ព័ត៌មានអន្ដរជាតិ

ក្រោយតវ៉ាស្ងប់ស្ងាត់ អ្នកតវ៉ាមីយ៉ាន់ម៉ាបន្តចេញមុខ កម្លាំងសន្តិសុខបង្ក្រាបដោយហិង្សាសម្លាប់ទៀតហើយ

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

មនុស្សពីរនាក់ត្រូវបានសម្លាប់ និងជាច្រើនាក់បានរបួសនៅទីតាំង៤កន្លែងផ្សេងគ្នាចាប់ពីយប់ថ្ងៃពុធ ឈានដល់ព្រឹកថ្ងៃព្រហស្បតិ៍នេះ ខណៈកម្លាំងសន្តិសុខមីយ៉ាន់ម៉ានៅតែបន្តបង្ក្រាបដោយហិង្សាដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅយប់ថ្ងៃអង្គារ ប៉ូលិស និងទាហានបានបាញ់រះមិនរើសមុខនៅពេលពួកគេបានវាយឆ្មក់ទៅតំបន់ Aung Pin Lae ក្នុងទីប្រជុំជន Chanmythazi ទីក្រុងម៉ាន់ដាឡាយ។ ក្នុងបាញ់ប្រហារនោះក្មេងប្រុសអាយុ១៦ឆ្នាំត្រូវបានបាញ់សម្លាប់ និងមនុស្ស៣នាក់បានរបួស នៅពេលយោធាបានចាប់ផ្តើមបាញ់ បន្ទាប់ពីការតវ៉ាស្ងប់ស្ងាត់នៅពេលថ្ងៃ។

ក្រុមសប្បុរសធម៌មួយនៅទីក្រុងម៉ាន់ដាឡាយបានប្រាប់ព័ត៌មានក្នុងស្រុកថា ខ្លួនបានមិនអាចយកសព ឬជួយអ្នករបួសបានទេ ពីព្រោះកម្លាំងប៉ូលិស និងទាហានបានបើកការបាញ់រះទៅលើរថយន្តសង្គ្រោះបន្ទាន់កាលពីយប់ថ្ងៃអង្គារ។

ចាប់តាំងពីការប្រឈមមុខដាក់គ្នានៅតំបន់រវាងកម្លាំងសន្តិសុខរបស់របបយោធា និងអ្នកប្រជាធិបតេយ្យនៅថ្ងៃទី២១ ខែមីនាមក ប៉ូលិស និងទាហានបានបើកការវាយឆ្មក់ជាស៊េរីដែលបណ្តាលឲ្យស្លាប់ដែលមានគោលដៅមិនត្រឹមតែលើអ្នកតវ៉ាប៉ុណ្ណោះទេ ប៉ុន្តែសូម្បីអ្នកឈរមើល អ្នកស្រុកដែលមិនបានតវ៉ាក៏ជាគោលដៅរបស់ពួកគេដែរនៅតំបន់ Aung Pin Lae, Aung Tharyar និង Mya Yi Nandar។

ការវាយឆ្មក់បានឆកយកជីវិតមនុស្សជាង២០នាក់ក្នុងនោះមានទាំងក្មេង៣នាក់ដែលមានអាយុ៧ឆ្នាំ ១៥ឆ្នាំ និង១៦ឆ្នាំ។

ទន្ទឹមនេះដែរ នៅតំបន់ Kaukpadaung ក្នុងទីក្រុងម៉ាន់ដាឡាយ បុរសអាយុ២៣ឆ្នាំត្រូវបានបាញ់ស្លាប់ និងមនុស្ស៣នាក់របួសវេលាម៉ោង៩យប់ថ្ងៃអង្គារ។

នៅព្រឹកថ្ងៃព្រហស្បតិ៍នេះ មនុស្សជាច្រើននាក់បានរបួសនៅពេលកម្លាំងសន្តិសុខបើកការបាញ់ទៅលើអ្នកតវ៉ានៅតំបន់ Taunggyi ក្នុងរដ្ឋ Shan State និងតំបន់ Hpa-an ក្នុងរដ្ឋ Karen State។

បើទោះជាការបង្ក្រាបបណ្តាលឲ្យស្លាប់បែបណាក្តី មនុស្សរាប់ពាន់ទូទាំងប្រទេសមីយ៉ាន់ម៉ានៅតែបន្តចេញតវ៉ាតាមផ្លូវទាំងយប់-ថ្ងៃដើម្បីបង្ហាញពីការប្រឆាំងនឹងការគ្រប់គ្រងដោយធា។