កូវីដនៅថៃធ្លាក់ចុះ ថ្ងៃនេះរកឃើញត្រឹម៣៩ករណី

នៅថ្ងៃចន្ទនេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍ថា មានការឆ្លងថ្មីត្រឹម៣៩ករណីប៉ុណ្ណោះ ខណៈក្នុងនោះមាន១១នាក់ជាករណីនាំចូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមករណីថ្មីទាំងអស់ មានមនុស្ស១៦នាក់បានឆ្លងជំងឺដោយសារតែធ្វើដំណើរទៅកាន់តំបន់ដែលមានហានិភ័យខ្ពស់។

បាងកកមាន៩ករណី, Samut Sakhon ៥ករណី, Kalasin ១ករណីនិង Maha Sarakham ១ករណី។

ទន្ទឹមនោះ ការធ្វើតេស្តសកម្មបានរកឃើញចំនួន១២ករណី ដែលក្នុងនោះមាន៦ករណីនៅបាងកក, ៥ករណីនៅ Samut Sakhon និង១ករណីនៅ Ratchaburi។ 

ចំពោះករណីនាំចូលទាំង១១ករណីរួមមាន ជនជាតិថៃចំនួន៦នាក់ ឥណ្ឌា៣នាក់ រុស្ស៊ីម្នាក់ និងអាល្លឺម៉ង់ម្នាក់។

ស្របពេលជាមួយគ្នានោះដែរ អ្នកជំងឺចំនួន៧៤នាក់បានជាសះស្បើយ។

គិតត្រឹមថ្ងៃចន្ទនេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់២៨,៧៧៣ករណី។ មនុស្សចំនួន ២៧,៣១៣នាក់បានជាសះស្បើយ ហើយអ្នកស្លាប់មាន៩៤នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ថៃ បន្តរកឃើញអ្នកឆ្លងកូវីដថ្មី៨០ករណី និងមានអ្នកស្លាប់ម្នាក់ទៀត