ព័ត៌មានអន្ដរជាតិ

កុងតឺន័រយក្សជាប់គាំងនៅទន្លេប្រទេសអេហ្ស៊ីបកំពុងខាតបង់ប្រាក់រាប់លានដុល្លាររាល់ថ្ងៃ

បានផុស

៣ years មុន

នៅ

ថ្ងៃចន្ទ ២៩ មីនា ២០២១

ដោយ

រយៈពេល៦ថ្ងៃហើយដែលកុងតឺន័រខ្នាតយក្សដឹកសត្វពាហនៈមួយគ្រឿងបានជាប់គាំងនៅទន្លេ Suez Canal ប្រទេសអេហ្ស៊ីបនៅមិនទាន់យកចេញបានឡើយដែលបានបណ្តាលឲ្យប៉ះពាល់ដល់ពាណិជ្ជកម្មអន្តរជាតិ និងខាតបង់ប្រាក់រាប់លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម MarineTraffic និង VesselFinder បាននិយាយថា នាវាអូសពីរគ្រឿងបានកំពុងធ្វើដំណើរទៅជួយប្រតិបត្តិការទាញកុងតឺនរនោះ ខណៈអ្នកជំនាញបានដាក់ក្តីសង្ឃឹមទៅលើជំនោខ្ពស់ដែលអាចជួយដល់ការទាញកុងតឺន័រនោះ។

វិបសាយចរារណ៍ផ្លូវទឹកបាននិយាយថា នាវា Carlo Magno ដោនទង់ជាតិអ៊ីតាលី និងនាវា Alp Guard ដោតទង់ជាតិហុល្លង់កំពុងធ្វើដំណើរតាមផ្លូវទឹកមហាសមុទ្រ Red Sea ឆ្ពោះទៅទន្លេ Suez Canal។

កុងតឺន័រឈ្មោះ MV Ever Given ដែលមានប្រវែងវែងជាងបណ្តោយទីលានបាល់ទាត់៤ដងបានជាប់គាំងទទឹងទន្លេតាំងពីថ្ងៃអង្គារសប្តាហ៍កន្លងទៅដែលបណ្តាលឲ្យកក់ស្ទះចរាចរណ៍ផ្លូវទឹកទាំងទៅ និងមក។

វិបត្តិជាប់គាំងកុងតឺន័រយក្សនេះបានបង្ខំឲ្យក្រុមហ៊ុននានាពិចារណារកនាវាដឹកទំនិញសាឡើងវិញនៅផ្លូវទឹក Cape of Good Hope របស់អាហ្វ្រិក ដែលជាមធ្យោបាយយូរ និងកាន់តែថ្លៃជាងមុនដើម្បីធ្វើដំណើរចន្លោះទ្វីបអាស៊ី និងអឺរ៉ុប។

ឥឡូវនេះទំនិញរាប់ពាន់លានដុល្លារត្រូវបានជាប់គាំងទាំងទៅ និងមកនៅទន្លេ Suez Canal ហើយពេលវេលាកន្លងផុតទៅមួយថ្ងៃៗបានបណ្តាលឲ្យខាតបង់ប្រាក់រាប់លានដុល្លារអាមេរិកសម្រាប់ប្រទេសអេហ្ស៊ីប និងសហគ្រាសពាណិជ្ជកម្មជុំវិញពិភពលោក។

ការកត់សំគាល់ដោយសុទិដ្ឋិនិយមកាលពីថ្ងៃសៅរ៍ រាប់បញ្ចូលទាំងប្រធានអាជ្ញាធរទន្លេ Suez Canal លោក Osama Rabie បានប្រាប់សន្និសីទសារព័ត៌មានថា កុងតឺនរអាចនឹងយកចេញបាននៅយប់ថ្ងៃអាទិត្យ។

កុងតឺន័រយក្ស MV Ever Given មានប្រវែង៤០០ម៉ែត្រ និងទម្ងន់២០ម៉ឺនតោនបានជាប់គាំងនៅទន្លេ Suez Canal កាលពីថ្ងៃអង្គារ សប្តាហ៍កន្លងទៅនេះដែលបណ្តាលមកព្យុះខ្សាច់។

ប៉ុន្តែកាលពីថ្ងៃសៅរ៍លោក Rabie បាននិយាយថា កំហុសបច្ចេកទេស ឬមនុស្សអាចស្ថិតនៅពីក្រោយដែលបណ្តាលឲ្យកុងតឺន័រដែលដោតទង់ជាតិប៉ាណាម៉ាគ្រប់គ្រងដោយតៃវ៉ាន់ជាប់គាំងនេះ។

លោក Rabie ប្រាបថា ប្រទេសអេហ្ស៊ីបបានកំពុងបាត់បង់ប្រាក់ចំណូលពី១២ទៅ១៤លានដុល្លារក្នុងមួយថ្ងៃពីការជាប់គាំងទន្លេនេះ ខណៈ Lloyd’s List បានឲ្យដឹងថា ការជាប់គាំងនេះកំពុងរាំងស្ទះទំនិញតាមការប៉ាន់ស្មាន៩.៦ពាន់លានដុល្លារអាមេរិកក្នុងមួយថ្ងៃៗចន្លោះអាស៊ី និងអឺរ៉ុប។

ទីភ្នាក់ការសុខភាពសត្វរបស់ប្រទេសរ៉ូម៉ានីបាននិយាយថា នាវា១១គ្រឿងដឹកសត្វពាហនៈចេញទៅក្រៅប្រទេសបានរងផលប៉ះពាល់ពីការជាប់គាំងនេះ។ អង្គការសត្វអន្តរជាតិ NGO Animals International បានព្រមានថា «សោកនាដកម្ម»ដ៏អាក្រក់បំផុតកំពុងប៉ះពាល់ដល់សត្វប្រមាណ១៣០០០០ក្បាល៕