ព័ត៌មានអន្ដរជាតិ
អ៊ីរ៉ង់យល់ព្រមធ្វើកិច្ចព្រមព្រៀងនុយក្លេអ៊ែរ ទាល់តែអាមេរិកឈប់ធ្វើរឿងមួយនេះសិន
អ៊ីរ៉ង់ បានបង្ហាញការត្រៀមខ្លួនក្នុងការចូលរួមក្នុងកិច្ចព្រមព្រៀងនុយក្លេអ៊ែរថ្មីជាមួយសហរដ្ឋអាមេរិក តែតម្រូវឲ្យរដ្ឋាភិបាលក្រុងវ៉ាស៊ីនតោនបញ្ឈប់ការគំរាមកំហែងខាងយោធារបស់ខ្លួនជាមុនសិន។
យោងតាមការចុះផ្សាយរបស់ BBC នៅថ្ងៃទី៩ខែមេសានេះ រដ្ឋមន្ត្រីការបរទេសអ៊ីរ៉ង់លោក Abbas Araghchi បានប្រកាសផែនការសម្រាប់ការចរចាដោយប្រយោលជាមួយបេសកជនអាមេរិកលោក Steve Witkoff នៅក្នុងប្រទេសអូម៉ង់ ដោយសង្កត់ធ្ងន់ថា កិច្ចពិភាក្សាទាំងនេះនឹងត្រូវបានសម្របសម្រួលតាមរយៈអន្តរការី ទោះបីជាប្រធានាធិបតី ដូណាល់ ត្រាំ អះអាងពីការពិភាក្សាដោយផ្ទាល់ក៏ដោយ។
លោក Araghchi បាននិយាយថា ប្រធានាធិបតីអាមេរិកត្រូវតែធានាថាគ្មានការគាបសង្កត់ខាងយោធា ដោយបញ្ជាក់ច្បាស់ៗថា អ៊ីរ៉ង់នឹងមិនទទួលយកការបង្ខិតបង្ខំជាដាច់ខាត។
មន្ត្រីអ៊ីរ៉ង់បានសម្តែងការសង្ស័យទាក់ទងនឹងចេតនារបស់អាមេរិក និងព្រួយបារម្ភថា អាមេរិកមានបំណងកាត់បន្ថយឥទ្ធិពលក្នុងតំបន់របស់អ៊ីរ៉ង់។ ពួកគេក៏បានព្រមានប្រទេសជិតខាងប្រឆាំងនឹងការសម្របសម្រួលសកម្មភាពយោធាដ៏មានសក្ដានុពលរបស់អាមេរិកផងដែរ ដូចជា អ៊ីរ៉ាក់ គុយវ៉ែត អេមីរ៉ាតអារ៉ាប់រួម កាតា តួកគី និងបារ៉ែន ដោយលើកឡើងថា ការគាំទ្រណាមួយសម្រាប់ការវាយប្រហារយោធាអាមេរិកលើអ៊ីរ៉ង់ រួមទាំងការអនុញ្ញាតឲ្យប្រើប្រាស់ដែនអាកាស ឬទឹកដីរបស់ពួកគេ នឹងត្រូវបានចាត់ទុកថាជាអំពើអរិភាព ហើយនឹងត្រូវរងការសងសឹកយ៉ាងធ្ងន់ធ្ងរពីទីក្រុងតេហេរ៉ង់។
សហរដ្ឋអាមេរិកបានកំណត់ពេលវេលារយៈពេលពីរខែសម្រាប់ការចរចារទាំងនេះ ដោយលោក ត្រាំ បានគំរាមកំហែងខ្លាំងៗដាក់អ៊ីរ៉ង់ ប្រសិនបើកិច្ចព្រមព្រៀងធ្វើឡើងមិនបានសម្រេច។ អ៊ីរ៉ង់បានច្រានចោលការគំរាមកំហែងទាំងនេះថាជា «យុទ្ធសាស្ត្រសម្លុត» ដោយអះអាងថា វិធីសាស្ត្របែបនេះនឹងមិនផ្តល់លទ្ធផលវិជ្ជមានឡើយ។
កន្លងមក អ៊ីរ៉ង់ទទូចថា សកម្មភាពនុយក្លេអ៊ែររបស់ខ្លួនមានលក្ខណៈសន្តិភាពទាំងស្រុង ហើយខ្លួននឹងមិនស្វែងរកការអភិវឌ្ឍ ឬទទួលបានអាវុធនុយក្លេអ៊ែរទេ។
សូមរឭកថា អាមេរិក និងអ៊ីរ៉ង់ធ្លាប់ធ្វើកិច្ចព្រមព្រៀងនុយក្លេអ៊ែរអន្តរជាតិកាលពីឆ្នាំ២០១៥អំឡុងពេលលោក Barack Obama ធ្វើជាប្រធានាធិបតីអាមេរិក ដែលបានរឹតបន្តឹងកម្មវិធីនុយក្លេអ៊ែររបស់អ៊ីរ៉ង់ជាថ្នូរនឹងការដកទណ្ឌកម្ម។ យ៉ាងណា ក្រោយជាប់ឆ្នោតអាណត្តិដំបូង លោក ត្រាំ បានដកសហរដ្ឋអាមេរិកជាឯកតោភាគីចេញពីកិច្ចព្រមព្រៀងវិញក្នុងឆ្នាំ២០១៨។
ចាប់តាំងពីពេលនោះមក ក្រុងតេហេរ៉ង់ក៏បានឈប់គោរពតាមលក្ខខណ្ឌនៃកិច្ចព្រមព្រៀងនុយក្លេអ៊ែរ៕
ដោយយ៖ ឈាង
ចុចអាន៖ ត្រាំ៖ អាមេរិកនឹងរៀបចំប្រជុំជាមួយអ៊ីរ៉ង់សប្ដាហ៍នេះ ហើយបើបរាជ័យ អ៊ីរ៉ង់នឹងជួបគ្រោះធំ
អ៊ីរ៉ង់យល់ព្រមធ្វើកិច្ចព្រមព្រៀងនុយក្លេអ៊ែរ ទាល់តែអាមេរិកឈប់ធ្វើរឿងមួយនេះសិន
លោក ពេជ្រ សុផាន់៖ សម្បត្តិ អេ យ៉ានុត ទម្ងន់មិនសូវចោទទេ រឿង សោភ័ណ្ឌ ធន់ រិទ្ធី ពិបាកបន្តិច
កម្ពុជាបានក្លាយជាសមាជិកប្រព័ន្ធទូទាត់សងប្រាក់ក្នុងតំបន់
ធ្លាយថា រឿង «Snow White» បញ្ចេញឧស្ម័នកាបូនច្រើនជាងភាពយន្ត «Fast & Furious»
លន បញ្ញា សម្រេចបានសមិទ្ធផលធំ៦ក្នុងអាជីពប្រដាល់ដ៏ជោគជ័យ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
ស្លាប់មនុស្ស៦៦នាក់ និងរបួសជាង១៦០នាក់ ក្នុងហេតុការណ៍បាក់ដំបូលក្លឹបរាត្រី នៅប្រទេស ដូមីនីក
អ្នកបង្កើតមាតិកាក្នុងស្រុកចាប់ផ្តើមបង្កើតការបង្ហោះអំពីលំហអាកាសដែលកំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រ
-
សន្តិសុខសង្គម៣ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ២ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៤ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម១ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ