ព័ត៌មានអន្ដរជាតិ
កូរ៉េខាងជើង ទទួលបាន ២០ពាន់លានដុល្លារពីការជួយរុស្ស៊ីច្បាំងនៅអ៊ុយក្រែន
យោងតាមរបាយការណ៍របស់វិទ្យាស្ថាន Korea Institute for Defense Analyzes (KIDA) ប្រទេសកូរ៉េខាងជើងរកចំណូលបាន២០ពាន់លានដុល្លារ តាមរយៈការផ្តល់ជំនួយផ្នែកយោធាដល់រុស្ស៊ីក្នុងសង្គ្រាមប្រឆាំងនឹងអ៊ុយក្រែន។
លំហូរនៃប្រាក់ចំណូល និងការចូលរួមចំណែកសំខាន់ៗ មានដូចជា៖
- ការផ្គត់ផ្គង់អាវុធ៖ ប្រាក់ចំណូលភាគច្រើនរបស់កូរ៉េខាងជើងប្រហែល ១៩,២ពាន់លានដុល្លារ បានមកពីការផ្គត់ផ្គង់គ្រាប់រំសេវដល់រុស្ស៊ី។ នៅចន្លោះខែសីហាឆ្នាំ២០២៣ ដល់ខែមីនាឆ្នាំ២០២៥ កូរ៉េខាងជើងតាមសេចក្តីរាយការណ៍បានដឹកជញ្ជូនអាវុធជាង ១៥ ៨០០កុងតឺន័រទៅឲ្យរុស្ស៊ី ដែលមានដូចជា កាំភ្លើងធំ គ្រាប់រ៉ុកកែត និងមីស៊ីលបាលិស្ទិក។
- ការដាក់ពង្រាយទ័ព៖ កូរ៉េខាងជើង បានដាក់ពង្រាយទាហានប្រហែល ១១ ០០០នាក់ ដើម្បីគាំទ្រសង្គ្រាមរបស់រុស្ស៊ី ជាចម្បងនៅក្នុងតំបន់ Kursk។ ការដាក់ពង្រាយនេះបានបង្កើតប្រាក់ចំណូលប្រមាណ ២៨០លានដុល្លារ សម្រាប់ទីក្រុងព្យុងយ៉ាង។
- ការផ្ទេរបច្ចេកវិទ្យា៖ កូរ៉េខាងជើងក៏ទទួលបានអត្ថប្រយោជន៍ពីការផ្ទេរបច្ចេកវិទ្យាដែលមានតម្លៃប្រហែល ៦៣០លានដុល្លារផងដែរ។
សម្ព័ន្ធភាពយោធាកាន់តែស៊ីជម្រៅរវាងប្រជាជាតិទាំងពីរ បានបង្កើនការព្រួយបារម្ភក្នុងតំបន់កាន់តែខ្លាំង ដោយ KIDA ព្រមានថា កិច្ចសហប្រតិបត្តិការជិតស្និទ្ធនេះអាចនាំឲ្យក្រុងមូស្គូធ្វើអន្តរាគមន៍នៅឧបទ្វីបកូរ៉េក្នុងករណីមានវិបត្តិ។
KIDA បានលើកឡើងថា៖ «កិច្ចសហប្រតិបត្តិការយោធារុស្ស៊ី-កូរ៉េខាងជើងបង្កើនឱកាសនៃប្រទេសរុស្ស៊ីក្នុងការឈានជើងចូលឧបទ្វីបកូរ៉េ ប្រសិនបើមានគ្រាអាសន្ន» ដោយជំរុញឲ្យសហគមន៍អន្តរជាតិអនុម័តវិធានការដើម្បីបំបែកសម្ព័ន្ធភាពដ៏ល្អូកល្អឺនមួយនេះ។
ប្រធានាធិបតីរុស្ស៊ី លោក វ្ល៉ាឌីមៀរ ពូទីន ធ្លាប់បានពណ៌នាកូរ៉េខាងជើងថាជា «ដៃគូ» របស់ក្រុងមូស្គូ ដោយបញ្ជាក់ថា សន្ធិសញ្ញាការពារគ្នាទៅវិញទៅមកដែលបានចុះហត្ថលេខានៅឆ្នាំ២០២៤ ឥឡូវនេះចូលជាធរមានហើយ។ លោកក៏បានស្នើដែរថា ទីក្រុងព្យុងយ៉ាងអាចត្រូវបញ្ចូលក្នុងកិច្ចចរចានាពេលអនាគត ដើម្បីបញ្ចប់សង្គ្រាមនៅអ៊ុយក្រែន៕
ដោយ៖ ឈាង
កូរ៉េខាងជើង ទទួលបាន ២០ពាន់លានដុល្លារពីការជួយរុស្ស៊ីច្បាំងនៅអ៊ុយក្រែន
វៀតណាមបញ្ចូលថាមពលនុយក្លេអ៊ែរ ទៅក្នុងផែនការអគ្គិសនី ១៣៦ ប៊ីលានដុល្លារ
រយៈពេល ៣ថ្ងៃ នៃពិធីបុណ្យចូលឆ្នាំ ខេត្តរតនគិរីមានភ្ញៀវទេសចរជាង ១៤ម៉ឺននាក់ កើនឡើងជាងឆ្នាំកន្លងទៅ
ចូ បៃដិន ចេញមុខបន្ទោសអ្នកគាំទ្រ ដូណាល់ ត្រាំ ថា ជា «មនុស្សគ្មានបេះដូង»
តម្លៃប្រេងកើនឡើង ជំរុញដោយទណ្ឌកម្មថ្មីលើអ៊ីរ៉ង់
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
សង្ក្រាន្ត៥ថ្ងៃនៅថៃ គ្រោះថ្នាក់ចរាចរណ៍ សម្លាប់មនុស្ស ១៧១នាក់
សហរដ្ឋអាមេរិក ដំឡើងពន្ធលើចិនដល់ ២៤៥ ភាគរយ
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានជាតិ៤ ថ្ងៃ agoលោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
ព័ត៌មានជាតិ៧ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
សន្តិសុខសង្គម១ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៧ ថ្ងៃ agoផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង
-
សន្តិសុខសង្គម៣ ថ្ងៃ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៦ ថ្ងៃ agoឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ៣ ថ្ងៃ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ១ សប្តាហ៍ agoត្រាំ បញ្ជាឲ្យមនុស្សជិត ១លាននាក់ ចេញពីអាមេរិក ជាបន្ទាន់