ព័ត៌មានអន្ដរជាតិ
អតីតប្រធានាធិបតីកូរ៉េខាងត្បូង រងការចោទប្រកាន់ពីបទពុករលួយ
រដ្ឋអាជ្ញាកូរ៉េខាងត្បូង បានចោទប្រកាន់អតីតប្រធានាធិបតីលោក Moon Jae-in ពីបទស៊ីសំណូក ពាក់ព័ន្ធនឹងការទទួលអត្ថប្រយោជន៍ផ្នែកហិរញ្ញវត្ថុខុសច្បាប់នៅក្នុងក្រុមហ៊ុនអាកាសចរណ៍របស់អតីតកូនប្រសាររបស់លោក អំឡុងពេលលោកនៅកាន់តំណែងជាប្រធានាធិបតីចន្លោះពីឆ្នាំ២០១៧ដល់ឆ្នាំ២០២២។
ការិយាល័យរដ្ឋអាជ្ញាទីក្រុង Jeonju បាននិយាយថា អតីតកូនប្រសាររបស់លោក Moon ត្រូវបានតែងតាំងជានាយកប្រតិបត្តិនៅ Thai Eastar Jet ដែលជាក្រុមហ៊ុនអាកាសចរណ៍តម្លៃទាបដែលបង្កើតឡើងដោយអតីតសមាជិកសភាលោក Lee Sang-jik។ ទោះបីជាខ្វះបទពិសោធន៍ក៏ដោយ ក៏អតីតកូនប្រសាររបស់លោក Moon ត្រូវបានគេរាយការណ៍ថាទទួលមុខតំណែងខ្ពស់ជាមួយប្រាក់ឈ្នួលប្រមាណ ២១៧លានវ៉ុន (ប្រហែល ១៥១ ៧០៥ដុល្លារ) សម្រាប់រយៈពេល២ឆ្នាំរាប់ចាប់ពីឆ្នាំ២០១៨ដល់ឆ្នាំ២០២០។ រដ្ឋអាជ្ញាចោទប្រកាន់ថា ប្រាក់ទាំងនេះមិនមែនជាប្រាក់ខែស្របច្បាប់ទេ ប៉ុន្តែជាសំណូកដែលបង្កើតឡើងសម្រាប់លោកប្រធានាធិបតី Moon។
ពាក់ព័ន្ធនឹងករណីនេះ លោក Lee Sang-jik ក៏ត្រូវបានចោទប្រកាន់ពីបទស៊ីសំណូក និងរំលោភលើទំនុកចិត្តផងដែរ។ រដ្ឋអាជ្ញាប្រាប់ថា ការតែងតាំងលោក Lee ជាប្រធានទីភ្នាក់ងារ KOSME (Korea SMEs and Startups Agency) របស់កូរ៉េ អាចត្រូវបានជះឥទ្ធិពលដោយការរៀបចំការងារសម្ងាត់ជាមួយកូនប្រសាររបស់លោក Moon ទោះបីជាមិនមានភស្តុតាងផ្ទាល់ត្រូវបានបង្ហាញដែលភ្ជាប់លោក Moon ទៅនឹងការតែងតាំងរបស់លោក Lee ក៏ដោយ។
ការចោទប្រកាន់នេះចាត់បញ្ចូលឈ្មោះលោក Moon ទៅក្នុងបញ្ជីមេដឹកនាំកូរ៉េខាងត្បូង ដែលបានប្រឈមមុខនឹងផ្លូវច្បាប់បន្ទាប់ពីការផុតពីអាណត្តិរបស់ពួកគេ។ អតីតប្រធានាធិបតីមុនៗ មានដូចជា លោកស្រី Park Geun-hye និងលោក Lee Myung-bak ត្រូវបានកាត់ទោស និងដាក់ពន្ធនាគារក្រោមបទចោទប្រកាន់ពីអំពើពុករលួយ។
រហូតមកដល់ពេលនេះ ទាំងលោក Moon និងតំណាងផ្លូវច្បាប់របស់លោកមិនបានធ្វើអត្ថាធិប្បាយជាសាធារណៈលើការចោទប្រកាន់នោះទេ។ ករណីពុករលួយដែលពាក់ព័ន្ធនឹងអតីតប្រធានាធិបតីរូបនេះ កំពុងក្លាយជាប្រធានបទក្ដៅជាសាធារណៈ នៅមុនការបោះឆ្នោតរើសប្រធានាធិបតីកូរ៉េខាងត្បូងថ្មីនាថ្ងៃទី៣ខែមិថុនាខាងមុខ។ ដោយសារតែបែបនេះហើយ វាទំនងជាមានឥទ្ធិពលលើការជជែកដេញដោលនយោបាយ ការផ្សព្វផ្សាយតាមប្រព័ន្ធបណ្ដាញសង្គម និងមតិសាធារណៈ ក្នុងអំឡុងពេលបោះឆ្នោត៕
ដោយ៖ ឈាង
សេង គីមហាប់ ការចេញទៅតៃវ៉ាន់លើកនេះមានសម្ពាធជាងលើកមុន ប៉ុន្តែសង្ឃឹមខ្ពស់
អតីតប្រធានាធិបតីកូរ៉េខាងត្បូង រងការចោទប្រកាន់ពីបទពុករលួយ
អគ្គមេបញ្ជាការទ័ព ចុះត្រួតពិនិត្យការហ្វឹកហ្វឺនរបស់កងនាវឹកនៅមូលដ្ឋានសមុទ្ររាម
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
ចាប់ពីពេលនេះទៅព្រះសង្ឃអាចស្នើសុំធ្វើអត្តសញ្ញាណបណ្ណបានហើយ
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
សម្តេចតេជោ ហ៊ុន សែន រកឃើញកុមារីលក់ផ្កា គ្រោងនឹងជួបឪពុកម្តាយរបស់កុមារីនៅថ្ងៃទី២៧ ខែមេសា
លោក ទីវ តារារិទ្ធ ត្រូវបង្ខំចិត្តវិលមកកម្ពុជាវិញភ្លាមៗ ព្រោះតែលក្ខខណ្ឌតម្រូវស្នើសុំ Visa
-
ចរាចរណ៍២ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ២២ ម៉ោង agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៣ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ១ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានអន្ដរជាតិ៥ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក