បាក់ដីនៅ ឥណ្ឌូនេស៊ី ស្លាប់មនុស្ស១១នាក់

ប្រធានអង្គភាពគ្រាអាសន្ននៃទីភ្នាក់ងារគ្រប់គ្រងគ្រោះមហន្តរាយខេត្តបានប្រាប់ Xinhua នៅថ្ងៃព្រហស្បតិ៍នេះថា ការរអិលបាក់ដីបានវាយប្រហារអណ្តូងរ៉ែធ្យូងថ្មមួយនៅក្នុងខេត្ត South Sumatra ភាគខាងត្បូងប្រទេសឥណ្ឌូនេស៊ីដោយបានសម្លាប់កម្មករចំនួន១១នាក់។

ទោះបីជាយ៉ាងណាក៏ដោយ ភ្លាមៗនេះគេមិនទាន់ទទួលបានព័ត៌មានលម្អិតអំពីហេតុការណ៍នេះនៅឡើយទេ។

ប្រទេសឥណ្ឌូនេស៊ី ជាញឹកញាប់ទទួលរងនូវគ្រោះទឹកជំនន់និងការបាក់ដីជាពិសេសនៅរដូវវស្សាបើទោះបីជាស្ថានភាពនេះកាន់តែអាក្រក់ទៅៗដោយសារតែការកាប់ព្រៃឈើក៏ដោយ។

នៅក្នុងខែមករា ទឹកជំនន់បានសម្លាប់មនុស្សចំនួន៦៦នាក់នៅក្នុងរដ្ឋធានី ហ្សាការតា ចំពេលមានភ្លៀងធ្លាក់ខ្លាំងបំផុតចាប់តាំងពីកំណត់ត្រាបានចាប់ផ្តើម៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ បាក់ដីជាប់ៗគ្នាលាន់ដូចផ្ទុះគ្រាប់បែក សង្កត់បន្ទាយទាហានវៀតណាម ស្លាប់១១នាក់ខណៈ១១នាក់ទៀតបាត់ខ្លួន

ចុចអាន៖ ថៃជួបព្យុះទី២ក្នុងរយៈពេលត្រឹមកន្លះខែ