទេស។

លោកសន្យាថានឹងចាត់វិធានការលើវីរុសនេះនៅថ្ងៃទីមួយនៃការកាន់តំណែងជាប្រធានាធិបតីរបស់លោកខណៈករណីឆ្លងកាន់តែកើនឡើងច្រើនទៅៗ។

ចំនួនករណីប្រចាំថ្ងៃបានកើនលើស១០០,០០០ករណី ៣ថ្ងៃជាប់ៗគ្នាដែលវាបានបង្កើតជាកំណត់ត្រាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ងាកទៅរកបញ្ហាមួយទៀត ដោយទទួលស្គាល់ការបែកបាក់គ្នាយ៉ាងជ្រាលជ្រៅនៅក្នុងប្រទេសចំពេលមានភាពវឹកវរដែលបណ្តាលមកពីជំងឺឆ្លងនេះ ការរំខានផ្នែកសេដ្ឋកិច្ចនិងយុទ្ធនាការដ៏លំបាក លោក Biden បាននិយាយថា “ភាពតានតឹងមានកម្រិតខ្ពស់បន្ទាប់ពីការបោះឆ្នោតដ៏ស្វិតស្វាញ”។

ទោះបីជាយ៉ាងណាក៏ដោយ លោកបានអំពាវនាវឲ្យជនជាតិអាមេរិកកុំយកកំហឹងនិងបិសាចដាក់មុខ។ លោកនិយាយថា “យើងមានបញ្ហាធ្ងន់ធ្ងរ យើងមិនត្រូវខ្ជះខ្ជាយពេលវេលាលើសង្គ្រាមស៊ីវិលទេ។ យើងអាចជាគូប្រជែងប៉ុន្តែយើងមិនមែនជាសត្រូវនឹងគ្នាឡើយ”។

លោកបានអំពាវនាវឲ្យមានសាមគ្គីភាពនិងបាននិយាយថា លោកនឹងដឹកនាំសម្រាប់ជនជាតិអាមេរិកទាំងអស់៕

ប្រែសម្រួលដោយ៖ Vann Vann

ប្រភព៖ BBC