ព័ត៌មានអន្ដរជាតិ
សង្គ្រាមនៅមីយ៉ាន់ម៉ាគ្មានសា្រកសា្រន្តឡើយ សូម្បីមានសុពលភាពនៃបទឈប់បាញ់
ទោះបីមានបទឈប់បាញ់ត្រូវបានប្រកាសឡើងជាឯកតោភាគីទាំងក្រុមរបបយោធាគ្រប់គ្រងប្រទេសរហូតដល់ថ្ងៃទី២២ខែមេសា ប៉ុន្តែមានសេចក្តីរាយការណ៍ដែលថា របបយោធានៅតែបន្តការវាយប្រហារសម្លាប់មនុស្សឥតឈប់ឈរហើយកាលពីថ្ងៃទី១៩មេសា ដោយបានសម្លាប់មនុស្ស១៣នាក់បន្ថែមទៀត។ នេះបើយោងតាមការចេញផ្សាយរបស់សារព័ត៌មាន The Irrawaddy កាលពីថ្ងៃទី២០ខែមេសានេះ។
យោងតាមកងកម្លាំងការពារប្រជាជនក្នុងតំបន់ របបយោធាបានធ្វើការវាយប្រហារទៅលើភូមិ Yay Htwat បណ្តាលឱ្យស្លាប់មនុស្ស១៣នាក់ រួមទាំងកុមារពីរនាក់ ក្នុងងទីប្រជុំជន Thabeikkyin នៃទីក្រុង Mandalay ជាទីក្រុងដែលរងផលប៉ះពាល់ដោយសារគ្រោះរញ្ជួយដីខ្លាំងគេ។
ការវាយប្រហារនៅតែបន្តកើតឡើងបើទោះបីជាបទឈប់បាញ់ដែលប្រកាសដោយយោធាបានដាក់ឱសានវាទរហូតដល់ថ្ងៃទី ២២ ខែមេសា បន្ទាប់ពីការរញ្ជួយដីដ៏សាហាវកាលពីថ្ងៃទី ២៨ខែមីនា ដែលបានសម្លាប់មនុស្ស៥៣៥២នាក់ បើយោងតាម Mizzima News។
លើសពីនេះ កាលពីក្នុងរយៈពេលបួនថ្ងៃនៃពិធីបុណ្យ Thingyan ឬបុណ្យចូលឆ្នាំថ្មីប្រពៃណីមីយ៉ាន់ម៉ា របបយោធាមីយ៉ាន់ម៉ា បានបង្កើនការវាយប្រហារតាមអាកាសយ៉ាងតិច២៦លើកទៅលើគោលដៅជនស៊ីវិល។ ក្រសួងសិទ្ធិមនុស្សរបស់រដ្ឋាភិបាលរួបរួមជាតិ (NUG) ដែលប្រឆាំងរបបយោធា បានឲ្យដឹងថា របបនេះបានវាយប្រហារដោយគ្រាប់ផ្លោងចំនួន៩២ លើកនិងការវាយប្រហារតាមអាកាសនៅទូទាំង១២តំបន់ និងរដ្ឋចំនួន១៥ របស់ប្រទេសមីយ៉ាន់ម៉ា ចន្លោះពីថ្ងៃទី ២៨ខែមីនាដល់ថ្ងៃទី ៨ខែមេសា បានសម្លាប់មនុស្ស៧២នាក់ និងរបួស ៩១នាក់។
ដោយសារតែការវាយប្រហារឥតឈប់ឈររបស់ក្រុមយោធានេះ កាលពីថ្ងៃទី១៨ខែមេសា នាយករដ្ឋមន្ត្រីម៉ាឡេស៊ី និងជាប្រធានអាស៊ាន លោក Anwar Ibrahim បានជួបជាមួយប្រមុខរបបយោធាមីយ៉ាន់ម៉ាលោក Min Aung Hlaing នៅទីក្រុងបាងកក ដោយជំរុញឱ្យលោករក្សាបទឈប់បាញ់ និងធានាសុវត្ថិភាពរបស់បុគ្គលិកជំនួយដែលផ្តល់ជំនួយសង្គ្រោះគ្រោះរញ្ជួយដី។ ទោះយ៉ាងណាលទ្ធផលផ្លែផ្កាយ៉ាងណាបន្ទាប់ពីការជួបពិភាក្សានេះ គេនៅមិនទាន់ដឹងនៅឡើយនោះទេ៕
អត្ថបទ៖ ប៊ុន សុភាព
អ្នកវិទ្យាសាស្ត្ររកឃើញពណ៌ថ្មីមិនធ្លាប់មានពីមុនមក
រាជិនីសម្រស់ប្រទេស កូតឌីវ័រ ទាក់ទាញការចាប់អារម្មណ៍ ពីបវរកញ្ញាពិភពលោក
នគរបាលស្រុកសូទ្រនិគម លាងសម្អាតផ្លូវព្រលានយន្តហោះថ្មី ក្រោយមានករណីគ្រោះថ្នាក់ចរាចរណ៍
ការប្រកួតតេក្វាន់ដូ ITF ជើងឯកអាស៊ីអាគ្នេយ៍ ក្រៅពីការប្រកួតនឹងបង្ហាញពីវិស័យទេសចរណ៍នៅកម្ពុជា
អយ្យការអមសាលាដំបូងខេត្តសៀមរាប ផ្ទេរសំណុំរឿងលោក សម្បតិ កុសល ទៅ ACU ចាត់ការវិញ
ស្លុតចិត្ត! ខ្សែការពារ ទេស សម្បត្តិ បានទទួលមរណៈភាព ដោយសារគ្រោះថ្នាក់ចរាចរណ៍
រថយន្តពីរគ្រឿងបុកគ្នានៅផ្លូវព្រលានយន្តហោះសៀមរាបអង្គរ ស្លាប់២នាក់ និងរបួស១៤នាក់
កម្ពុជា គ្រោងដាក់ឱ្យដំណើរការថ្នាំចាក់បង្ការមេរោគអេដស៍ អំឡុងខែឧសភា ខាងមុខនេះ
ឆេះរថយន្តក្រុងនៅថៃ ស្លាប់មនុស្ស៧នាក់ របួស៤០នាក់
សមាជិកណាតូមួយប្រទេស កំពុងភ័យថា រុស្ស៊ី នឹងវាយប្រហារខ្លួន ២-៣ឆ្នាំទៀត
-
សន្តិសុខសង្គម៥ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម១ សប្តាហ៍ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៤ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ១ សប្តាហ៍ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៤ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម១ សប្តាហ៍ agoខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ៤ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានអន្ដរជាតិ២ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក