ព័ត៌មានអន្ដរជាតិ
ស្រាយចម្ងល់! គ្រូពេទ្យជំនាញប្រាប់រយៈពេលដុះអង់ទីគ័រប្រឆាំងកូវីដ ក្រោយចាក់វ៉ាក់សាំងដូសទី ២ រួច
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានមានប្រសាសន៍កាលពីថ្ងៃទី២៦ ខែមីនា ថា វ៉ាក់សាំង Sinovac ក៏ដោយ វ៉ាក់សាំង AstraZeneca ក៏ដោយ វ៉ាក់សាំង Sinopharm ក៏ដោយ នៅពេលចាក់លើកទី១ វាត្រូវការពេលវេលាមួយដើម្បីបង្កើតកងការពារ ឬអង្គបដិបក្ខ (អង់ទីគ័រ) មិនមែនចាក់ភ្លាមកើតភ្លាមនោះទេ ។

ហេតុដូច្នេះហើយទើបមានតម្រូវការចាក់ជាលើកទី២ ដើម្បីជំរុញឲ្យបង្កើតបាននូវអង្គបដិបក្ខ (អង់ទីគ័រ) នៅក្នុងសរីរាង្គរបស់មនុស្ស ។
ដោយឡែកអ្នកដែលបានចាក់វ៉ាក់សាំងហើយបែរទៅជាឈឺ លោកស្រីវេជ្ជបណ្ឌិត ឱ វណ្ណឌីន បានបញ្ជាក់ថា នៅពេលចាក់វ៉ាក់សាំងលើកទីមួយហើយមិនទាន់បង្កើតបាននូវកងការពារនោះទេ ហើយក្នុងដំណាក់កាលនេះប្រសិនបើប្រជាពលរដ្ឋមិនបានបន្តអនុវត្តនូវវិធានការការពារនោះទេ វាធ្វើឲ្យលទ្ធភាពនៃការចម្លងរបស់វីរុសកូវីដ ១៩ វាយលុកចូលក្នុងសរីរាង្គរបស់យើងបាន ហើយនៅពេលនោះសិរីរាង្គកាយរបស់យើងមិនអាចទប់ទល់ជាមួយវាបាននោះទេ លទ្ធភាពនៃការឆ្លង លទ្ធភាពនៃការឈឺ លទ្ធភាពនៃការស្លាប់ គឺមានគ្រប់ពេលវេលាទាំងអស់នៅក្នុងចន្លោះពេលនៃការចាក់វ៉ាក់សាំងនេះ ។

ចំពោះអ្នកខ្លះឈឺនៅពេលចាក់វ៉ាក់សាំងដូសទី ២ ភ្លាម លោកស្រីវេជ្ជបណ្ឌិត ឱ វណ្ណឌីន បានបញ្ជាក់ដែរថា សិរីរាង្គកាយរបស់យើងត្រូវការពេលវេលាមួយ ដើម្បីជំរុញបង្កើតកងការពារ ដូច្នេះនៅក្នុងដំណាក់ កាលនេះ វ៉ាក់សាំងដែលចាក់ទៅហើយមិនទាន់មានលទ្ធភាពជួយទប់ទល់ជាមួយវីរុសកូវីដ១៩ បាននោះទេ ។ ហេតុដូច្នេះហើយលោកស្រីបញ្ជាក់ថា នៅមុនពេលចាក់វ៉ាក់សាំង អំឡុងពេលចាក់វ៉ាក់សាំង និងក្រោយពេលចាក់វ៉ាក់សាំង គឺបងប្អូនទាំងអស់ត្រូវបន្តអនុវត្តវិធានការការពារ ៣កុំ ៣ការពារឲ្យបានជាប់លាប់ជាទីបំផុត ។
ពាក់ព័ន្ធបញ្ហាខាងលើនេះដែរលោកវេជ្ជបណ្ឌិត Randeep Guleria នាយកវិទ្យាស្ថានវិទ្យាសាស្ត្រវេជ្ជសាស្ត្រឥណ្ឌា (AIIMS) បាននិយាយថា ការចាក់វ៉ាក់សាំងប្រឆាំងនឹងជំងឺកូវីដ ១៩ គឺសំខាន់ណាស់ដល់បុគ្គលម្នាក់ៗដើម្បីអភិវឌ្ឍការឆ្លើយតបនឹងប្រព័ន្ធភាពស៊ាំកាន់តែប្រសើរឡើងប្រឆាំងនឹងជំងឺនេះ ។

គាត់បាននិយាយថា កម្រិតនៃអង់ទីគ័រជាទូទៅមានការអភិវឌ្ឍ ឬដុះចេញប្រឆាំងជំងឺកូវីដ ១៩ រយៈពេល ២ សប្តាហ៍ បន្ទាប់ពីទទួលការចាក់វ៉ាក់សាំងដូសទី ២ ។
អ្នកឯកទេសខាងរោគសួតជាន់ខ្ពស់រូបនេះក៏បានសង្កត់ធ្ងន់ដែរថា វ៉ាក់សាំងដែលបានផលិតនៅក្នុងប្រទេសឥណ្ឌានឹងមានប្រសិទ្ធភាពដូចវ៉ាក់សាំងមួយចំនួនដែលត្រូវបានបង្កើតឡើងដោយប្រទេសដទៃទៀតដែរ ។

ទន្ទឹមនោះគាត់ក៏បានឆ្លើយតបទៅនឹងសំណួរដូចជាថាតើការចាក់វ៉ាក់សាំងការពារជំងឺកូវីដ ១៩ មានភាពចាំបាច់ទេ តើវាត្រូវការរយៈពេលប៉ុន្មានដើម្បីអភិវឌ្ឍ ឬដុះអង់ទីគ័រចេញមកប្រឆាំងជំងឺមួយនេះ ហើយប្រសិនបើចាំបាច់តើអ្នកដែលជាសះស្បើយពីជំងឺកូវីដ ១៩ អាចចាក់វ៉ាក់សាំងបានទេ ។
លោក Guleria បាននិយាយថា ខណៈពេលទទួលការចាក់វ៉ាក់សាំងការពារជំងឺកូវីដ ១៩ ដោយស្ម័គ្រចិត្ត ឬអ្នកមិនធ្លាប់មានប្រវត្តិឆ្លងជំងឺ វានឹងជួយអភិវឌ្ឍការឆ្លើយតបរបស់ប្រព័ន្ធភាពស៊ាំ ឬកងការពារប្រឆាំងនឹងជំងឺកាន់តែប្រសើរឡើង ហើយវាប្រើរយៈពេល ២ សប្ដាហ៍ដើម្បីឲ្យអង់ទីគ័រដុះចេញមក ។ ទោះយ៉ាងណាក៏ដោយអ្នកគួរទទួលការចាក់វ៉ាក់សាំងពេញលេញសម្រាប់ការពារខ្លួនអ្នកពីជំងឺនេះ និងដើម្បីបញ្ចប់ការរីករាលដាលនៃជំងឺនេះសម្រាប់ទំនាក់ទំនងជិតស្និទ្ធជាមួយសមាជិកគ្រួសារ មិត្តភក្តិ សាច់ញាតិ និងអ្នកផ្សេងទៀតជាដើម ៕

ប្រែសម្រួលដោយ ៖ ជីវ័ន្ត
ប្រភព ៖ The Hindu
ចុចអាន ៖ កំហុសឆ្គងមួយចំនួន មនុស្សតែងយល់ច្រឡំពីការចាក់វ៉ាក់សាំង

-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត